نصف عاهرة بين مخالب طاغية الكاتبة منال منولة باللهجة الجزائرية

اجمل لقاء حصل على الاطلاق

مساء الخير ... حلقات اليوم 

كيف العادة خلولي ارائكم وتوقعاتكم لتحت .. وصوتو على البارت 

النجمة اكليلكو عليها ********** 

قراءة ممتعة 

 تتمة للاحداث السابقة

اسيل ( تلفت ل ايراد الى كان قاعد وكانه يخطط ل شيء بعدها رجعت وشافت في راسم ) ماشي سيدرا .. وانما ... بديلة

راسم ( عينيه توسعو ووقف من مكانه وبقى يشوف معاهم بدهشة ) بديلة !

اسيل ( هزت راسها تاكدله في الى سمعه من شوي ) ايه .. لانه كنا عارفين بلي جازية ما غاديش تسكت والا ما رح تدير حاجة تضر بيها سيدرا والذراري الى في كرشها

راسم ( رجع قد بلاصته وتلفت ل ايراد الى كان مزاله يدخن ب اعصاب باردة وكانه شيء مكان ) احكيلي كيفاه قدرتوا ديروا هذا الشيء كامل

ايراد ( حط فنجان القهوة على الطابلة امامه ممبعد تراجع بجسمه لور ) اسمعني مليح مالا وحل وذنيك لاني ما نحبش نعاود بزاف

راسم ( رجع ظهره لور وبقى يسمع في ايراد .. ولحد الان ماشي مصدق انه البنت الى كانت معاهم ماشي اخته وانما بديلتها ) راني نسمع فيك

في تلك الاثناء ايراد رجع للماضي بالتحديد ل هذاك اليوم الى جات فيه تاليا لعنده .. والى فيه عقدو اهم اتفاق في حياتهم ولما يقول اتفاق لا يعني سيدرا فقط هي والامراء الصغار ولكن كان يشمل اناس اخرين ايضا

*** فلاش باك ***

اسبانيا .. مدريد

كانت ال 11 صباحا .. والشمس اختفت وراء السحب الرمادية وصار في نسيم بارد يعصف بالاجواء وهذا دليل على انه الشتاء صاي دخل ومع ذلك التغير الجوي ف انه سيدرا قررت تخرج وتروح تشوف غرف الاطفال لصغارها الى رح يشرفوا بعد اسابيع فقط .. وهي ما رحش تخمم فالمحكمة وفي الى رح يصرى وتنسى حياتها بالعكس رح تمارس روتينها بطريقة عادية ولا كانه صرات اي حاجة

في تلك الاثناء كانوا قاعدين في احد البوتيك الكبيرة المعروفة بتصاميم فريدة وجديدة لغرف الاطفال والى كانوا موظفين احسن مهندسين الديكور عندهم وطبعا ايراد كان يحب دايما الجديد لولاده ولهذا قرر يصطحب صغيرته لتما

قاعدين فوق الفوتاي ذو اللون البيج جنب كالعادة .. ايراد يشرب في قهوته بينما سيدرا حاملة الطابلات وتشوف فالتصاميم ولأنها كانت كلها تدي العقل احتارت بزاف وصارت تدور في نفس النقطة اذا ما كانت رح تعمد هذا اللون او الثاني

والمشكل انه ايراد كان مستمتع بملامح وجها الى تتغير ولكن هذا الشيء قلقها بزاف فالاخير لازم يقول كلمته بدون ما يكرر الجملة المفضلة عنده " نتي الخبيرة فالامور هاذي .. مالا اتصرفي لوحدك كيما العادة "