نصف عاهرة بين مخالب طاغية الكاتبة منال منولة باللهجة الجزائرية

وحصل ما لم يكن له حسبان

تتمة للأحداث السابقة

وبينما كانت الهليكوبتر تشوف في مكان لحتى تهبط فيه بسلام.. صرى امر اخر غير متوقع .. وكانه العايلة مكتوبلها العذاب طول عمرها .. الهدوء الاني هذاك زعزعه انفجار اخر في نفس الموقع وهاذي المرة ماشي فقط راه يعقوب لتم ولكن ايراد وفرات والباقي .. الامر الى خلا وئام تفقد اعصابها كثر وتصير تعيط وتبكي

_ يعقوب اهئ اهئ .. يعقوب

سيدرا ( وقفت من مكانها وتقدمت منها وصارت تحاول تفطن فيها ) وئام .. وئام فيقي هاذا غير كوشمار برك

ميسم ( دوحت براسها يمين وشمال ) ياريتنا ماجبناها من الاصل

سيدرا ( صارت تصفع في وئام على خدها وتفطن فيها ) وئام حلي عينيك هاذا غير كوشمار

في تلك الاثناء وئام حلت عينيها وتلفت يمين وشمال ..لسيدرا ول ميسم الى كانوا بحذاها ولاحظت انه الامور عادية يعني الى شافته كان فقط من وحي خيالها

سيدرا ( شافت فالساعة ورجعت تحكي ) مابقاش بزاف ونوصلوا حاولي تبقاي قاعدة صحا ..لانك وقت كي راكي تغيسي راكي تبداي ديري في لكوشمار

ميسم ( تلفت ورفعت قارورة ماء بلاستيكية ومدتهالها )هاكي اشربي وئام

وئام ( حكمت القرعة تاع الماء على ميسم وفتحتها وترشفت بلة منها ) واش يكون صرى زعما .. زعما تكون المنظمة هاذيك هي ورى واش صرى

سيدرا ( رجعت قعدت مكانها ورجعت ظهرها لور ) بصراحة ماعلاباليش .. والمهم في هذا كامل انه يعقوب يكون بخير برك

ميسم ( جبدت راس وئام وحطاته على صدرها ) سيدرا عندها الحق .. ماتخميش في هذا الصوالح خمي برك في يعقوب

وئام ( هزت راسها موافقة على هدرتهم ) رح نحاول

سيدرا ( صارت تسمع في الطيار وهو يخبر فيهم انه رح ينزلوا ) الطيار راه يقولي بلي وصلنا .. حطوا لسانتير يلا البنات

في هذاك الوقت البنات بداو يحطو في لسانتير استعدادا للهبوط .. و ماهي الا لحظات حتى المروحية لقات مكان وصارت تهبط فيه بالعقل .. واول ما حطت على الارض وتحل الباب سيدرا تخلعت من المكان كي تحول .. كان في صحفيين في كل مكان

وشاحنات الاطفاء متوقفين .. بلا سيارات الشرطة الى كانت في كل مكان .. في هذاك الوقت نحات السانتير وناضت من مكانها ونزلت هي الاولى .. ممبعد تلفت ل وئام وميسم واستناتهم حتى نزلوا .. تمشاو الثلاثة مع بعض وكانوا في نفس الوقت يحاولوا يلقاوا اي احد من عايلة المالكي .. وثواني معدودة حتى لمحوا وسام وراسم واقفين مع بعض

وسام ( تلفت بالصدفة حتى لمحتهم .. ناضت من مكانها ) وئام

سيدرا ( تقدمت هي الاولى وحضنت وسام وربتت على ظهرها ) ماتبكيش .. رح يكون بخير علابالي