نصف عاهرة بين مخالب طاغية الكاتبة منال منولة باللهجة الجزائرية

وقعت بين ماخالب ذلك الطاغي

تتمة للاحداث السابقة

رنت لحظات صمت بعدما فرات قال هاذوك الكلمتين .. كان ثقيل بزاف وبالاخص انو الاخوين كانو متواجهين على سماعة الفون يعني بعد سنين هاذي كامل يحكو هكا وبالطريقة هاذي .. كل واحد فيهم حامل في قلبو .. واحد تشبع بالكره وبالاكاذيب لين صار اعمى والثاني كان انسان بارد ولحياة من الكثر الضربات نتعها ليه هو صاي ماعدش يوثق فيها ولا يامن ليها وكل ماتضحكلو يعرف انو رح تعطيه على راسو

فرات ( تلفت حولو وين كانت معدات الكترونية جديدة فوق البيرو نتاعو والفون الى بين يديه هو الاخر في برنامج لعلاج الاصوات ولانو عارف سيدرا رح تكون مع ايراد قرر يعمل صوت امراة ) وعلاه راكي ساكتة

ايراد ( فوت لسانو على شفافو حس انو ماقدرش يهضم المتكلمة ) شكون انتي وين تعرفي مرتي

فرات ( ضحك بالصوت ) ياسي ايراد انت سرقت منا اعز حاجة عنددنا وخليتها مرتك ..ياهل ترى راك متهلي بيها اما سكتها كيف ماسكت الباقيين

ايراد ( حط يديه على الرخامة وطلع من الحمام الطيني وملامح وجهو تقلب ) نفهم انو هذا عتاب ولا اتهام من وحدة راهي تعيط على 11 تاع ليل

فرات ( حمل بين يديه صورة العايلة نتاعو الى كان طبعها وتنهد ) افهموا كيما تحب .. لاني بصراحة مانيش حاطك في راسي من الاساس فهمتني

ايرا د ( بقى يشوف في الانعكاس نتاعو في المرايااا ) باينة عليك عندك فراغ كبير في حياتك حاولي تتزوجي وتجيبي ذراري وشغلي روحي واي كانت علاقتك بمرتي من اليوم ورايح انسايها فهمتي والا اذا وصلت ليك رح نقطعلك راسك ونعلقو لحتى الكل يتعلم درس

فرات ( حس بالنار تخرج من وذنيه )

ايراد ( كوبا وزير على الفون وراح ينهج علاه حاسس انو الى عيطت فيها لوش ويضرب الفون على الارض جابو طراف طراف ) رح نقتلك

سيدرا ( خرجت لافة على روحها الكاب وتمشات من الاتجاه نتاعو ورجليها يخبطو في بعض ) وش كاين ايراد وتاعمن الفون هذاك الى رميتو

ايراد ( تلفت ليها والغيض يطاير من عينيه قربلها وحط يدو على رقبتها ) وش قلت انا اه

سيدرا ( استغربت منو ) وش بيك انت غير ضرك كنت مليح

ايراد ( حكمها بيديه للزوج من رقبتها وطرطق عينيه فيها ) ماشي قلت صوالح دزاير يبقاو فالدزاير ها قولي

سيدرا ( سرطت ريقها ) اي وراني درت وش قتلي

ايراد ( طلع يدو لشعرها ولواه على يدو ) والى عيطت هاذي شكون

سيدرا ( توجعت حتى ولات تعيط ) اطلقني ايراد وش بيك تاني .. وشكون هاذي الى عيطت ماعندي حتى خبر عليها

ايراد ( جبدها من شعرها وبيدو طلعها الفوق صارت رجليها فالهوا ) شكون هي

سيدرا ( ولات تعيط ) ماعلابالي ماعلاباليش ااااا