نصف عاهرة بين مخالب طاغية الكاتبة منال منولة باللهجة الجزائرية

العهد

تتمة للأحداث السابقة

.. في ذيك الدقيقة الكل سكت وشاف لذيك المرأة الى وسام من شوي دعاتها "ماما " .. كانت الصدمة مرسومة على وجوهم لدرجة لا تصدق .. معقول كلمة صغيرة كيما هاذي تسبب كمية الرعب هذا .. ممكن الحاجة الى خلاتهم يتصدموا كونهم عارفين انه نجود توفات من سنين وجميع الاحتمالات مرفوضة مثلا كونها كانت في غيبوبة او اي شيء مشابه لانه ايراد او اي شخص من العائلة كان رح يعرف ولكن لازم يكون في تفسير للأمر هذا

اسيل ( قربت ل سيدرا وهمستلها في وذنها ) سمعتي كيما انا سمعت ولا راه الدوا تاع الرقاد بدى ياثر فيا وراني غير نشكل

سيدرا ( سرطت ريقها وشافت في اسيل وهزت رأسها يمين وشمال ) لالا سمعتي مليح .. وقالتها ماما

اسيل (خذات نفس وقربت من وسام ) وسام

وسام ( نسات روحها وانها وسط حنتها وجرات لهاذيك المراة ورمات روحها في حضنها ) مزية جيتي ..

ايتن ( حضنت وسام هي الاخرى وصارت تمسحلها على شعرها الاسود ) وقت شفت الخبر فالجرنان استغربت من كونكم ماعيطتوليش بصح انا نعرف للأصول وقررت نجي ونحضر عرس وسام المالكي

وسام ( وخرت شوي من حضن ايتن وضحكت ) هاذي شرة علينا يعني

ايتن ( غمزتها وضحكت ب صوت عالي ) وخرجتي ذكية تاني وتفهميها وهي طايرة

اسيل (وقت شافت فالباقي .. كانوا مصدومين ويستناو في اجابة .. قررت هي تسال ) يا جماعة معليش تفهمونا واش كاين

ايتن ( حست انه دخلت عليهم دخلة خشينة ونسات حتى تعرف تعرف بروحها ) انا

ايراد ( قاطعها بصوته الرجولي .. وملامحه الجامدة والى كانت تحمل بزاف اسرار وراها ) هاذي ايتن ..خالتي وتكون توأم نجود

ايتن ( حست ب احراج شوي ) اهلين ايراد

سيدرا ( خذات نفس طويل وحطت يدها على صدرها ) بصراحة وقت قالت ماما راني تكوانسيت في بلاصتي وقلت واش هذا عجوزتي رجعت من المقبرة

ايراد ( فتح حضنه لوسام .. الى تقدمت ب خطوات بطيئة ورمات روحها عنده .. تما هو حط يده الثانية على ذقنونتها ورفع حاجبه يخاطب فيها ) وسام دخلتكم في حيط علابالي وقت قالت "ماما" .. بصح ماشي بيدها هي شافت نجود فالصور برك و اول ما شافت نسختها امامها خرجت منه فمها بطريقة عفوية صح وسام ؟

وسام ( هزت راسها وطلعت صباعتيها صارت تمسح في دموعها ) اي ايراد عنده الحق

ايتن ( تلفت واذا بيها تشوف يعقوب واقف بحواجبه الكحل وقامته الفارعة ) نظن انك فرات صح ؟

يعقوب ( فوت لسانه على شفافه وتلفت ل فرات ) هذا فرات و انا يعقوب المالكي

فرات ( رفع يده وريشلها ) سلام