نصف عاهرة بين مخالب طاغية الكاتبة منال منولة باللهجة الجزائرية

لقاء حطم الجليد المحيط بقلبي

تتمة للاحداث السابقة

اسيل ( تقدمت بضع خطوات من سيدرا وجات تهبط ترفد الفون ولكن سيدرا سبقتها ) مع شكون راكي تحكي

سيدرا ( فوتت لسانها على شفتها .. كانت مزال ملامحها تنم على الخوف ) نحكي مع جدي محمود

اسيل ( وقت سمعت اسمه هبطت راسها وتراجعت لور ) اممم صحا رح نخليك تكملي مالا

سيدرا ( تقدمت منها كثر ) هاكي احكي معاه

اسيل ( وكانه حست بواحد حط يديه على رقبتها يخنق فيها .. باي وجه تحكي معاه وش رح تقول ) مانيش حابة نحكي معاه .. وبلاكي تقوليله اني هنا معاك

سيدرا ( هزت كتافها وسرطت ريقها ) كيما تحبي

بقات تشوف مع امها كي وجها جاب الوان وقت قالتها "احكي معاه " كانت تعرف انه اسيل تحس بالخجل من واش عملت بكري .. ويمكن عندها خطة في راسها .. بلاك تحوس تقضي على المنظمة لحتى وقت ترجع تكون مريحة ووتخلي محمود يسامحها

البروفيسور ( طلع حاجبه ) سيدرا مزالكي معايا

سيدرا ( خلات اسيل مشات وبعدت رجعت تحكي ) ايه راني معاك .كنت نحكي مع اسيل

البروفيسور ( حس النفس تاعه بدى يتقطع ) اعطيني نحكي معاها

سيدرا ( مسحت العرق من على جبهتها ) ماشي ضرك وزيد راهي زعفانة بزاف وفي راسها انت تخليت عليها

البرفيسور ( نسف بحنق .. كلشي من تحت راس فهد والبشير ضيعو عليه حياة كاملة ) صحا خبريني وش راهي .. خبريني عليها حكيلي وش دارت بعد ما انا مشيت وخوك سيدرا وش راه خبريني

سيدرا ( دوحت براسها مالقات وش تقول ) وقت نتلاقو رح نحكو كامل في هذا الصوالح

لبروفيسور (خذى نفس طويل .. حسب كاش ماصرالها ) ملا لازمني نشوفك وعن قريب .. لاني رح نهبل

سيدرا ( كانت تعرف انه هكا ممكن تخسر ايراد ..والثقة تاعه ولكن تحب تسمع وتعرف وش صرى ) رح نشوف كيفاه ونتلاقاو حتى انا عندي مانقولك

البروفيسور ( رد قعد مكانه ) ماطوليش عليا

سيدرا ( تبسمت .. حست بفرحة غريبة ) لا مارحش نطول .. فالايام هاذي رح نريقل كلشي .. وكيما خبرتك الرقم هذا تخلص منه وجيب اخر

البروفيسور ( تلفت لاب توب نتاعه وين كان مشغل البرنامج تاع الحماية ) اوكي ..

سيدرا ( سرطت ريقها وكانت تحاول تلاقي الكلمات لحتى تودعو بيهم ) وضرك نخليك تهلى في روحك

البروفيسور ( ترسمت على شفافه ابتسامة صغيرة ) وانتي تاني

سيدرا ( هي الاخرى ضحكت .. ماشي مصدقة انه الحلم تحقق ) هيا كوبي

البروفيسور ( كان متمنى ذيك المكالمة ماتخلصش قاع ) كوبي نتي الاولى هيا

سيدرا ( مكانش هاين عليها تكوبي معاه ) صحا وش رايك نكوبو مع بعض في وقت واحد