نصف عاهرة بين مخالب طاغية الكاتبة منال منولة باللهجة الجزائرية

اهرب منك ف اجدني بين يديك

تتمة لاحداث السابقة

فالوقت هذاك واحد من الحاضرين الى كانو تمى وقف من مكانو وكانو شخص وخزو بابرة حط الابنة نتاعو على الارض وخلاها وراه واقفة ماهي فاهمة حتى حاجة وتمشى من اتجاه المنصة كان الراجل يتمشى كي الروبوت تماما .. ماشاف لايمين ولا شمال حتى انو ماانتبهش للقارد الى واقفين ..وكانو الة مبرمجة ملامح وجهو منعدمة وهذا الشئ الى خلى الناس تنتبه

سيدرا ( كانت تشوف مع الجمهور الى يتفرجو حتى تلفت على غفلة وشافت الراجل كي جبد الكابوس وعيطت ) لاااااااااااا

الراجل ( جبد لكابوس من الفاست وتيرى زوج رصاصات ورى بعض ..للزوج دخلو في صدر ايراد

ايراد ( تراجع لور من قوة لراصاصات وطاح على الارض )

فالوقت هذاك كي انطلقت الرصاصات الناس صارت تجري وتعيط بينما الحرس تاع ايرادد جبدو الكوابيس وبقى يتيرو على الراجل هذاك .. الى طاح على الارض .وغرق في دمو المكان ولى كيف الجحيم خوف وهلع .وصوت بكاء الاطفال على فالجناح صارت فوضى كبيرة .. كل واحد كان يحوس كيفاه ينقض روحو اما باقي الكتيبة تاع الحرس عملو كيف الغطا ء والصور المنيع على باقي الاسرة الى كانو تحت الصدمة

وسام ( حطت يدها على شعر ايراد ) ايراد راك تسمع فيا

يعقوب ( حط يدو يقيس فالنبض ) نرمالمون النبض تاعو راه كاين

وسام ( شافت فالحرس ) عاونونا نحملوه حتى لبرى يلا

يعقوب ( شاف في سيدرا الى كانت قاعدة وترجف ) سيدرا ارواحي شوفي ايراد

سيدرا ( كانت رجعت للحالة هاذيك وكانو رجعت للماضي وصارت تسمع في اصوات تعرفهم ) ماما وش رح ديري بالكابوس هذاك

وسام ( خلات ايراد وقربت منها وهزتها ) سيدرا وش بيك

سيدرا ( طفى لون تاع عينيها الى تعمرو بالدموع ونيفها صار احمر وفشلت على الاخير ) ماما انت علاه راكي تبكي .. عيون الغزال ياعيون الغزال

يعقوب ( حل الكرافات نتاعو ونسف ) تكون دخلت في في شوك .. رح نحملو ايراد للداخل ونتيا جبديها صحا وبلاكي تخليها لهنا

وسام ( عملتلو براسها هيه ) يلا سيدرا

ايراد ( في ذاك الوقت حل عينيه وخذى نفس من الاعمال ورفع راسو شوي ) ااااا

يعقوب ( حط يديه على راس ايراد يعدل فيه ) ماتتحركش راك تضربت بالرصاص ايراد

ايراد ( مسح على شعرو وتعدل فالقعدة تاعو شوي وحل الفاست واذا بيها لابس السترة الواقية ) راني بخير ماصرى حتى حاجة

وسام ( قربت ليه وحطت يدها على خدو ) اوفففف مزية .. مزية عملت حسابك

ايراد ( حط يدو على خدها ومسح دموعها بحنية كبيرة ) راني بخير مكان والو