نصف عاهرة بين مخالب طاغية الكاتبة منال منولة باللهجة الجزائرية

قررت ان اجعلك ملكا لي

تتمة للاحداث السابقة

الكل الى كان موجود فالصالون استغرب من هدرة ايراد .. يحكي بثقة عمياء وهاذي دليل على انو عارف امورهم الى راهم يجاهدو سنين لحتى يخبوها ..كيف العار ولا تشهوه ما وبصراحة عندهم الحق هاذي عمرها لاكانت حاجة هينة عليهم ولا عليه هو ايراد المالكي

محمود ( استغرب من الهدرة ) وش قصدك قبل بالهدرة هاذي

ايراد ( تلفت لزينب الى كانت واقفة هي الاخرى ) نحكي قدامها ولا حتى نكونو لوحدنا

محمود ( شاف في زينب وتبسم ) زينب الضيف نتعنا مارحش يشرب حاجة ولا كيفاه

زينب ( وقفت وتبسمت مع انو قلبها كان حاسسها كاين مشكل اخر .. كانت كيف الفلسطينيات تماما تحاول تتعايش مع القصف يوميا ) حاضر محمود .. سممحولي

ايراد ( بقى يشوف فيها كانت هي الاخرى امراءة موقرة صحيح محجبة وكلشي ولكن من طريقة هدرة سيدرا وثقافتها تبان هي الاخرى ملمة بامور الحياة .. دقائق سادت كان الصمت سيد الموقعد .. حتى خرجت وغلقت الباب الزجاجي تلفت لمحمود ) علابالي الى صرى مكانش اكسيدون وكان كاين شكون يتبع فيك انت وسيدرا

محمود ( ضيق عينيه يشوف معاها ) وانت كي ..

ايراد ( بالبرود المعتاد غمض عينيه ومسح عليهم ورجع حلهم ) انا الى مشيت للمغرب سلكتها من بين يدين الى خطفها

محمود ( توتر لدرجة لاتتصور ) وشكون رح يصدق الى صرى مدام فالمحضر هي بنفسها شهدت انو كان حادث ولقاها فلاح وداها عندو يداوي فيها حتى شاف اعلان البحث

ايراد ( بصوت يشوبه البرود وملامح شبه منعدمة ) .. وانا الى عملت المحضر هذاك لحتى مانلفتوش الانتباه لينا

محمود ( طلع حاجبو مدقق مع ايراد ) وش قصدك

ايراد ( وقف من مكانو وتمشى وحمل صورة كانت على جيه ورفدها وبقى يشوف في افراد العائلة ) قصدي تعرفو مليح .. اسيل بنتك المعوفة لمارلين منرو .. كانت تعرف الاب نتاعي رياض المالكي .. هي كانت تسربلو معلومات لحتى يقضى على ذيك المنظمة بصح للاسف قتلوه قبل لايكمل واش بدى

محمود ( صار يجرع في ريقو بمرارة ) صمت

ايراد ( دور الصورة لمحمود وين كانت توقف سيدرا تماما وحط يدو فالفراغ ) وضرك راهم رجعوا تلموا من جديد وهذا فهمتوا من وحد الفيديوهات خرجوا .. وماشي عايلتي برك الى راهي فلريسك حتى حفيدتك رح تكون هدف لبزاف ناس

محمود ( مسح العرق من على جبهتو ) بصح راني غيرت اسمي وراني في برنامج الحماية

ايراد ( حط الصور ورجع يديه في جيابو ووقف قدامو ) كيما لقاها هذاك الى خطفها قادر يلقاوها ناس بزاف

محمود ( حب يمشي ديراكت للموضوع ) وانت وش راك تخمم دير

ايراد ( مسح على لحيتو ) الام اتكون بنتك حكالتك على حاجة وسمها صندوق اسود فيه المنظمة كانو يسجلو كل مهمة