نصف عاهرة بين مخالب طاغية الكاتبة منال منولة باللهجة الجزائرية

احساس غريب يراودني ..

سلام الله عليكم 

وش بيها تفاعل هكا .. الحلقات الى فاتت 17 كومنتار فقط .. لا حول ولا قوة الا بالله 

حلقات اليوم ما تنساوش تصوتوا وتخلولي ارائكم لتحت 

ما تخافوش وقت تصوتوا ما يولوش فليكسي ويدخلوا للتلفون نتاعي ولا يدخلوني دراهم 

ربي يهديكم برك 

...... 

تتمة للاحداث السابقة

تاليا هزت رأسها ثم تبسمت وكانها تقول ل ايراد بكل سرور .. ممبعد دارت ل الكسندرا وبينما هي تشوف معاها ظغطت على زر في الطابلات الالكتروني بحيث الخزانة الزجاجية تفتحت حتى انفصلت ثم صارت الارضية تتحرك بيها حتى صارت برى وليس هذا فحسب بل ب ضغطة زر اخرى هداتلها صعقة كهربائية خلاتها تفيق من السبات الى كانت فيه على رأي ايراد

ايراد ( بقى يشوف معاها وهي تحل في عينيها وتحاول تتفكر وين راهي ) واخيرا ... واش عجبك الرقاد راني نشوف

جازية ( شافت يمين وشمال ممبعد طرطقت بالضحك بطريقة هستيرية ) هاهاهاهاهاهاهاا هاهاهاهاها

ايراد ( تلفت ل تاليا الى كان شاكك فيها كاش ما حقنت ف جازية عقابا ليها ثم صار يسال فيها ) عطيتيها قاروا حشيشة ولا ذي مالها

تاليا ( فوت لسانها على شفافها ثم رجعت ظغطت على الزر وهاذي المرة كانت الصعقة الكهربائية اقوى ) ضرك تسكت لوحدها

ايراد ( فتح القفافل الاولى للفاست ثم ناض من مكانها وحط يديه في جيابه ) نقول الكسندرا ولا جازية اي اسم تفضليه !

جازية ( دورت عينيها في المكان تحاول تتعرف عليه ولكن كان مكان عمرها لا شافته ثم رجعت تحكي ) سميني كيما تحب .. فالاخير كامل الاسماء كيف كيف

ايراد ( ربع يديه وبقى يشوف معاها .. والبرود الى كانت عليه ليقول ب سخرية ) اممم معليش خليني نقولك الكسندرا لانه جازية ماشي لايق عليك .. جازية اسم نتاع امرأة عاقلة وواعية اما نتي خاطيك ما سبق ذكره

جازية ( تبسمت وخذات نفس طويل ) كنت رح نكون هكاك .. لولا جدك الاناني والى بالمناسبة عندك نفس جينات الانانية الى كانت فيه وغادي تلقى نفس مصيره

ايراد ( سرط ريقه ثم تقدم ليها كثر حتى ما بقى بينهم الا مسافة صغيرة جدا ) واش في ايام الاخرين وليتي تشوفي الغيب .. معليش رح نخليك تحكي واش تحبي

جازية ( بقات تشوف مع عينيه لكحل وحاولت تطيحله معنوياته لحتى ما يحسش بلذة الانتصار ) علابالي راك تشوف بلي درت انجاز كبير وقت لقيتني بصح انا الى خليتك تلقاني .. وهذا لاني صح في ايامي الاخيرة