نصف عاهرة بين مخالب طاغية الكاتبة منال منولة باللهجة الجزائرية

الحياة فخ وانتي اجمل واحد وقعت به

تتمة للاحداث السابقة

الناس الكل ترعبت من الكلمة هاذيك ..ملامح وجهم جابت الوان .. حبوا يهربو ولكن لوين كان الراجل واقف عند الباب .. سيدرا كانت منهم جرت الكرسي ووقفت وعينيها توسعوا على اخرهم وصدرها بدى يطلع ويهبط وكانو كانت رح تغمى بعدما حسبت انو صاي راحتلها هاذي الحالة كانت غالطة هي مزالها تتاثر لاي حاجة تخص تفجير ولاطلقات نارية تفقد السيطرة

سيدرا ( بقات تبع فيه بعينيها وهو رايح يقرب من طفلة ) رح يقتلها واقيلا

ايراد ( كان يشوف مع لسيد وماتحركش من بلاصتو ..وباالاخص كي طاحت عينو على طفلة تما قاعدة وسط صحاباتها كانو هاديين للغاية يعني كاين حاجة غير تفجير ) الناس هبلت صاي

سيدرا ( شافت في ايراد ومستغربة من برودة اعصابو ) ماشي وقت تجاهل خلينا نديرو حاجة ..

ايراد ( طلع راسو وشاف في صغيرته الى كانت خايفة .. حكملها يدها وقعدها في مكانها وحد صبعو على شفافها وقرر يسقيها بشوي من برودة الاعصاب نتاعو ) مارح تصرى حتى حاجة .. اتفرجي برك

سيدرا ( سرطت ريقها ودورت راسها تشوف مع الراجل هذاك ) والله لا كنت حاسة بلي رح نموت .. على الاقل كون خلاني نشري الفاست شنال هاذيك وممبعد يفجرنا بغرضو

ايراد ( ملامح وجهو تفردت وابتسامة صغيرة علات الشفاه نتاعو .. مرات تقول هدرة تخليه يزيد يحب يعرفها كثر ويشوف اذا كانت مراهقة في جسد انثى مغرية ام كاين عندها عدة شخصيات ) خلينا نتفرجو

الرجل ( رجع يحكي وتقدم من وحدة وركع على ركبة وجبد علبة وحلها واذا بيه خاتم الماسي ) لا احد يتحرك لان اليوم هو يوم تاريخي . قبل 5 سنوات وفي هذه الساعة التقيت بك حبيبتي وبعدها تغيرت حياتي نهائيا .. بعدما كنت مفلس اصبحت لدي وظيفة بعدما كنت انسان تائه اصبح لدي هدف ولذلك جيسيكا هل تقبلين ان تتزوجي بي لنكمل بقية حياتنا مع بعض

الطفلة ( كانت حاطية يديها على وجها وتبكي ) اهئ اهئ حبيبي

الرجل (كان مزال راكع ) اخبريني ما هو جوابك

الطفلة ( ناضت من بلاصتها وقربت ليه وحضناتو بكل قوتها ) اجل حبيبي اجل اهئ اهئ

الراجل ( حملها في حضنو وبقى يدور بيها والكل يصفق عليهم ) انا احبك كثيرا

الكل كان يصفق .. وفرحانين ويضحكوا .. بعد لحظات رعب خلات حياتهم جحيم كامل نساو وش صرى قبل 15 دق وفرحوا لفرح الكوبل هذاك .. وصاروا كامل يهنوا فيهم على الزواج وبغض النظر على اختلاف الثقافات والجنسيات مزال الزواج عندو الهيبة تاعو هاذيك

سيدرا ( رخات راسها لور ونبرة تملئها السخرية ) وعاشت الارانب في سعادة

ايراد ( تلفت ليها وضيق عينيه ) كان كملتي رح نمشوا ندورو شوي في مدريد