نصف عاهرة بين مخالب طاغية الكاتبة منال منولة باللهجة الجزائرية

الجحيم انت والنعيم انت

تتمة للاحداث السابقة

قبل الانفجار ب 10 دقايق ..

سيدرا وقت شافت الصواريخ محلقين الفوق .. صار قلبها يخبط وحست انو رح يخرج من بين ضلوعها ويقفز في حجرها .. حطت يدها على جبهتها وحست روحها عاجزة وماشي قادرة تعمل حتى حاجة كان احساس فضيع بزاف .. وكانو تربطت صارت تحكي وماهيش عارفة وش راهي تقول

_ اخرج من تما ايراد اخرج مش وقت الانتقام

ايراد ( كان يحوس بعينيه وهو الاخر يتعرق وصدرو يطلع ويهبط ثواني حتى لقى فتحة فالارضية هبط وحاول يحلها ) شعال بقى ويوصل الصاروخ

سيدرا ( مسحت على شعرها وصباعتيها كانو بين شفافها ) مابقاش بزاف .. وزوج ماهوش واحد

ايراد ( فتح الفتحة هاذيك واذا بيه مخرج تحت الارض.. هبط فيه كان ضيق وباين انو ممر تحت الارض بقى يزحف فيه والعرق يسيل معاه ) باين بلي عيط للدعم

سيدرا ( وقفت من مكانها وزيرت على يديها ) اي اكيد .. خف اخرج من تما يلا مكانش وقت ..

ايراد ( كان يسرع هو الاخر وزيد مكان حابب يموت مزال الحال .. ترسمت ابتسامة على اسفل شفاه نتاعو ) خايفة عليا ولا

سيدرا ماسمعت اخر كلمة .. و انقطع الاتصال بينهم الشئ الى وترها كثر وكثر وقفت من بلاصتها وصارت تحاول من جديد .. لحظات حتى ارتطم الصارخين بالدار هاذيك .. والانفجار كان مدوى مجرد تخيل انو راه تما وماقدرش يخرج خلاها تعيط باعلى صوتها

_ ايرااااااد .. ايراد راك تسمع فيا

مكان كاين حتى رد .. زادت خافت كثر وكثر تلفت للبلاصة والبيرو هذاك .. حست انو النفس ضياق عليها وماهيش قادرة حتى توقف مسحت على وجها وكانت تحاول تتفكر هدرة ايراد ليها ولكن باين كانت رح تدخل فالحالة نتعها تاع العادة

غمضت عينيها ووكانو راهي طيح في بير عميق ورح تمشى للماضي كي عادتها .. ولكن فجاة شافت صورة ايراد الى مدلها يدو حاولت تتشبث بيه وتطلع ماشي وقت صدمات وحاالات عاودت حلت عينيها واذا بيها مزالها فالبيرو مزالها فالقصر

سيدرا ( رجعت قعدت فوق الكرسي وحطت الرقم الاحمر الى مدولها كانت تستنى في اي رد مهما كان ثواني سمعت صوت ادم ) الو

ادم ( كان كيما وصل والدار كانت تطرطقت والنار تشعل ) ايراد هذا انت

سيدرا ( سرطت ريقها وحاولت تحافظ على اعصابها ) لالا انا سيدرا وكنت نحكي مع ايراد وتقطعت لابال بينا قولي راه بخير

ادم ( مسح على شعرو وبقى يشوف فالحريق ماعرفش وش يقولها ) راه بخير

سيدرا ( ضربت يدها على البيرو .. باين ادم مايعرفش انو سيدرا راهي على علم بكل الخطط قلقها كي قاعد يكذب عليها ) علابالي وين راكم .. قولي قدر يخرج من الدار هاذيك