هي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى ..
صعبة المراس لا...
وقت حل عينيه شافها اليانور .. راقدة وعريانة وشاف بزاف دم يسيل منها ..وبيبي صغير مرمي على جيه عينيه توسعو و تما هو تراجع لور .. حل عينيه وعاود حلهم وكانت مزالها هي .. شاف لتحت كان مزال يسيل الدم .. تراجع لور حتى طاح على الارض حكم البوكسار نتاعه لبسه
وسام ( استغربت منه ومن تصرفه ) راسم
راسم ( حط يديه على راسه ) قتلتها .. قتلتها اااا
وسام ( رفعت راسها بالرغم من الوجع الى كانت تحس بيه ) راسم وش بيك
راسم ( عينيه حمارو وكان واضح انه رح يدخل في نوبة ) انا قتلتها .. ايه قتلتها ..
وسام ( سرطت ريقها وتلفت على جيه حكمت التوب نتعها وصارت تلبس فيه ) راسم هاذي انا وسام ومكان حتى واحد مات .. راسم
من الواضح انه راسم كان دخل في نوبة وبدون سابق انذار .. وكان هذاك بسبب الدم الى شافه .. هذا الشيء خلاه يرجع لسنين مرت لهاذيك الحادثة المأساوية ويفقد اعصابه ويدخل في حالة هيجان وهيسترية .. وفي ذلك الوقت صار يحاول يسند في روحه حتى قدر يوقف
وسام ( تقدمت منه شوي وهي ترجف وحكمتله يده ) حبيبي راسم مكان حتى حاجة راك معاياااا
راسم (تما دفعها بكل قوة على الارض ) انا قتلتها .. انا قتلتها .. انا قاتل
وسام ( طاحت على الارض وركبتها ويديها تجرحوا من قوة الدفع .. تما عرفت ان الامور راهي جدية ) وش ندير .. وش ندير ضرك انا
راسم تمشى فالجناح وصار يعيط ويكسر والزبود يخرجوا من فمه .. بينما هي وقفت من بلاصتها بطلوع الروح وصارت تحاول تهرب منه ولكن وين ورح تخليه لوحده .. مستحيل قادر حتى يرمى روحه من لفوق خصها تشوف حل وبسرعة
.. حكمت الفون الى كان عند راسها و بعدها انطلقت تجري من اتجاه للبانيو .. وين دخلت ورجعت غلقت الباب بالمفتاح وصارت ترجف وهي تحط في رقم اسيل .. لانه غير هي الى تقدر تعاونها .. هاذوك 10 ثواني كانو بالنسبة ليها قرن
وسام ( وقت سمعت صوت اسيل فقدت اعصابها ) اسيل .. اسيل راني فالاوتيل وراسم جاته النوبة وش ندير
