نصف عاهرة بين مخالب طاغية الكاتبة منال منولة باللهجة الجزائرية

انا احبك .. انا اعشقك حبيبتي

تتمة للاحداث السابقة

...الطموبيل دخلت في شجرة .. الكارثة حلت .. ذيك الكارثة الى كانت حياته كامل خايف منها ويحاول يتفاداها .. اليوم هو بسبب كبرياء تاعو فسد فرصة العمر تاعه ..فرصة انه يعيش مع الانسانة الى يحبها وينسى الماضي ويحاول يرقع الباقي .. تبا للكبرياء وللكرامة

توقف وسط الطريق متجاهل الطموبيلات والكلاكسون وكلشي ..حل الباب ونزل تمشى شوي .. ممبعد جرى ايه جرى بكل السرعة نتاعه لانو سيدرا انثى تستاهل التضحية على جالها والجري على جالها وحتى الركوع .. وصل للمسار الى دخلت فيه وتمشى وسط الحشيش الجامد حتى وصل للطموبيل نتعها الى كانت داخلة فالشجرة والبخار يخرج من الكابو نتعها

ايراد ( وصل للزجاج بدون مايخمم نحى الفاست تاعو لواها على يدو وخبط الزجاج بكل قوة ليلقى الارباق مفتوح وهي طايحة على جيه ) سيدرا ... سيدرا

دخل يدو من الزجاج المكسر وحل الباب من الداخل وبقى يجبد فيه ويشوف معاها وهي ساكنة ومغشي عليها .. بقى يجبد فالباب بكل قوة ثواني شاف انو مستحيل يتحل من الجهة هاذيك . تلفت للجهة الاخرى للباب الثاني حاول يفتحو نفس المعضلة واجهاتو .. كان قلبو يخبط وماشي حابب يضيع الوقت ..رفد رجلو وكسر الزجاج ودخل يدو وحلو وبقى يجبد فيه حتى فتحو

ايراد ( طلع عندها وحط يدو على النبض نتعها يقيس فيه كان عادي .. جبدها بسلاسة وبروية كيف الزجاجة تماما وحطها في حضنو وبقى يحكي معاها ) سيدرا .. سيدر اراكي تسمعي فيا

كان وجها تعرض لخدشات صغيرة جراء الزجاج كي طرطق .. اما الباقي كانت بخير تمشى بيها للطموبيل وين كان القارد وصلو ..انتشروا يمين وشمال والباقي فتحو عليه الباب الوراني وين عاونوه يطلعها ويطلع بحذاها

ايراد ( شاف فالشوفور الى طلع في مقعد القيادة بينما يفتح فالشوميز تاعو لحتى ياخذ نفس الى ضاع عليه ) روح للكلينيك ..يلا مكانش وقت

الشوفور . حاضر مسيو ايراد

سيدرا (فالوقت هذاك تحركت شوي واصدرت صوت خفيف ) اسيل

ايراد ( حط يديه على خصرها ورفعا شوي .. حطها في حضنو وراسها على صدرو كان شعرها طايح على رقبتو .. الشعر هذاك الى وصل وحرقولها من الغيرة تاعه ومن الجنون في لحظة حب يرجع للوراء ويغير ولكن ماقدرش مالا رح يغير ضرك اصباعو تتخلل في خصلاتها بينما هو يحكي ) وين كنتي رايحة اه .. وين كنتي رايحة ومخلية وراك الراجل الى يعشق فيك عزرينك اه .. مين معولة تمشى علاه خليتيني نعشقك اه .. علاه مين راكي معولة تروحي علاه خليتيني نهبل عليك .. ونت*** عليك

سيدرا ( تحركت مرة اخرى في حضنو وزيرت على عينيها دوار كبير تحس فيه ) ااممم

ايراد ( رفلعها راسها وبقى يشوف مع وجها ويدو تمسحلها على شعرها الاكحل ويدو زيرت لى خصرها ) وين كنتي رايحة يا لى رجعتي البركة لحياتي والحلاوة لمعيشتي والدفا لفراشي وين كنتي رايحة وين .. وين كنتي رايحة ومخلية ايراد المالكي تايه مرة وخداخرى