مساء الخير .. حلقات اليوم
خلولي ارائكم لتحت وصوتو على الحلقات
تتمة للأحداث السابقة
صوت وعد المتعب خلا مراسم العرس تتوقف للحظات .. وأفراد العائلة يتلموا عليها وأولهم فرات الى بمجرد انها عيطت قلبه قريب يخرج من بين ضلوعه .. وينقز بين يديه بحيث كان واقف عند راسها ويمرر في يده فوق شعرها ويسال فيها مرار وتكرار بنبرة مليئة بالاهتمام والقلق عن ما كانت بخير وفي نفس الوقت يطلب منها تتنفس تماما كيفما تعلموا في درس الولادة
_ اتنفسي وعد !
وعد ( عينيها تعمرو دموع .. فهي كانت تتقطع من الوجع وتحس بركلات متتالية يعني ماشي كيف المرات الى فاتت لتقول بنبرة متعبة ) ما نيش قادرة ،الوجع راه كثر من الايام الى فاتت فرات !
فرات ( مرر لسانه على شفافه وتما شاف انه ما لازمش يخليها تتوجع هكا ولهذا قرر يديها للكلينيك حتى يفحصوها .. شاف في ايراد ) راسم عاوني نوضوها !
راسم ( مد ايزام للمربية .. وتمشى من اتجاه وعد الى كانوا دموعها على خدها حط يده على كتفها ونوضها ) نظن بنتكم راهي مقلقة لحتى تجي !
سيدرا (هي الاخرى قررت تمشي معاهم .. ف مستحيل انها تخلي وعد تروح لوحدها في وقت عصيب كيما هذا ف مدت صبى ل اسيل ) استنى نمشي معاكم انا تاني .. ايراد غادي تجي !
ايراد ( وقف من مكانه ومزال ايساف بين يديه يهز فيه .. ثم توجه ل سيدرا وهز راسه ) هيا مالا خفي روحك !
فرات ( رفع وعد من الكرسي نتعها وشاف في سيدرا ) لالا غير اقعدي سيدرا مكان والو .. واذا كاش ما صرى غادي نعيطولكم !
وعد( تلفت ل سيدرا وحكمتلها يدها وبنبرة متعبة ومكسورة قالتها ) لالا نحب سيدرا تكون معاياا .. مستحيل نمشي لوحدي !
سيدرا ( مررت يدها فوق يد وعد وربتت عليها ب حنان ) مستحيل نخليكم تمشوا لوحدكم .. اسمع اسبقوني لتحت انا نحكي مع ديمة ونلحقكم انا وايراد !
فرات ( هز راسه وصار يتمشى مع وعد وفي نفس الوقت يحكي ) صحا ما طوليش بزاف !
ايراد ( تلفت لنجيب .. ولو انه ما يحملوش قرر يخلي عنده ايساف .. لانه الامير الصغير مستحيل يتحمل الكلينيك الخ .. تقدم منه وحطه في حجره وصار يحكي مع صغيره ) ابقى عاقل .. انا وماماك نخلصوا شوي امور ونرجعوا صحا
نجيب ( دور ايساف ليه وتبسم معاه ) جدو .. جدو ايساف توحشتني !
ايراد (دور عينيه فالسماء بملل .. مكانش يحمل وقت نجيب يدلل الصغار بالطريقة هذي ولكن مظطر يخليه عنده ممبعد شاف ل سيدرا) هيا سيدرا
سيدرا ( هزت راسها ولكن سمعت صبى تهبل في اسيل كيف عادتها مستحيل تبقى في مكانها ولهذا تقدمت منها ورجعت حملتها بين ذراعيتها وصارت تحكي معاها .. تحكي مع بنتها لى ورثت كل شيء منها حتى لون العينين الخضر ) وش بيك .. قولي ما تقدريش تقعدي زوج دقائق بلا بيا !
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Romanceهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
