نصف عاهرة بين مخالب طاغية الكاتبة منال منولة باللهجة الجزائرية

اجمل لقاء بين قطبين نال منهما الكبرياء

تتمة للاحداث السابقة

فاتت وحد ساعة وهو هكاك .. يشوف فالفيديوهات .. واكثر حاجة عاجباته هو انه ماخرجتش .. حس انه ثقته كانت في محلها .. لوكان اخرى راهي ضربت كامل البلايص وخصوصا انه عندها سائق وطموبيل ولكن هي كانت محافظة على الثقة الى بينهم ..

ايراد (كان يعمل في صور من ذيك الفيديوهات و دقائق كانت حتى سمع الباب يندق .. حط الفون على جيه ونطق بصوته البح والرجولي ) ادخل

نجلا (حلت الباب ودخلت بكامل اناقتها .. ) سلام .. واش بيك ايراد وش صرالك

ايراد ( حط الفون على جيه وبقى يحاول يرفع في روحها .. وتما هي حطت البوشات نتعها وتقدمت منه مستغلة الوضع .. حطت يدها على كتفه وصارت تعاون فيه .. اما هو رفع يده وحطها ووخرها ) اكسيدون صغير ..وضرك بلا هدرة بزاف اقعدي قدامي عندي مانحكي معاك

نجلا (تنشعت بزاف من الجاست .. حتى انها جمدت كيف الحجرة .. بعدها تراجعت لور وقعدت فو ق الفوتاي وحطت رجل على رجل ) يعني وقت عيطلتي ا فرحت بزاف وقلت في قلبي واخيرا ايراد رضى عليا ..

ايراد ( فوت لسانه على شفافه .. ورفع حاجبه .. ) عندي ضيفة عزيزة بزاف على قلبي بصح مريضة شوي ولاني انسان généreux حبيت نداويها .. وبقيت ندور في عقلي احسن مكان ليها وقلت علاه مانديهاش للمصح تاعكم

نجلا ( استغربت ) قصدك سيدرا

ايراد ( طلع يده وفوتها وسط شعره الى كان مبعثر يمين وشمال وصار يعدل فيه ) وش دخل مرتي فالsujet هذا ... قتلك ضيفة عزيزة بزاف عليا ونحبها تتعالج على يدين احسن طبيب وش بيك نجلا وليتي تضيعي على حساب شوفة

نجلا ( بقات تشوف معاه.. كان منظره يشهي وهو راقد على السرير و صدره عريان وعضلاته كامل بارزين ومزيرين ..كان جاهز لحتى تمارس الرذيلة معاه .. وتديه لعالم اخر تماما .. في ذيك للحظة بالذات .. حبت تفوت لسانها على كل بلاصة من تما وتوزع على عضلات قبلات شغف وغرام وهيام .)

ايراد (حسها ماهيش مركزة اصلا معاه .. رفع يديه وصفق ) نجلااا

نجلا ( رجعت للواقع وعدلت جلستها ) اممممم فهمتك .. الكلينيك تعنا هو المناسب ليها ورح تنال معاملة خاصة لانها من طرفك انت

ايراد ( حك لحيته بعصبية .. وهذا هو واش راه يحوس معاملة خاصة .. ) مالا اعلمي رجالك الى تما انه راكي جايبة معاك مريضة .. يعني لحتى يستقبلوها احسن استقبال .. يعني فالاخير ماشي حلوة مني ماتلقى حتى واحد يرحب بيها

نجلا (طلقت ضحكة عالية .. ) ولو .. ضيوف ايراد المالكي هوما ضيوفي ورح نحطها في عينيا من الداخل

ايراد ( تلفت ورجع حكم الفون وبقى يكتب في ميساج .. لاحد رجاله الى كانو برى في حراسة جازية بعدها طلع راسه وغمز نجلا ) وضرك نحكو على système securité