نصف عاهرة بين مخالب طاغية الكاتبة منال منولة باللهجة الجزائرية

المواجهة

تتمة لللاحداث السابقة

وقت طلعت راسها انصدمت بواش كانت تشوف قدامها .. مش معقول يعني يمكن راهي تهلوس ولا حاجة .. وقت دار امامها عرفت انو حلم ولا هلوسة .. فرات بشحمو ولحمو راه واقف قدامها ..قلبها صار يخبط تقول رح يخرج منها والدوخة حكمتها حطت يدها على جبهتها تحاول تستوعب وتفهم . والا الاسئلة الا انهالت عليها كيفاه جا ووقتاه جا وشكون قالو انو راهي تقرى فالفاك هاذي من الاصل .. تلفت يمين وشمال لحتى تاكد انو ماهيش تحلم وهاذ الى راهي تشوف فيه ماشي بسبب ضربة من ايراد على راسها

فرات ( ربع يديه وهو واقف ) واش مكانش الحمدلله على سلامتك

سيدرا ( حكمت وحد الخصلات وحطتهم ورى وذنها ورجعت خطوات لور ) الحمدلله على سلامتك فرات

فرات ( بقى يشوف معاها وفي لبستها كانت كبرت ونضجت فالاشهر القليلة الى غابت عليه ولكن ماهيش هاذي ردة الفعل الى توقعها ) مارحش تخلصي على ولد حومتك حاجة ولا وليتي مشحاحة

سيدرا ( ماعرفتش كيفاه تتصرف خانتها لكلمات والتعبير وزيد رجعت لارض الواقع كي شافت القارد نتعها .. رمشت بشفارها ) اسمعني فرات القارد نتاعي راهم لهنا واكيد رح يوصلو الخبر لايراد مالا غير

فرات ( قاطعها ) بالعقل عليك اصلا رانا واقفين عادي وزيد من وقتاه سيدرا تخاف

سيدرا ( ملامحها رجعت جدية رصت على سنانها ) فرات راني متززوجة ضرك تسما لازمني نحسب حساب لكل حاجة ولاي حاجة مهما كانت صغيرة

فرات ( مسح على لحيتو وهو يشوف في سيدرا اخرى قدامو ) حابب نحكي معاك برك وش بيك مقلقة هكا تقول قاع ماتعرفينيش

سيدرا ( شافت فالساعة ونسفت وتلفت تشو ف في حل للمصيبة الى طاحت فيها رفعت يدها وشرت لبرى الكافي ) راك تشوف في هذاك لبلوك عندي فيه كور بعد 10 د رواح تما قبل لايجي لبروف

فرات ( جا يحكي حتى فاتت وخلاتو ضيق عينيه وباقي يشوف معاها ) واقيلا مدام سيدرا نسات كلشي وش بيها هاذي ..

سيدرا كانت مقلقة من الحضور نتاعو .. اخر مرة وحدة عيطت فالنيمرو نتعها ويمكن كانت غالطة صرى هذاك الشئ ومابلك ب ضرك .. كانت تحاول انو تسلك راسها قبل الامور ماتولي حرب وتكمل عليها مقطعة ومرمية في كاش بلاصة .. فالاخير هدرة وعد كانت فيها جزء من الصواب ماكانش لازم عليها تحكي معاه من الاول .. يمكن مدلتو امل خاطئ وهو ضرك راه لهنا .. وصلت للصال الى رح يكون فيها الكور ..دخلت كان في بزاف ناس الشئ الى طمنها شوي يعني قاع وتوصل الهدرة رح تقولو يقرى معاعا .. نحات الفاست نتعها وجبدت الكرسي وقعدت وصارت تمروح على روحها

فرات ( لحق بعدها وجبد الكرسي الى قدامها وقلبو وقعد ) وش بيك تقول مافرحتيش كي شفيتيني

سيدرا ( حلت البيسي نتعها ودوراتو ليه ) من نيتك انت .. فرات راني متزوجة وراجلي ماهوش اي راجل فهمتني ضرك