نصف عاهرة بين مخالب طاغية الكاتبة منال منولة باللهجة الجزائرية

تهرب مني الى احضاني

تتمة للاحداث السابقة

وقت الطبيب كان رح يقول النتائج الكل حبس الانفاس نتعه .. وزاد التوتر وضربات القلب زادت في سرعتها تقول راهم في سباق مع الوقت ولا حاجة .. وقت ايراد تضرب في ذراعه مكانش الموقف هكا لانه معروف بالتحمل والقوة ولكن وسام مستحيل تعيش مع فكرة انها مشلولة وهذا رح يكون بمثابة صدمة ليها ورح يخلي نفسيتها تتازم يوم بعد يوم ..

الطبيب ( بقى يقرى فالنتائج ) اظهرت الاشعة شفاء العظام بطريقة طبيعية وانك لا تحتاجين الى عملية اخرى والآن سنقوم ببعض الاختبارات الصغيرة

وسام ( ارتاحت نسبيا ) حسنا

الطبيب ( تقدم منها ووحكم ريشة وبقى يفوت فيها على اصابعها ) هل تشعرين بها

ايراد ( ضيق عينيه وبقى واقف يشوف كيفاه اخته متوترة وخايفة ) وسام ركزي وماتظغطيش على روحك اذا ماحسيتيش بيها ماشي يعني شلل

وسام ( تبسمت معاه وعينيها معمرين دموع ) لم اشعر بها

الطبيب ( كمل يفوت فالريشة على اصابعها ) والآن

وسام ( حست برعشة سرات في جسمها كامل ) دغدغة صغيرة فقط

ايراد ( خذى نفس طويل .. وطلع يده يشوف فيها يتفكر نهار تصاوب وقدر يخرج منها .. كان متوتر وحاكم رووحه بسيف لحظات حس باصابع سيدرا كي تخللت يده لثانية فالوقت هذاك تلفت ليها وتبادلو نظرات عميقة )

سيدرا ( زيرتله على يده وبقات تمسح بصباعها عليها ) رح تكون بخير راني حاسة بيها

ايراد ( راحة غريبة سرات في جسمه كامل وقت حس بالدعم نتعها هذا .. ووقوفها جنبه حتى وهوما مختلفين ) راني متمني هذا الشئ

الطبيب (كمل فالاختبارات ) حاولي امساك الريشة مرة اخرى

ديمة ( مسحت على شعر وسام ) حاولي وماتخافيش

وسام ( خذات نفس طويل وبقات تحاول تحكم الريشة ... بقات تقرب حتى حكمت برك راسها ورجعت طيحتها من يدها ) تبا

الطبيب ( ملامح وجهه تفردت شوي ) جميل جميلا

وسام ( طلعت حاجبها وشافت فالباقي) هل يعني اني تحسنت

الطبيب ( سكت ومسح العرق من على جبهته ) اجل