نصف عاهرة بين مخالب طاغية الكاتبة منال منولة باللهجة الجزائرية

ان العشق يشبهك

تتمة للاحداث السابقة

نظرات ايراد والانزعاج الى كان يبان على ملامح مايبشرش بالخير على الاطلاق .. قرب منها بضع خطوات كيف الاسد الغاضب ومكشر على الانياب نتاعه كان يرجف من الى يحس بيه .. حط يديه في عينيه وعاود لسؤال

ايراد ( زفر من نيفه ورجع يحكي ولكن صوته على هاذي المرة ) نتي عيطتي عليا اممم سيدرا قولي راكي تعيطي عليااااا

سيدرا ( ربعت يديها ووقفت امامه .. صح خايفة اما الحق لازم يتقال ) راني نقول فالصح مانيش نعيط عليك

ايراد ( حكملها وجها بيديه للزوج وهزها بكل قوة وبدى يحكي ) عاودي عيطي عليا .. عاودي تشوفي عيطي تشوف وش ندير فيك اليوم

سيدرا ( حطت يديها على يديه وزيرت عليهم من كثر الوجع حست عينيها قريب يخرجو ) وجعتني ايراد اطلقني من وجهي .. اطلقني

ايراد ( وخر يديه من على وجها وجبدها من يدها بكل قوة وتمشى بيها حتى وين لطابلة ضرب الكرسي للور ودمرها قعدت فوقه وكانها محتاجة دروس منا وجديد تقدم منها وحط يديه على جنابه) وجعتك .. مالا مادخليش روحك في صوالح خاطيينك .. كبار عليك .. مادخليش روحك في حوايج بعاد عليك

سيدرا ( سرطت ريقها قابلة التحدي ) ولا واش .. رح تجريني فالصحراء ولا رح تشوف هاذي المرة تنين يحرقني

ايراد ( وقت قالته هكاك زادت النار نتاعه .. وكانها تتعمد تدير هكا لحتى يفقد اعصابه مكانش رح يضربها ولكن من الزعاف قلب ذيك الطابلة على جيه وبقى يكسر ويرفد فالكراسا ويخبط فيهم على الزجاج تاع الريسطو ) تحبي هكا .. تحبي هكا نتي

سيدرا ( حطت يديها على وذنيها وبقات تعيط هي الاخرى ) صاي .. صاي ايراد صاي حبس من الهبال تاعك هذا ولمرة وحدي تقبل الصح

ايراد ( تلفت ليها وقرب منها ورجع حكمها من كتافها يهز فيها ويعيط ) طلعي راسك وشوفي فيا .. طلعي راسك

سيدرا ( طلعت راسها ببطئ وبقات تحاول تهرب من عينيه )

ايراد ( طلع يده على شعرها وجبدها منه بكل قوة وبقى يحكي ومزير على سنانه ) تحبي تبدليني صح .. تحبي تبدليلي شخصيتي ..بصح نقلك ماتعبيش روحك .. لاني انا مخدوم هكا ورح نبقى هكا

سيدرا ( فوتت لسانها على شفتها ) ماشي صح انا عمري لا حبيت نبدلك بصح راك تغلط .. وانا مارحش نكون شريكة فالغلط هذا ..

ايراد ( سرط ريقه ورجع حكملها وجها وجبدها ليه على قد مايحب يقتلها على هدرتها جاته رغبه انه يطارحها الغرام ضرك .. ويترحش بيها حتى يخليها تعيط باعلى صوتها ) لا راكي حابة تبدليني وكامل حابين ايراد وخداخر .. حابين ايراد مثالي مايغلطش ملاك .. بصح هذا انا ورح نبقى انا .. وبلاكي بلاكي تفرضي رايك عليا لاني انا الراجل لهنا و نتي