نصف عاهرة بين مخالب طاغية الكاتبة منال منولة باللهجة الجزائرية

صراع لاينتهي

تتمة للاحداث السابقة

وبينما يعقوب يصارع فالموت الفوق .. التحت كان في جمع من الناس واقفين تما كانو من اهالي الناس الى حضرت الخطبة حابين يدخلو ويسلكوا احبائهم .. يمكن لوهلة الامر يبان غبي وخصوصا انو الصحافة قالت انهم عصابة مسلحة وحتى الصور الى تسربت بينت انو ماشي ساهلين

ولكن وقت يكون عندك حد عزيز بزاف عليك وسط المعمعة رح تعمل اي شئ ولو تضحي بروحك ومنهم محمود واكرم وابراهيم .. الى كانو كيف المهابيل على البنات وخصوصا انو الوقت كان يفوت ولحد الان مكان حتى خبر عليهم

محمود ( كان حابب يفوت ولكن الحاجز الاصفر كان واقف عندو لابوليس وكل ماواحد يحب يفوت يرجعوه لور ) خلونا نفوتو يادين الرب

ابراهيم ( شادو من كتافو ) بابا بالعقل برك ضرك يجي اكرم ونعرفو وش كاين

محمو د ( مسح على شعرو وزفر ) البنات الداخل كي تحبني نهدى قولي برك وزينب مريضة نخاف طيح تما وحتى واحد مايلحقها

ابراهيم ( رجع يعيط فالتلفون نتاع وعد بصح كان يعطي مغلق ) ربي يجيب الخير برك

اكرم ( الى كان مع فرقة المداهمة قرب من السكان الى تما وخر الشريط الاصفر وفات عندهم ) رانا داخلين ضرك

محمود ( حكمو من كتفاو ) بلاك على روحك فهمتني

اكرم ( رجع ييشوف لور ) عل حساب ماسمعت انهم هربوا وبقاو برك النناس الداخل

ابراهيم ( شدلو ذراعو ) معليش الاحتياط واجب ... يلا روح وربي معاك

اكرم ( زير على يد الاب نتاعو ) امين .. شاف فيهم للزوج ممبعد دار وخر الشريط ورجع مع الفرقة واقفين عند الباب بينما لابوليس طرطقو القفل وزدمت اول كتيبة للصالة .. تحلت الابواب كلها ودخلوا حاملين السلاح بين يديهم .. كان الضو طافي باقي يبان كان الضو الاحمر الى جاي من السلاح ..

اكرم (كان فالمقدمة .. استغرب بزاف من الظلمة ) مكانش قروب لهنا

رئيس الفرقة ( دار وراه وبقى يشوف لحظات صوب السلاح تاعو ) استسلموا رانا دخلنا وماعندكم منين تهربوا

الموظفة (رفدت يديها ) انا نخدم لها

اكرم ( قرب ليها وحكمها من يدها ووقفها ) مكانش groupe électrogène لهنا .. وعلاه راهي الظلمة هكا ولباقي وين راهم

الموظفة :نظن هربو وداو رهائن معاهم

رئيس الفرقة ( شر للباقي يدخلو ) صحا قوليلي كاين نgroupe électrogèneرمالمون عاودي شعلي الضو برك

الموظفة ( تمشات من ناحية الكمبيوتر هو نرمالمون يديكلونشي اول مايتقطع الضو بصح يكون صرى خلل بقات تخرب حتى لقات العطل ظغطت على الزر ورجع الكهرباء ) خلاص