نصف عاهرة بين مخالب طاغية الكاتبة منال منولة باللهجة الجزائرية

عقدة

تتمة للأحداث السابقة

ايراد ( استغرب من اتصال تعها .. حمل لفون وحطه في وذنه وبمجرد قال الو .. هي طلقتله الخبر القنبلة تما هو بلا مايحس على روحه عيط ) كيفاه ..

سيدرا ( وقت شافته هكاك .. حست انه في حاجة ) واش كاين ايراد

ايراد ( حاول انه يهدي روحه .. لانه وصل حتى وخوف سيدرا وقلقها .. خذى نفس طويل لحتى يهضم الخبر ممبعد رجع يحكي معاها ) مكان والو .. هاذي اسيل برك نظن سكرت وراهي بدات تخلط فالامور

اسيل ( كانت حاطة البيسي قدامها .. وقت سمعاته يحكي تبسمت يمكن من الصدمة ) كيما سمعت الثالوث الاحمر رجعوا

ايراد ( مسح على نيفه بعصبية .. وتما سيدرا وقفت من حجره لانها حست انه في شيء بينما هو جر الكرسي ووقف ) واش الى مخليك تقولي هكا

اسيل ( حطت شعرها ورى وذنيها وبقات تطلع فالدوسي الى وصلها ) وصلني تقرير من المخابرات .. انه صافي سمانة ولا كثر صرى في اقتحام لمقر الثالوث و راه ناقص برامج ' حرب نجوم ' هو بروقرام انا خدمته للهكر الشبكات القومية مايخلي حتى اثر و برنامج اخر هلوقرام .. وشوي برامج صغار ومعدات واسلحة

ايراد ( مرر لسانه على شفافه .. يعني شكها يمكن يكون في محله .. وزيد لوكان ماشي ثالوث الاحمر كيفاه رح يعرفوا اماكن البرامج .. تما خطرتله على باله فكرة ..ضيق عينيه ) ليكون واحد من القادة القدم رجعوا ..

اسيل (طلعت حاجبها .. ممكن يكون مثلا واحد من القدم ولكن شكون ) شكون مثلا لانه نص اما ماتوا وحدين راهم يخدموا عند الحكومة والباقي فالحبس

ايراد ( هز كتافه وبقى يتمشى .. ماشي عارف علاه ديما يحس انه بلي كاين شكون راه يلعب من ورى ظهره ) ماعلاباليش يمكن الى هربوا اخر مرة

اسيل (مسحت على وجها بعصبية ) انا قلت خلصنا من الموضوع هذا

ايراد ( بقى يدور فالفكرة في راسه .. الثالوث الاحمر كابوس عمرهم لارح يخلصوا منه او على الاثار تاعه ) انا مانظنش انه المنظمة كلها رجعت .. نظن انه كاين فرع مزال ناشط .. مثلا المرتزقة الى كانوا يخدموا بيهم مالقاو وين يهربو .. حبوا يعملوا هويات جديدة ويبيعوا البرامج ويكسبوا دراهم هذا واش خطر على بالي

اسيل ( هزت كتافها ) واش هي اهدافهم .. وش حابين يعملوا .. لالاا فيها ان وخصنا ايراد نعملو كل احتياطتنا

ايراد( مسح على لحيته وتفكر وقت نجلا خبراته انه حاسة بلي جازية راهي تستنى في شخص ولكن خرجوا جماعة ويمكن البرامج لتى يخترقوا اي مكان راهي فيه ) يسلكوا جازية طبعا .. ولا هي علاه راهي تحوس تخرج ب اي طريقة

اسيل ( وقفت من بلاصتها وتمشات حتى وصلت للزجاج الى يطل على الجنينة) بصراحة خايفة انهم يكونوا حاطينا احنا هدفهم