نصف عاهرة بين مخالب طاغية الكاتبة منال منولة باللهجة الجزائرية

ثغرة

تتمة للأحداث السابقة

سيدرا ( تلفت ليها ماشي فاهمة علاه عملت هذا الشيء .. ترجع فالفون نتعها في لابوشات وتحكي في نفس الوقت ) افتحي الباب علاه غلقتيه

الخادمة (جبدت السكين من تحت لاجيب نتعها وفتحاته بعدها رفعت صباعها وحطاته على شفافها ) ششش

سيدرا ( عينيها لخضر توسعو وصارت ترجف ) وش تحبي مني اه .. عاونوني يا ناس .. اسيل اسيل

الخادمة في ذلك الوقت الى عيطت فيه سيدرا.. هجمت عليها بدون ماتفكر مرتين .. لحتى تكتم تماما حسها وتلغيها من الحسابات .. بينما سيدرا تراجعت لور وفي طريقها جبدت المناشف لكل وراها وطاحت على الارض .. في هذاك الوقت حتى غريمتها اختل توازنها وطاحت هي الاخرى على المغاسل

سيدرا مكانش عندها وقت كافي .. تلفت على جيه لقات قرعة رخامية لاصقة في الحيط خاصة بالصابون ... بدون ماتفكر حملتها وبكل قوة ضربت بيها عدوتها للراس ما تسبب في فقدان السيطرة لعدة دقائق .. بعدها ناضت من مكانها وجرات من اتجاه الباب تحاول تفتح فيه وقت ماقدرتش صارت تضرب فالباب وتعيط

_ عاونوني .. عاونوني .. اسيل

الخادمة حطت يدها على مكان الضربة وشافت الدم .. جن جنونها اكثر وحبت تعطي سيدرا درس مهم بزاف .. مغتنمة خوفها على صغيرها وذعرها الكبير وبينما هي تجهز في روحها لا تهجم مرة اخرى الباب تاع البانيو تخلع وتحل

اسيل ( دخلت والكابوس بين يديها .. ) واش كاين لهنا

سيدرا ( اول مالمحت اسيل جرات لعندها ودخلت في حضنها وصارت تنهج وصدرها يطلع ويهبط ) راهي تحاول تقتلني اسيل .. هجمت عليا بدون سبب

اسيل ( حطت سيدرا ورى ظهرها وشافت في هاذيك المجندة .. بقات تشوف معاها وفي نفس الوقت تحكي ) روحي انتي ضرك انا غادي نتهلا فيها

سيدرا ( كانت تتوجع من السقطة هاذيك ولكن لحسن الحظ طاحت على المناشف وستر ) رح نعيط لرجال ايراد وخلاص

اسيل ( صارت تطلع في لاغوب نتعها لفوق شوي ) اطلعي لفوق ريحي .. يلا

سيدرا ماجت تكمل هدرتها حتى اسيل غلقت الباب وتكات عليه .. على حساب شكلها تبان جديدة واول مرة تخرج للميدان .. شافت فيها مليح .. بعدها رفعت حاجبها وحاولت تحذرها .. وتخليلها الخيار اما تنضرب للموت واما تنسحب بهدوء

_ انت تعبثين مع الشخص الغلط .. انصحك بالانسحاب

المجندة ( زيرت على السكين في يدها ) قاتليني ام انك خائفة مني

اسيل شافت فيها من لفوق لتحت وضحكت بصوت عالي .. في تلك الاثناء انطلقت تجري من اتجاها بينما الاخرى اشهرت عن سكين اخر .. وصارت تعافر فيها ولكن الى ماتعرفوش انه الى راهي امامها هي مارين منرو