نصف عاهرة بين مخالب طاغية الكاتبة منال منولة باللهجة الجزائرية

لا تترك يدي ولا تخذل رجاء قلبي

الاغنية تهبل اسمعواها تليق ب ايراد وشخصياته 

تتمة للاحداث السابقة

حست وجع كبير في صدرها .. تقول كاين حاجة ثقيلة راهي محطوطة عليه .. حست انها ماشي قادرة تاخذ نفس كلما تتفكر وش صرى تتازم حالتها اكثر .. هي مستحيل تكافي ايراد هكا من بعد كامل التضحيات الى عملهم على جالها .. هو يستاهل كل خير منها .. ضميرها صار يعذب بيها ووقفت بين نارين .. بين راحتها وبين راحته هو .. يعني هي مارحش تبقى فالدزاير طول حياتها .. مجرد فترة حتى تستعيد رباطة جائشها ..

كل ماتتفكر كيفاه ايراد كسر الزجاج وكان زعفان وامله خايب فيها .. النفس يزيد يضيق عليها وتنهار اكثر واكثر .. وزيد مزال خبر البيبي وزيد وزيد امور راهي مخبيتها عليه واكيد هو مارحش يتحمل كثر من هكا ..

اسيل (وقت سمعت صوت سيدرا وكيفاه كانت مخنوقة .. طلعتلها راسها وحطت يديها للزوج على خدها ) تنفسي سيدرا اتنفسي

سيدرا ( ماقدرتش تسيطر على روحها ) مانيش قادرة اهئ اهئ .. مانيش قادرة

اسيل(كانت قدرت تتكهن السبب الى مخليها هكا ) مكان والو سيدرا .. هذا زعاف عادي ويصرى في احسن العائلات ..

سيدرا (صارت تعض في يدها بتوتر ) رح يكرهني .. رح يكرهني علابالي ورح يعتبرني خاينة هو يكره اي واحد يخبي عليه ويطعنه في ظهره

اسيل ( حكمتلها يديها وطبعت بوسة عليهم ) مارحش يخمم هكا .. هذا ايراد الى رانا نحكو عليه ..تنفسي سيدرا

سيدرا ( حطت يدها على قلبها .. حساته هو الاخر رح يحبس ) علاه علاه ديما يصرى هكا .. يعني حرام لوكان ليلة تفوت عادية بلا مشاكل

اسيل ( نسفت وحطت يدها على كرش سيدرا ) يصرى هكا بين اي اثنين يحبو بعض .. وزيد خصك تصبري وتخمي في ولدك ..

سيدرا ( وقت حست بيد اسيل على كرشها توقفت للحظة ورمشت بشوافرها المشمخين بالدموع ) البيبي

اسيل ( بقات تمسحلها على شعرها بحنية ) خمي فيه شوي ماعندوش ياربي شهر .. حرام لوكان يضيع ويروح

سيدرا ( بدات انفاسها تهدى شوي شوي )

اسيل ( حكمت الboite de papier خرجت وحدة وصارت تمسحلها في دموعها ) وزيد كي تزعفي هو يحس بيك .. ويزعف تاني ويتقهر.. ماديريش هكا بنتي

سيدرا ( عضت شفتها بتوتر ) نحب نحكي مع ايراد

اسيل ( حطت البوات على جيه ورجعت تلملها في شعرها ) ماشي ضرك سيدرا ..خليه يهدى شوي وصباح وتحكو وتعالجو الامور الى بينكم ..

سيدرا ( مسحت على وجها وصارت تمروح على روحها ) اوكي

اسيل ( ناضت من حذاها .. وصارت تجر فالكرسي المتحرك ..مدخلتها للشومبرا نتعها.. وين كان باقي الخدم يستناو فيهم ) عاونوني نحطها في فراشها