نصف عاهرة بين مخالب طاغية الكاتبة منال منولة باللهجة الجزائرية

هل هي النهاية حقا

تتمة للاحداث السابقة

المهندس ( حس انو وصل لقمة الغضب و جا رايح يهجم عليها) دابا نوريك يابنت الزامل

.. واوب سيدرا تحاول تدافع على روحها كيما عمرها لاعملت .مارحش تخليه يغتصبها ولا يعنفها سنين وهي عايشة هكا كذب وخداع اذا مكان حتى واحد يسال عليها ولا يهتم بيها هي تهتم بروحها. وتغغط على الزر لتخرج رصاصة استقرت في صدر المهندس .

طاح على الارض اامامها مصروع .. هي للتو قامت بارداء اخطر مجرم .. استنكرت وش عملت من شوي قربت ليه بخطوات صغيرة ودمراتو برجلها قلباتو على ظهرو

_ سيدرا ( سنانها يضربو في بعض وترجف من الصدمة )نوض بركا ما تمثل

المهندس كان مصروع من الرصاصة ويمكن حتى مات ..منظر الدم على الارض خلاها تخاف .. مسحت على وجها وصارت تدور وتشوف فالمكان وقلبها يخبط بسرعة كبيرة ..

فلوقت هذاك رجال المهندس انطلقو لحتى يدخلو لعندها وخصوصا انهم سمعوا صوت رصاص جاي من الداخل اما هي طيحت الكابوس من يدها وبقات تشوف فيه وهو طايح واستوعبت الامور مليح

_ " انا قتلت .. انا قتلتو .. ايه انا قتلتو .. مسحت على شعرها وتراجعت لور .. " انا قاتلة .. ايه انا قاتلة "

الحس وصوت الخطوات ماشي ويقوى جرات فالمكان تشوف يمين وشمال .. لازمها تلقى طريقة لحتى تهرب وتسلك روحها شافت فالباب وبحذاه حديدة طويلة حملتها بين يديها وحاولت انو تصد بيها الباب لحتى مايتحلش من برى وبعدت لور وحطت يدها على فمها

شاحت بعينيها في كل ركن تحوس على اي مخرج كان تقدمت بعض خطوات فالوسط ومزالها تهتز من الشئ الى صرى من ثواني .. مالبثت حتى شافت كيف فتحة كبيرة ورى من كانت قاعدة تماما وطول الوقت كانت تما

.. وتهد تجرى من ناحيتها .. مش وقت الخوف ولا التراجع قربت لعندها وبقات تشوف كيفاه تطلع واصلا لوين تدي .. دقائق لمحت كيف الانبوب على جيه حطت يدها عليه وحكمت بيه وكملت برجليها وصارت تزحف الفوق وبصعوبة لحتى وصلت ليها ..

حطت يديها على الحيط وبقات تشوف كان صدى وهواء خفيف يجي منها يعني الا ماتكون نهايتها مخرج استجمعت قواها وسحبت روحها الفوق .. رجعت تشوف وراها كان رجال المهندس يحاولو يحلو الباب .. زيرت على سنانها وانطلقت تجري بكل قوة الداخل فالممر هذاك

وبينما هي تحاول تهرب برى كانت كتيبة ايراد لمالكي الى وصلت من شئ ساعة .. مع الفريق الى كان محاوط المكان على بعد 100 متر من تما .. وحاطين مخطط المستودع الى سيدرا راهي اسيرة فيه ..على الكابو تاع الطموبيل ويشوفو منين يهاجمو وايراد واقف وسطهم باقي يشرح فالخطة الى رح تكون البداية نتعها من الفتحة السرية الى معمولة خصوصا لحتى يهربوا منها في اذا صرى وهجموا عليهم