تتتمة للاحداث السابقة
سيدرا وقت سمعت صوتو حست الدم جمد في عروقها .. تلفت ضربة وحدة ووقفت هكاك ماعملت حتى حركة لا حكات ولا عيطت .. كل الى كان يدور في راسها انو لوكان يسمع صوت فرات راح يرميها من هنا وماشي الموت الى رح يلاقيها لا يمكن اسوء من هكا .. فاتت ثواني وهي واقفة تما تشوف فيه وهو لابس سموكي فالاسود شعرو مسرح وبارفانو يلعلع فالهوا
ايراد ( اقترب منها خطوات حتى وصل لعندها غمزها بطرف عينو وهو يعاود في نفس السؤال بينما يدو تلقائيا راحت للتلفون الى كان في يدها وعلى وذنها وحطو على وذنو وبقى ساكت ) معامن راكي تحكي
سيدرا ( سرطت ريقها وتراجعت لور تستنى في مصيرها المحتوم ) هاذي
ايراد ( طلع صباعو وعمللها اششش وتلفت وتمشى مبعد عليها لحتى يسمع بغرضو شكون الى راه يحكي معاها )
وعد ( وقفت من مكانها وفكت التلفون لفرات وزيرت على سنانها ) سيدرا ميمة راهي بزاف مقلقة عليك . قوليلي راكي بخير وفهميني وش حكاية البارح هاذي
ايراد ( طلع حاجبو ومسح على لحيتو الصوت هذا يعرفو اما ماشي متفكر شكون هي ) شكو ن معااياا
وعد ( عينيها توسعو وقريب يخرجو من بلاصتهم ودفعت فرات من طريقها وتمشات شوي للطريق ) انا وعد بنت خال سيدرا
سيدرا ( صارت تمروح على روحها وتتمشى رايحة جاية ) يارب استر
ايراد ( خذى نفس طويل ورجع يتمشى من اتجاه سيدرا ويحكي ) ضرك نفوتلك سيدرا
فرات ( حط يديه في جنابو مستغرب من التصرف نتعها ) وش بيك نتي تحوسي نصرفقك
وعد ( صرت على سنانها وعملتو شششش ممبعد بعدت تلفون على فمها وبدات تحكي) اسكت شوي معليش .. ايراد هو الى رفد
فرات ( مسح على شعرو وتراجع لور ) صحا
سيدرا ( حكمت الفون وبقات تشوف معاه ) احتجتني علابيها جيت
ايراد ( تفكر الموضوع الى خلاه يجي ..جبد الفون نتاعو ودخل للمذكرة وبعثلها وحد الفيشي ) هذا السبيتش تاعك رح تقوليه اليوم فالحفلة .. رح يجو صحفيين بزاف ويبداو س وج ونحب تكوني واجدة .. اليوم نحب مايكون حتى غلطة فهمتي
سيدرا ( كان لحقها الفيشي هذاك حلاتو وقعدت تقرى ) رح نحفظو مكانش مشكل
ايراد ( رجع يشوف فيها وهي لابسة الروب الحريرى وتحتو دوبياس فالاكحل وتبان بشرتها الحليبية مرات يقول مستحيل يكون في عمرها 18 سنة ) قبل لاتهبطي فوتي عليا فالجناح نتاعي
سيدرا ( استغربت من الامر هذا ) علاه ولارح نرجعو لموضوع اللبسة تاني
ايراد ( جبدها من يدها حتى خبطت في صدرو العريض وطلع يدو وبقى يرجعلها فالشعر ورى وذنيها وعينيه منحاهمش من على شفافها هاذوك ) رح ديري وش قتلك وتفوتي عندي للجناح منها نشوفك كي خرجتي ومنها تعاودي سبيتش تاعك قدامي
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Romanceهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
