نصف عاهرة بين مخالب طاغية الكاتبة منال منولة باللهجة الجزائرية

ساعيد كتابة القدر بطريقتي

تتمة للأحداث الساابقة

كانو للزوج فالماء في ذاك الجو الدافئ والاضواء الخافتة .. وكانو المشهد تجهز على جالهم هوما الزوج برك ليكون ايراد وسيدرا وجها للوجه .. كان امتزاج البارد والساخن .. وكل واحد فيهم معاند وميبس راسو ..

رجوعا لسيدرا وايراد الىوكي لعادة محاوطها كيف النسر بيديه الكبار وهي كيف القطة الشقية ولمشاكسة بين ذراعتيه .. المتمردة التى تتميز بالانوثة وديما تسلب لانظار من ناحيتها صاحبة اجمل عيون فجاة .. عينيهم تلاقو وانفاسهم صارت حارقة يعذبو بيها في بعضهم البعض

سيدرا ( حطت يديها على صدرو ) تشمخت ياربي

ايراد ( بقى يتامل فيها وهي تعافر فالماء  مستحلي العذاب الى سلطو عليها وعارفها مليح انو جمالها اغلى ماعندها .. حب يشوفها مظطربة ..خائفة كيما اخر مرة كان معاها في تلك اللحظة نهرها ) اسكتي شوي .. شعال تهدري وشعال تعيطي .. مايليقش بيك . مايليقش بدوموازل كيفك تحكي هكا

سيدرا ( رمشت بشفارها وصار صدرها يطلع ويهبط  ممبعد زفرت بعصبية وكملت تحكي  ) كون مانحكيش هكا كون راهم كلاوني.. وخصوصا الناس الى كيفكم

ايراد ( طلع يدو وخخرلها الشعر من على وجها الىبدى يبان شوي ) وش بيهم الناس الى كيفنا

سيدرا ( سرطت ريقها ) متكبرين .. ورافدين نيوفهم للسما .. الناس الى فيهم غير لسان وزيد وش كانت تقصد اختك ساع وش يعني انو سراقة وش شافتني سرقتلها

ايراد ( بقى يشوف مع شفافها الى يرعشو بحيث رفع حاجبه لفوق ) يعني رح تفهميني انو ماعندكش علم انو البشير خلالك نصيب قبل لايموت .. حاولي تقنعيني

سيدرا ( عينيها توسعو ) هو طلب مني نمشى لاسبانيا و

ايراد (  حط يديه على خصرها ورفعها فوق حاشة المسبح الرخامية وقت تقابلوا وجوهم رفع حاجبه متسائل عن الاسباب الي تخليها متمسكة بالمكان هذا ) هيه خبريني علاه ماتحبيش تمشى .. نرمالمون تحبي دراهم وتحبي تخرجي وتحوسي .. تحبي تفوتي وقت شباب .. علاه قلتي لااا

سيدرا ( تفكرت السبب الى خلاها تقول لا وكانت صريحة وعمرها لاتحب تلفيق الا وقت يخص الاعمال نتعها ) لاني خممت فيها مليح ولقيت رح نتعذب ومارحش نتالقم تما .. مانيش مستعدة لحروب مع اخواتك وعلى واش شوية فتات

ايراد ( قاطعها وهو يشوف مع سنسلة لى مزينة رقبتها البيضاء والى تقول عليها لوحة زيتة يتخللها شوي نمش وكانو الفنان رمى حبات القرفة لحتى يزيد من رونق الرسمة ) ولا خفتي الحب يمشى وخليك

سيدر ا ( عينيها طرطقو لانها عرفاتويقصد فرات ) وش من حب وش راك تقول

ايراد ( حط يدو السلسلة ورفعها ثم ورجع يشوف معاها ) زعما عجباتك ولا قبلتي برك لاحتى ماتخسريهش