هي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى ..
صعبة المراس لا...
فاتت ليلة واخرى .. كانت معمرة احداث من شانها تقلب مسار القصة تماما .. واصبحنا واصبح الملك لله .. مازلنا في اسبانيا ومزال الاحتفالات متواصلة" بالفيريا دي لخيريز" وعودة الى قصر المالكي .. وبالتحديد في جناح سيدرا وايراد الملكي عرين التحرش والاوقات الطيبة والمجون
سيدرا الى فوتت ليلة بيضاء تستنى فيه حبيبها يرجع ومقلقة عليه ولكن انتهى بها المطاف راقدة على روحها .. تما اسيل طلبت منها تمشي تبدل وترقد وتريح وهذا الى صار ..
كانت وسط فراشها والمخاد متناثرين يمين وشمال .. ولكن صوت تما خلاها تنوض وتفيق غصبا عنها .. حلت عينيها وطلعت راسها . مسحت على شعرها وحطاته كامل في جيهة وحكمت الريموت وحلت الريداوات الى كانت حاجبة اشعة الشمس لحظات حتى الجناح نور ب اكمله حطت الريموت على جيه ومسحت على مكان ايراد الى كان فارغ وبارد ..
هاذي اول مرة تصرى وايراد يفوت ليل برى .. حست بخوف عليه وقررت تعمل اي حاجة ..رايحة تحوس على الفون لحتى تطلبه وتما شافته قاعد فوق الفوتاي وحاطط رجل على رجل
_ ايراد
ايراد ( حط كاس المشروب وشاف معاها .. كيفاه مرتاحة وكيفاه ماعلابالها والو بينما هو يتحرق ) امممم ايراد ..
سيدرا (حطت الفون على جيه ووخرت الاغطية الحريرية ونزلت من فراشها وكيف الصغيرة الى مشتاقة للاب نتعها جرات عنده .. وقت وصلت حطت يديها على خدوده ) وين كنت البارح .. خوفتني عليك بزاف
ايراد ( بقى يشوف فيه ببرود متصنع .. حط يده على خدها كانت دافية وحنينة حكمها وزير عليها ونطق بصوته الرجولي المبحوح ) راني بخير
سيدرا ( قعدت على طرف الفوتاي وبقات تشوف معاه ووتبسم ) صحا خبرني وين كنت .. وعلاه الفون كان طافي ؟
ايراد ( سرط ريقه وطلع يده وحطها وسط شعرها وجبدها منه وبقى يشم فالبارفان نتعها .. ودايما بالضحكة هاذي والابتسامة تخليه ينسى كلشي .ونفس الفخ يطيح فيه وطبعا هو لازم ينسى ويمثل انه كلشي بخير ) كان عندي خدمة والشارج طاح
سيدرا ( تقدمت كثر وطبعت بوسة على نيفه ورجعت تشوف معاه ويديها على صدره العريض يلعبو هنا ولهيك ) واش رايك مالا نوجدك الدوش لحتى تنحي تعب تاع البارح
ايراد ( طلق شعرها وناض من بلاصته .. نحى الفاست ورماه على جيه وحط يديه في جيابه وشاف معاها كيفاه هادية ولا على بالها بينما هو ينحرق ويتكوى ) نسيت نقلك اني وجدتلك surprise رح تعجبك بزاف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
