نصف عاهرة بين مخالب طاغية الكاتبة منال منولة باللهجة الجزائرية

الكثير من الكذب الكثير من الخداع

تتمة لللاحداث السابقة

ايراد بقى واقف والدهشة كاسية ملامح وجهه .. باب في الدريسنغ تاع جازية وماشي هذا برك .. نفس رسم الى على الصندوق كان منقوش على حافات المرايا .. عمل خطوة للامام ودخل الداخل شاف يمين وشمال وبقى يفوت في يده حتى لقى البوتون منين يشعل الضو .. عفس عليه بيده واذا بيها تشعل كل الاضواء ..

مكان باب للممر عادي .. بل بوابة لعالم سري .. كان حاسب هو الوحيد الى يقدر يعمل ممرات وغرف سرية .. كان يظن انه هو الوحيد الى يقدر يخبي الاسرار بطريقة محترفة .. اما كاين شكون سبقه بقى يمشى ويشوف يمين وشمال ولكن كان ممر عادي .. كمل يمشى حتى لقى على اليسار باب اخر .. وقف عنده وخرج الكابوس من ظهره وبقى يطل من الزجاج لقاه اسنسير

مزال الكابوس بيده .. وحل الباب هذاك وطلع فيه وبقى يشوف .. ياترى رح يكون في مفاجاة اخرى .. ياترى رح يلقى عجب كبر من هكا .. شاف امامه كان في لوحة التحكم ظغط على زر الطابق السفلي وبقى الاسنسير يهبط لتحت .. وقت وصل الباب تحل تلقائيا ..

هو خرج لوحد البلاصة كيف التيراس تماما .. حتى لقى الى عمره لكان يصدق انه كاين تحت القصر الى عاش وكبر فيه سنين .. قاعة عمليات كبيرة .. فيها بزاف حواسيب .. وقابله شاشة كبيرة عليها صور عايلته .. مبروطين بشريط احمر ..

تقدم يمشى وهبط فالدرج بخطوات سريعة وملامح الدهشة مزالت معلمة على وجهه حتى وصل لتحت .. بقى يشوف .. الشاشة هاذيك كان على يسارها شاشة اخرى .. فيها صورة عايلة ايفانوفيتش ووسطهم بنت صغيرة تقدم شوي وحط يده على الصور هاذيك .. مكان فاهم والو ولا كان فاهم اما ماشي قادر يستوعب .. تراجع خطوات لور

كان في بيرو فالوسط .. بقى يسال في روحه علاه كاين في بيرو لهنا .. لاب توب فالوسط وبعض الصور لاصقين على الطاولة هاذيك .. صور راقصة مع بعض صديقاتها .. صور انثى مع البشير .. جبد الكرسي وقعد مزاله يشوف .. كان في درج بزاف صار يحل فيهم ويجبد فالملفات الى لقاهم كلهم حطهم امامه .. كانو بزاف وهو يجبد فيهم طاح منهم دفتر صغير .. رفده وبقى يدور فيه

_ هذا دفتر ذكريات

فتحه بسرعة وحطه فوق البيرو وبقى يشوف فيه .. واول حاجة طاحت عينه عليها خلاته يفهم كلشي .. هي هاذيك الفقرة

" اول يوم في منزل البشير المالكي ..اول يوم لي كزوجة قاتل عائلتي .. اليوم دخلت عرين الشيطان .. لا انه ليس بشيطان .. انه شخص تافه عديم الشرف وسارق ..انه قط كسول يعتمد على الجميع لكي يقوموا ب اعماله القذرة .. اليوم س انتقم لعائلتي التى ذهبت غدرا وظلما .. الى امي الحنون والى ابي الرائع " الكساندرا "

ايراد (مسح على وجهه وبقى يدور فالصفحات .. كان في هدرة بزاف .. ولكن صورها خلاوه يعرفها شكون هي ... وجها الى سنين بدلوه ومن مراهقة صغيرة لسيدة اعمال مرموقةvصارتبين شفافه نطق ) جازية .. هاذي جازية .. يعني جازية هي الكسندرا