نصف عاهرة بين مخالب طاغية الكاتبة منال منولة باللهجة الجزائرية

في رحلة للبحث عن نفسي

تتمة للاحداث السابقة

ايراد ( نحى المنشفة من حجرو ورماها على الطابلة ) وش يعني ماهيش فالجناح نتعها .. راهي فالججنينة ولا وين

الخادمة ( اطلقت القنبلة ) الصباح حوست عليها ولكن مالقيتهاش فالقصركامل

ايراد ( سرط ريقو والدم طلعلو لراسو .. صار يغلي كيف المرجل تماما .. ) ماهيش فالقصر ?

نطق السؤال بطريقة تخلي الى امامو يحب يحل الارض ويدخل بين طياتها بينما هو الكلمة رنت في وذنو ولكن ماستوسعبهاش ..ايراد وكانو في لحظة رجع مايفهمش .. جر الكرسي نتاعو ووقف وعينيه حمارو وعروق رقبتو تزيرو .. اول حاجة جات في بالو صغيرة .. وماتعرفش اسبانيا .. كلاب المنظمة في مكان قادرين يتعرفوا عليها وزيد لسانها طويل قادرة تتعرض للخطف

_حو ستي عليها مليح

الخادمة ( تراجعت للور ومهبطة راسها ) ايه مسيو ايراد

يعقوب ( رجع الكرسي لور ووقف وقرب من ايراد ) بلاك تكون فالجنينة تعمل فاليوغا ولا حاجة وهوما ماشافوهاش

جازية ( وقفت هي الاخرى وفركت يديها ببعض ) تكون حبت تشم شوي هوا ايراد

ايراد ( جبد الفون نتاعو من جيبو يشوف فالاشارة نتعها .. قرن حواجبو وتراتيل وجهو صارت غير موجودة والتصرفات الى رح يقدم عليها غير متكهن بيها ) ماهيش فالقصر .. مدام سيدرا ماهيش فالقصر

يعقوب ( حط المنشفة على جيه ) خلينا مالا نمشو نحوسو عليها

جازية ( كانت تحس انو ايراد رح ينفجر من لغيض ) اي يعقوب الحقوا عليها قبل لاتتودر ولا كاش واحد يخطفها

ويسام ( حطت يدها على خدها ونسفت ) بلاك هربت

يعقوب ( تلفت لوسام مكانش حابب يزيد عليها بصح كثر دلال يولد قلة القدر ) ماعلاباليش وش صرالك عمرك لاكنتي هكا ..

ايراد ( تلفت لويسام وبقى يشوف معاها وهي كي حست بنظراتو هبطت عينيها فالارض رجع وحط يديه على طابلة ) مممم هربت

ويسام ( شافت في يعقوب والباقي ) رح تحملوني ليا سبب هروبها من القصر شفتوها قدامكم كي تتصرف وكي تحكي ياسبحان الله مليحة هاذي

يعقوب ( شاف في وئام ودوح براسو ) ماشي انتي برك .. كل واحد فينا مسؤول على الشئ الى صرى .. من وقت ماجات لهنا واحد ماقرر يشوفها وش حابة ولا حاول يتقرب منها طبيعي تحاول تهرب من الجحيم هذا ونتوما الا ماتلاقيتوها تسمعوها مالايرضيها والهدرة هاذي ماشي لوسام برك

وئام ( حست الهدرة عليها هبطت راسها )

ايراد ( شاف فالخادمة وشرلها بيدو .. كان غاضب ماشي منها فقط هدرة يعقوب فيها نوع من الصح .. هو عمرو لاوصل وضيع امانة من يدو ومابالك بمرتو ) خبري الحرس اني خارج قوليلهم يجهزولي الطموبيلات