تتمة للحلقات السابقة
ايراد ( كان رح يرفد يده يصرفقها على طولة اللسان هاذيك الطفلة هاذي جامي تتبدل ووقت قال انه تغيرت راهي طايحة تعرش تقول ماعرف وش عمللها .. ولانه الباب تحل عنوة ودخلت الطبيبة توقف وتلفت لحتى يسال على حالها هي والجنين ) وش خرج فالتحاليل
الطبيبة (سكتت شوي وفوتت لسانها على شفافها ) بصراحة
سيدرا (حست انه كاين شي زيرت على يد ايراد ) واش كاين .. ابني صراله كاش حاجة قولي دكتور
الطبيبة (حطت التحاليل على جيه وتوجهت من اتجاه سيدرا ) الحمل تاعك ماشي ثابت مدام
سيدرا ( شافت في ايراد ممبعد رجعت تشوف في الطبيبة ورفعت حاجبها ) وش هو السبب .. يعني
الطبيبة ( حطت القفاز وتوجهت لجهاز السونار ) الفحص الاولى ظهر انه المشيمة تاعك راهي انرمال وكيما تعرفي انه هي الى تزود البيبي بالاكسجين والاكل
ايراد ( مسح على لحيته بصعبية .. بعدها رجع يشوف فالطبيبة ) والحل ضرك .. كاين دوا للمشيمة هاذي لحتى ترجع عادية
الطبيبة ( رفعت المحلول بين يديها ) مكان شدوا اما في امور على مدام سيدرا خصها ديرهم .. مثلا ماتعملش مجهودات زايدة .. لكانت تدير سبور تنقص شوي لانه الحركة الزايدة تضر المشيمة وبالتالي البيبي يكون في خطر والجماع يتوقف حتى يعني يصير في عمر البيبي 4 اشهر او اكثر
سيدرا ( وقت سمعت اخر كلمة قريب تطرطق بالضحك في وجه الطبيبة .. زمت شفافها بسيف .. يعني لوكان تحكي للطبيبة وش كلات تحرش من وقت تزوجو رح يجيها شلل نصفي ) بصح خبريني البيبي راه بخير صح
الطبيبة (حطت يدها على الغطا وبقات تطلع في لاغوب تاع سيدرا وحطت المحلول على بطنها ) ضرك نشوفوه فالسونار
ايراد ( عقد حواجبه .. وش يعني هاذي رح يحبس تحرش بيها .. وين صرات هاذي .. وكان هو بقى عاقل هي رح تخرجه من عقله .. زفر بعصبية) ياريت لاني لحد الان ماشتوش
الطبيبة ( قعدت فوق الكرسي وحطت المصبار فوق كرش سيدرا وبقات تفوت فيه وتشوف فالشاشة ) راكم تشوفو في ذيك النقطة
سيدرا ( بلا ماتحس زيرت على يد ايراد .. كانت لحظة مميزة بزاف بينهم ) قوليلي راه بخير .. يعني بغض النظر على المشيمة
اايراد ( ترسمت ابتسامة على ملامح وجهه .. كانت اول يعيش شعور هكا ..بقى يمسح بصباعتيه على يد سيدرا ويحس بنبضات قلبه تضرب بعنف ) نتمنى يكون بخير يعني
الطبيبة (تلفت ليهم ) راه بخير .. تحبو تسمعوا دقات قلبه ؟
سيدرا (تلفت ل ايراد .. شافت وحد لمعة في عينيه كانت اول مرة تشوفها .. حست بيه فرحان اما لانه حطب مايعرفش يعبر .. بعدها شافت فالطبيبة ) ايه ياريت
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Storie d'amoreهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
