نصف عاهرة بين مخالب طاغية الكاتبة منال منولة باللهجة الجزائرية

غرور جلالته

صوتوا على الحلقات وخلولي ارائكم لتحت 

التصويت يا هل الخير 

تتمة للأحداث السابقة

ومرت تقريبا ساعة ..

ايراد ( حكم الريموت وطفى التيفي ممبعد ناض من مكانه وتقدم منها بحيث لقاها رقدت وتما وخرلها الشعر من على وجها ) سيدرا

كان يعيطلها بصوت بح وخافت .. وتما مادرتش عليه عرفها صح راهي راقدة ماشي تمثل ..بحيث صار يشوف مع ملامحها الهادية زعما كان قاسي معاها .. لا .. فهو يحب يفهمها انه عصيان الاوامر عنده ثمن ولكن باين انه كان قاسي اكثر من لازم على صغيرته فهي حامل وفي وقت صعيب ربما كان لازم يلين شوي معاها وتما وقف ومال عليها شوي ورفعها بين يديه كيما الطفلة الصغيرة وصار يحكي معاها بنبرة كلها سخرية

_وليتي ثقيلة يا مدام

في تلك الاثناء صار يتمشى بيها من اتجاه الشومبرا بينما هي راقدة في حضنه بكل اريحية ..لحظات حتى لمح امامه كلب كبير بزاف بحجم الحصان تماما لونه اسود وعينيه حمر كان واقف على القوائم تاعه في نص الجناح .. ومكشر على انيابه ولعابه يسيل بطريقة مقرفة .. كان يبان بلي راه هايج ومستعد لحتى يهاجمهم

ايراد ( تراجع لور وفي نفس كان يحكي مع سيدرا ويحاول يفيق بها لحتى تسلك بجلدها ) سيدرا .. سيدرا حلي عينيك

وبينما هو يحكي معاها حس ب حاجة باردة ولزجة تقطر على رجليه .. لما هبط راسه لقاها معمرة دم من راسها لأخمص رجليها ..وكانه شيء حيوان عضها بطريقة وحشية .. بحيث المشهد هذاك خلاه ينسى امر الكلب تماما .. ويهبطها على الارض لحتى يشوف واش بيها .. في هذاك الوقت حط يده على خدها وصار يفطن فيها بينما قلبه يخبط بكل قوة

_ سيدرا .. سيدرا حلي عينيك

كانت باردة كيما عمرها لا كانت ولون بشرتها ازرق الى جانب انها مكانتش ترد عليه ..صغيرته المشاغبة مكانتش ترد ولهذا حطها على الارض ووقف من مكانه لحتى يجيب المساعدة وتما لقى الكلب اختفى وجازية واقفة امامه وعلى ملامحها ابتسامة غريبة .. ليشعر بغضب عارم و تقدم منها بخطوات سريعة ويحط يديه على رقبتها ويحاول يخنقها ب قوة

_رح نقتلك .. رح نقتلك

جازية ( تبسمت بالرغم من انه كان يخنق فيها ) علاه .. واش هو السبب

ايراد ( دفعها لور حتى طاحت من قوة الدفعة بعدها جبد من حزامه الكابوس وشارجاه ثم وجهه ليها ) انتي الى طلقتي الكلب هذا .. وبسببك مرتي راهي تعاني

جازية ( انطلقت من ثغرها ضحكة عالية وكأنها تستهزئ بيه في وقت ما كان يعاني ) انا طلقت الكلب .. وش من كلب ايراد