نصف عاهرة بين مخالب طاغية الكاتبة منال منولة باللهجة الجزائرية

منك لا استطيع الاكتفاء

تتمة للاحداث السابقة

سيدرا هبطت من حضنو وقعدت جنبو تشوف فيه وتلبس في الدوبياس نتعها .. كان تعرف من ملامح وجهو الى جمدت ورجعت جدية بلي كاين مشكل .. ويمكن يكون بسبب عملتها مع الصحافة .. صح هي ماتبينش اما تخاف من نوبات العصبية نتاعو والجنون الى يركبو وقت يلقى شئ حاجة غلط .. بقات تعدل في روحها وتلبس في لاغوب نتعها وتسمع في انفاسو وفي الحروف كي تخرج من بين سنانو دليل على انو الموضوع مش ولابد

ايراد ( فوت لسانو على شفافو وزير على البونية نتاعو ) وش تحب

فرات ( كان يحاول يستفز فيه وعلى هذا عيط ) معقول تحكي مع خوك هكا تس تس خيبت ظني بصراحة

ايراد ( حاول يهدي روحو على قد ماقدر لانو فالاخير فرات راه تحت تاثير المنظمة وهدرتها ) كان تحبني نحكي معاك مليح ... ارجع للقصر وانسى كلشي

فرات ( شعورو بالوحدة مكانش يفارقو دقيقة وحدة برك ولا ينسى هدرة البروفيسور هاذيك ) ننسى وش ننسى برك وش نخلي .. ننسى انو خويا نكرني وسرقلي الطفلة الى نحبها وتزوج بيها مكرة فيا

ايراد ( زير على البونية نتاعو وعيط ) ماتخلطش الهدرة .. سنين وانا نحوس عليك وعندي دليل على هدرتي اما الخرطي لاخر انساه لانو راه من خيالك برك ومن الصورة الى شكلوهالك عليا

فرات ( ضحك وكمل يحاول يهبل فيه ) تحسبها تحبك .. راهي سيدرا بنت الكارطي نتاعي كبرت قدام عينيا .. تحب غير الدراهم برك هذا وش يهمها في حياتها كامل

ايراد ( بالرغم منو ضحك على هدرة فرات وحب يشعلو نارو ) صح بلاك كبرت قدامك بصح ماتعرفهاش وماتعرف حتى حاجة في حياتك والدليل الى يجي يجرك من وذنك

فرات ( ضرب الكرسي برجلو ) وش راك تخرف

ايراد ( بصوت هادي وملامح وجه هادية وباردة وجامدة ) خيبت ظني فيك ياولد رياض ونجود .. كنت نتوقع وقت نلقاك نصيب راجل كيما يقولو المصرين ' ملو هدومو ' بصح لقت طفل صغير يتبع برك ماهو عرف الب من التاء وصدقني راك تعب في روحك

فرات . حابب تقتلني تبانلي ممم ايراد المالكي

ايراد ( صورة الام تاعو كانت قدام عينيه وهي توصي فيه على انو يلقى فرات ) رح نربيك قبلك لحتى ترجع لعقلك وتعرف صلاحك

فرات ( صار يقهقهق ودموع معمرين عينيه ) كي نتلاقو عند ربي وش رح تقول لنجود ورياض اممم .. رح تقولهم سرقت ورث خويا وسرقتلو حياتو والطفلة الى كان حاطط عينو عليها

ايراد ( ضحك على هدرة فرات .. كان حابب يقابلو يعطيه طريحة كلاب ) مارحش نتلاقاوهم لانو للزوج راحين لجهنم وتما رح نعطيك درس

سيدرا ( استغربت من ضحكة ايراد بزاف ) وش بيه هذا هبل

فرات ( كمل يحكي بغل وحقد ) رح تقولهم بلي خليت خويا فالفقر والحاجة .. خليتو يضيع اه