نصف عاهرة بين مخالب طاغية الكاتبة منال منولة باللهجة الجزائرية

اشعر ب انك تضيعين مني وانا رجل شرقي احارب من اجل ممتلكاتي

تتمة للاحداث السابقة

..." الكسندرا ايفان تسلم عليك " على اثر سماع الكلمة هاذي .. سيدرا حلت عينيها .. لقات روحها في بلاصة اخرى .. وناس بزاف حواليها لابسين الاسود ..وقاعدين يقربو منها ويمسوها بيديهم المعمرين دم سرطت ريقها وحاولت انها تهدي روحها .. تشوف حل .. ولكن حست روحها مربوطة على هذاك السرير .. من يديها ورجليها

جازية ( تحط فالقفازات وتضحك ) انا سمعت انك حامل .. مبروك الف الف مبروك

سيدرا ( الخوف سيطر عليها و صارت تحاول تفك في روحها .. ) وين راني .. وعلاش جبتيني لهنا

جازية ( تلفت وحكمت الابرة على المساعدة نتعها ) فالحق ايراد قالي انه ماشي حابب البيبي هذا وانا لاني بمثابة امه قررت اني نساعد حتى يتخلص منه ..

سيدرا ( زيرت على سنانها ) بلاكي تمسي ابني .. بلاكي

جازية ( ناضت من كرسيها وتقدمت من سيدرا وطرطقت بالضحك ) وش رح ديري ونتي مربوطة هكا .. اممم خبريني وش رح ديري

سيدرا صارت تعيط .. وتحاول تفك في روحها ..وسط هاذيك الضحكات العالية والصاخبة والنوايا السيئة لحظات حتى قدرت تقطع الحزام الى شادلها يديها وحطت يديها على رقبة جازية وصارت تزير عليها وتعيط ..

_ رح نقتلك .. رح نقتلك

الممرضة ( وقت حست بيدين سيدرا على رقبتها صارت هي الاخرى تعيط ) اهدئي سيدتي

سيدرا ( شافت في يد الممرضة الابرة .. صارت تزير عليها حتى تطلقها وهذا وش صرى .. كانت تختنق وتموت بين يديها ) رح نقتلك .. رح نقتلك

ايراد (دخل للشومبرا لقى .. سيدرا تخنق فالممرضة .. عينيه توسعو وتقدم منها على جيه .. وحط يديه على يديها ) سيدرا اطلقيها .. سيدرا

سيدرا ( صارت تعيط هي الاخرى ) رح نقتلها .. رح نقتلها اهئ اهئ

ايراد ( زير على يدين سيدرا .. وفك الممرضة من قبضتها .. ورجع يشوف معاها حط يديه على وجها ) سيدرا .. سيدرا اهدي شوي

سيدرا ( صدرها كان يطلع ويهبط .. ولولا رجلها كانت رح تهبط وتكمل وش بدات ) ماسمعتهاش .. قاتلي الكسندرا تسلم عليك

ايراد ( تلفت للممرضة الى كانت طايحة على الارض وهبط لعندها حط يديه على وجها وزير عليها .. نظرة منه كانت قادرة تقضي عليها ) من ارسلك .. تكلمي

الممرضة ( صارت تبكي ) لم يرسلني احد ..

ايراد ( نسف وغمض عينيه .. بعدها حكم الممرضة من ذراعها ورفعها وحط يده على رقبتها وزير عليها ورفعها لفوق ) لن اعيد كلامي .. هل هي الكسندرا ؟

الممرضة ( حست بروحها كي ترفعت صارت تعيط وتبكي ) لم يرسلني احد اهئ اهئ .. صدقني ... ويمكنك التأكد من الحقنة انها خافض حرارة فقط اهئ اهئ