نصف عاهرة بين مخالب طاغية الكاتبة منال منولة باللهجة الجزائرية

اصطدام

تتمة للأحداث السابقة

ديمة كانت تسوق ومركزة مع الطريق ومرة على مرة تشوف فالاكرون تاع gps يعني تتاكد اذا كانت الطريق هي ولا ممكن تكون دخلت في طريق اخرى سهوا منها .. لحظات هي جات تعدل فالمرايا الامامية وتما لمحت زوج مركبات لونهم اسود وراها .. سرطت ريقها ممبعد قرر تنقص الصرعة وجات على جنب حتى تفسحلهم الطريق ممكن يكونوا مقلقين ولا ولكن امر غريب حدث حتى هوما نقصوا من السرعة وبقاو وراها

وسام ( شافت في ديمة كي نقصت السرعة الامر الى خلاها تستغرب ) دمدوم علاه راكي تمشي هكا

ديمة ( نحات لينات تعها وحطتهم امامها ورجعت تشوف المرايا ) بصراحة ماعلاباليش اذا مسلسل البارح اثر فيا ولالا بصح تبانلي هذا لطموبيلات راهم ورانا

راسم ( هبط لفون وتلفت يشوف ) يكون مثلا رسلهم ايراد حراصة ليك

ديمة ( دوحت براسها يمين وشمال تنفى فالموضوع ) لالا مستحيل يكون حرس ايراد وزيد انا وقت خرجت الصباح ما قلت لحتى واحد بلي راني خارجة يعني مستحيل يكونو القارد وزيد احنا عندنا كود بينا وهكا متفاهمين من اول يوم بدات المشاكل

وسام ( طلعت حاجب وهبطت لاخر ) زعما يكونوا يتبعوا فينا وحابين يقتلونا ولا عفسة

راسم ( جبد الكابوس من حزامه وشارجاه ) رح ندلك على طريق اخر .. منها نهربوا منهم ومنها تبان اذا كانوا القارد تاع ايراد

وسام ( سرطت ريقها ) وينه الطريق راسم .. نخاف انه نضيعه

راسم( ضحك بعفوية) ماتخافيش الطريق نعرفه مليح كنت بكري ندرب فيه روحي ديمة

ديمة ( نسفت وشافت فيهم ) ماشي وقت تحلاب ضرك .. حبسوا

راسم ( تبادل العديد من النظرات مع وسام ممبعد شاف في ديمة ) صاي مانزيدوش نعاودوا .. وضرك ادخلي من هذا الراكورسي

ديمة خذات نفس طويل بعدها عملت كيف ماقاللها راسم تماما .. دخلت في وحد المنعطف وصارت تتمشى بسرعة معتدلة ومرة على مرة تشوف وراها .. المركبات كانوا مزال لاحقينهم ولكن لحد الان مكان كاين لا هجوم ولا اي حاجة اخرى

يعني من المعروف انه وقت تلحقك طموبيل هذا لانه كاين سبب .. واذا يعني ما حاولوش يقلبوا بيك الطموبيل تكون مضايقات ولكن ولا اي حاجة من هذا حصلت .. الطريق كانت عادية جدا والحركة سلسة

في تلك الاثناء راسم طلب من ديمة تكمل فالطريق هذاك وتزيد فالسرعة .. وهي نفذت الامر واستمروا على هذاك الحال حتى دخلوا لطريق اخرى .. كانت معمرة ب سيارات السباق والمتسابقين قاعدين يجهزوا في سياراتهم .. وفالاخير خرجت هدرته صحيحة الطريق هاذي هي الى رح تسلكم

راسم ( شاف يمين وشمال .. حتى لمح كاميون كبير حامل العدة خاصة ب احد المتسابقين ولكن كاين حاجة اخرى الكاميون راه واقف عند مستودع كبير يخرج على طريق ثانية .. في تلك الاثناء خطرتله فكرة وبدون ما يفكر مرتين تلفت لديمة ) تقدري تفوتي تحته قولي