نصف عاهرة بين مخالب طاغية الكاتبة منال منولة باللهجة الجزائرية

حروب قاسية على الابواب

تتمة للأحداث السابقة

في ذلك لوقت شعور لا يوصف حل عليهم كامل .. غضب وقهر وعلامات استفهام كانت تطرح في روحها بالأخص على راسم .. الى كان باين انه على وشك نوبة ولكن اسيل قررت تدخل .. حطت يدها على كتفه وخذات نفس طويل

_امشي معاهم راسم .. وانا ضرك نجيب المحامي ونجي

راسم ( عينيه توسعوا ) بصح اسيل انا مادرت والو وكون عندي الغبرة ب رايك نخليها قدامهم

اسيل (حطت يديها على وجه راسم وبصوت هادي صارت تطمن فيه ) انت توثق فيا

راسم (نسف ومسح على وجهه .. بقى لثواني ساكت ممبعد شاف فيها وفي نظراتها الحادة ) اكيد نوثق فيك اسيل

اسيل ( طلعت حاجبها ) مالا امشي معاهم وضرك انا نتصرف وصدقني الى عمل هكا رح يشوف اسيل اخرى تماما

انس ( مسح على شعره ) اسيل عندها الحق وانا راني معاك .. قصدي رح نمشي معاك للمغفر ونبقى معاك حتى تخرج

راسم ( دوح براسه يقلب فالفكرة هاذيك .. مكانش متقبلها ولا شيء .. مكانش قادر يهضمها وكانت ثقيلة بزاف يعني في وقت ما يجهز لعرسه صرى هكا .. تلفت للظابط ) بدون كلبشات .. لا اريدك ان تقيدي يدي

الظابط ( تلفت للثانية ولخرى هزت كتافها ممبعد شافت في راسم ) حسنا تفضل معنا الى الخارج

اسيل (حطت يدها على كتف راسم ) روح راسم وانا رح نخرجك من تما لانه عندنا عرس وفرح يستنى فينا

انس ( رفد لفون نتاعه من فوق الطابلة ) وقت نوصلو نعيطلك نقولك واش صرى.. تشاو

في ذلك الوقت تمشي راسم والظباط هاذوك وسط لرواق البوتيك ومن حسن الحظ انه انس كان حجزه كامل ليهم .. يعني مكان صحافة مكان ناس تصور واصلا سياسية المحل تمنع هذا لشيء حفاظا على خصوصية الزبائن نتعها

تحل الباب وخرجوا برى ..وين كانت المركبات متوقفين على جنب .. تقدمت الظابط حلت الباب الخلفي للطموبيل وتلفت لراسم الى زفر كيف التنين و ركب كملت ركبت بحذاه الظابط الثانية الى حطت رجل على رجل وررخفت القفال تاع الشوميز نتعها ..حتى صدرها صار يبان شوي في ذلك الوقت استغرب راسم بزاف من تصرف هذا ولكن سوقهم هذا هو المهم يخرج من لمشكل هاذي

لحظات هي حتى اقلعت السيارة متوغلة وسط الشوارع الاسبانية المكتضة بالمركبات الباقية .. وبدون مقدمات الظابط رفعت يدها وبهدوء و حقنت راسم بمخذر في رقبته

راسم (حس بوخزة وحط يده على رقبته ) ما هذا .. ماذا فعلتي

الظابط ( ضحكت بخبث ) نوع جديد من المخذرات ولكن سيعجبك جدا صدقني

راسم ( حاول يتحرك ولكن ماقدرش ببساطة وبداو عينيه يتغمضو شوي شوي وحس بنعاس كبير ) اا ا ااا..