تتمة للاحداث السابقة
وقت سيدرا سمعت كلمة" سر " قلبها قريب يطيح منها .. اكبر سر عندها هو حقيقة زواجها الى حكاتها لفرات والاتفاق لى صرى بينهم .. زعما كاين شكون الى شافو وهو داخل للمغاسل تاع النساء .. ورطة كبيرة مع انو ماصرى والو ولكن الناس تحب تعجن وتخرج في قصص على غرضها
سيدرا ( ضحكت باستهزاء ) وش من سر . . نظن راك غالط ولا راكي غالطة
_ لا مانيش غالط .. سيدرا بن رفاعي 18 سنة طالبة سنة اولى طب تزوجتي البارح من ايراد المالكي صح ولا راني غالطة
سيدرا ( وقت سمعت كامل هاذي المعلومات حست انو ماهيش لعبة ولكن مالقات ماتقول ) صمت
وعد ( طرطقت بالضحك ) هاذي انا وعد
سيدرا ( خذات نفس طويل ورجعت فيها الروح واخيرا )و علاه صوتك راه هكا .. ومنين جبتي الفون
وعد ( شافت على جيه البواط تاع الفون الجديد نتعها المحطوط على جيهة ) جدي واخيرا رفع علينا الحجر وشرالي فون وزيد هاذي ابليكاسيون جديدة حبيت نجربها معاك
ايراد ( كان حل البيسي نتاعو ويقرى في اخر الايمايلات ولكن مركز معاها )
سيدرا ( شافت فيه ممبعد رجعت تحكي ) بركات شيخة سيدرا .. وزيد ماصتي معامن تجربي الابليكاسيون قلتي نخلع سيدرا شوي
وعد ( تلفت لصورهم مع بعض ) والله مابلعاني .. سامحيني
سيدرا ( صارت تحس بالدخان يخرجلها من وذنيها ) السماح .. المهم وش دايرة فيها
وعد ( قلبت شفايفها ) توحشتك من ضرك
سيدرا ( ضحكت ودوحت براسها ) هاني نحكي معاك .. وش تحبي كثر
وعد ( جات تحكي سمعت دق على الباب ) رح نخليك .. نحكو ممبعد فالمسنجر راني بعتلك انفي اقبليني ماشي تبداي من ضرك ماتحلبيش
سيدرا ( كانت عينيها على المباني والطرقات ) اوكي .. باي
ايراد ( تلفت ليها بعدما رد على الايميلات كامل .. طالعها بالنظرات الباردة نتاعو ) بلخف قسمتي النيمرو تاعك
سيدرا ( رفدت الفون الى كان هدية من البشير ) لا هاذا تاعي القديم .. الجديد مزال مانمدو
ايراد( خطفلها التلفون من يدها وبقى يشوف معاه .. ممبعد ركز مع عينيها الخضر وفجاة عمل حركة غير متوقعة ظغط على زر الزجاج حلو ورمى التلفون منو ورجع يشوف فالبيسي ) قلت صوالح الدزاير يبقاو تما .. وهدرتي مارحش نزيد نعاودها
سيدرا (تصلب الجسم نتعها والدموع تحجرت فالفيروزيتين نتعها ) علاه عملت هكا .. وش عليه اذا كان عندي زوج تلفونات .. مااشي من حقك تدير هكا ايراد
ايراد ( بصوت هادئ على الاخير وابتسامة ساخرة حطت على شفاهو )ماشي من حقي .. راكي مرتي وندير وش نحب فهمتي .. ونتي مدام وقت راجلك يقول حاجة تقوليلو حاضر .. الدرس الاول تاع اليوم مزال دروس اخر راهي تبانلي
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Romanceهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
