نصف عاهرة بين مخالب طاغية الكاتبة منال منولة باللهجة الجزائرية

فراغ يجتاح صدرى ويكبلني

تتمة للاحداث السابقة

سيدرا عينيها توسعو .. نسات الوجع الى كانت تحس بيه في رجلها ونسات خوفها وهروبها من ايراد .. نسات محمود والى عملو معاها اختفت من بالها اصرار فرات على انها تعاونو على القضاء على ايراد والتخلص منو .. الفتق الى صرى في راسها من اخر صراع مع المالكي ماعدش يعطيها وجع والم كيما كان .. تصورتلها قدامها صورة طفل صغير قاعد على الكرسي ويدوح برجليها .. برئ ماهو عارف حتى حاجة على هاذي الدنيا وفجاة يخرج ذئب بشرى يتقدم منو ويحطلو الكاسك على راسو ويبقى يسمعلو في الاغنية هاذيك .. الى لبعض الناس هي عادية .. البعض بيها شفى من الادمان نتاعو ولكن اثر الاغنية هاذي على البراءة هاذي رح تكون وخيمة .. لحظات فتح عينيه ومدلو كابوس وفتحلو الطريق انو يروح يقتل ويبطش كيف ما يحب

سيدرا ( دموعها بداو يطيحو على خدها .. ونارها الى كانت شاعلة بدات تطفى بالعقل درجة درجة .. اختفى الكره هذاك لى كان مغلف قلبها )

اسيل ( حكمت بانداج وبقات تلف في رجل سيدرا وتهتز من الغيض كل ماتتفكر ذيك اللحظة الى اكتشفت فيها الامر تجن ) وقت ترجعي للقصر اشربي فلوفيناك وشوفي طبيب مليح على جال تتاكدي

سيدرا ( مسحت دموعها وتلفت وبقات تشوف يمين وشمال ) اختيارك هذا نظن .. نتي الى حبيتيه اشبعي ضرك زعما قاع ذيك l'intelligence وطحتي طيحة هكا

اسيل ( شافت فيها كانو متشابهين بزاف نسخة طبق الاصل عن بعض ) كنت نحبو .. وقتها كان في عمري 17 سنة .. وحدي وهو كان اكبر مني .. سرقني بالاهتمام تاعو الكبير .. يجي ويحوس عليا ويعيط صباح وعشية ويشوفني اذا دخلت ولالا حسيتو حنين بزاف وكنت محتاجة ليه

سيدرا ( كانت تسمع في هدرة اسيل .. وكانت فاهمة وش تقصد لانو هي جربت الحب ) وممبعد عطيتيه كلشي .. باين وهو قالك امك في العشة ولا طارت

اسيل ( وقفت وحطت يديها في جيابها للزوج ) مرة عيطلي وقالي رح نبعثك لمريض تاعي .. لاني برى البلاد روحي نتي نوثق فيك .. حسيت وقتها بفرحة كبيرة ماتتصورش الثقة هاذيك حتى واحد ماعطاهالي من قبل .. خلاتني نطير ونزيد نطيح فيه كثر وكثر

سيدرا ( مسحت دموعها بطرف صباعتيها وضحكت ) جدي كان يوثق فيك .. جدي وقت بعثلك لهنا كان واثق بلي مارحش تخلطي جد ام الحالة قاع حمل ومنظمة وخرطي كحل

اسيل ( ضحكت بسخرية متجاهلة تعليقات بنتها ) ومشيت وعملت العملية وكي جيت رح نخرج حسيت بضربة على راسي طيحتني على الارض .. كي حليت عينيا لقيت روحي مربوطة في سرير ..شفت قدامي كان في اكرون وفجاة ظهر فيديو ليا نعمل في عملية

سيدرا ( كتمت انفاسها لانو الى كانت تسمع فيه من شانو يرضيلها وجعها وغربتها هذا السنين كاملة )

اسيل ( تلفت عليها وعطاتها بالظهر ) كنت ندير في عملية نقل اعضاء غير شرعية .. تما خرج فهد وخيرني اني نمشى للحبس ولا ننظم لجماعتهم الى كانت تخدم البلاد