نصف عاهرة بين مخالب طاغية الكاتبة منال منولة باللهجة الجزائرية

عُد بي إلى حيث كُنت قبل أن ألتقيك، ثم ارحل.

عُد بي إلى حيث كُنت قبل أن ألتقيك، ثم ارحل.

محمود درويش

اسمعوا الاغنية ونتوما تقراو فالحلقات .. هاذي نموت عليها من مسلسل حب ابيض واسود .. 

تتمة للاحداث السابقة

كانت الطموبيل تتمشى بسرعة عادية .. في هذاك الطريق ومع الوقت صارت تسرع شوي شوي .. كان الزجاج مفتوح والهوا كان يصفع في خدود سيدرا صفع وكانه يفيق فيها لحتى تعمل حل لروحها .. فالوقت هذاك حست المتمردة بالبرد الشئ الى خلاها تبدى تفيق شوي شوي .. ثواني الطموبيل فاتت على حجرة واهتزت بكلها وتما هي فاقت تماما وحلت عينيها على وسعهم .. وصارت تشوف يمين وشمال والصدمة كانت انها في طموبيل تتمشى وحدها

سيدرا (حطت يديها على الفولون وصارت تحاول تحبسها ولكن الفران كان خاسر ) وش بيها هاذي .. حبسي .. حبسي

كانت تشوف في اي عون تما .. بعينيها الخضر المعمرين رعب وشفافها الى يرجفو من كثر الخوف ولكن كانت غير هي والخلاء .. الشئ خلاها تخاف اكثر واكثر .. يعني بعد الشئ هذا كامل معقول تكون نهايتها تموت .. يعني بعد العذاب الى فاتت عليه كامل تطيح من بلاصة عالية وتطرطق بيها الطموبيل وتموت محروقة .. لا هاذي نهاية غير عادلة

وبينما هي تعيش اسوء كوابيسها .. ايراد كان وصل للمنطقة "كتالونيا ".. مقلق وفي الف سيناريو في راسه .. والاسئلة مارحماتوش بدون ذكر الافكار السوداء الى كانت تحاوط فيه من كل جنب .. كان يقرب من البيت الريفي شوي شوي .

ايراد ( حط يده في وذنه لحتى يعاود يتواصل مع اسيل الى كانت توريله فالطريق طول المدة هاذيك ) اسيل راكي معياااا

اسيل (كانت واقفة عند الزجاج وقت سمعت صوته رجعت قدام البيسي قعدت ) ايه ايراد

ايراد ( بقى يشوف المكان من بعيد .. اذا في حرس اذا رح تكون في مقاومة يجهز روحه .. كانت انفاسه تقطع والعرق يسيل معاه ) خبريني اسيل شعال كاين من قارد تما

اسيل ( فوتت لسانها على شفتها وبقات تحاول تحكم فالصور من الساتيليت ) ايراد مكان حتى واحد نظن نقلوها

ايراد ( ضرب الفولون بكل قوة وزير على سنانه .. وش يعني نقلوها بالسرعة هاذي .. لازم يلقاها .. لازم يسلكها من يدين المريضة جازية ) خبريني اذا كاين اي طموبيلات قدامي .. يعني اذا الساتيليت حكم اي صور لاي حاجة توصلنا ليها

اسيل ( صارت تشوف في صور .. بقات تحصر فيهم تما عينيها توسعو وهي تشوف فالفيديو ) ايراد كمل تسوق بلاك تحبس ولاقدرت زيد فالفيتاس كثر

ايراد ( استغرب من الموضوع .. حرق طريق البيت الريفي هاذيك ..حتى الغبار طار وراه وتبع تعلميات اسيل بالحرف ) وش كاين خبريني