نصف عاهرة بين مخالب طاغية الكاتبة منال منولة باللهجة الجزائرية

نعم اغار

تتمة للاحداث السابقة

سيدرا وايراد صارو يتبادلو في نظرات بينهم .. مجرد الفكرة كانت بالنسبة ليهم جنونية .. معقول محمود بن رفاعي يخرج مومبر في اكثر منظمة فساد فالعالم .. مثلا وش كان دورو فيها يجند ولا كان مع الطاقم الطبي الى اخترع مشروع ' عيون الغزال ' .. يعني كامل هاذوك المبادئ الى يظل يحكي عليهم والفلسفة الزايدة خرجت مجرد قناع برك والادهى من هكا شاف بنتو تتعذب ووقف ساكت .. يعني هو والبشير خرجو عجينة وحدة وطينة وحدة

سيدرا ( دوحت براسها تحاول تستبعد الفكرة ) مانظنش جدي كان مومبر وزيد خموا مليح لوكا ن جا واحد منهم كان رح يخليك تتعذبي ولا توصلي لهنا

ايراد ( كان راح مع الفكرة ممبعد رجع عنها حكم البوات تاع السيجار وشعل واحد وجبد منو ونسف الفوق ) صح بصح يبقى صاحب البشير الوحيد والى معرفتهم ترجع لسنين

سيدرا ( تلفت لايراد وعقدت حواجبها ) التدخين مضر بالضحة علابالك بيها

ايراد ( جبد جبدة اخرى منو ونسف الفوق ) الى راه يتقال يخليني نضرب سطر كوكا ماشي برك سيجار صغير وزيد هاذي صحتي

سيدار ( وقت يبدى يهدر هكاك تحب تخبطو على راسو ) شوفا سيدي قالك الصحة صحتو

ايراد ( زاد جبد جبدة اخرى ونسف عليها في وجها حاببها تططرق كي عادتها ) اممم صحتي وحياتي وضرك خلينا مع محمود والبشير

اسيل ( ضحكت على المناقرة الى بينهم .. كان بينهم حاجة سبيسيال بزاف ) صح بابا يعرف البشير ومعرفة قديمة تاع الصح والا مايكون يعرف حاجة ..

سيدرا ( تلفت لاسيل وحطت يدها على رقبتها ) يعني تحبي تقولي اذا رانا باغيين نعرفو شكون رجع المنظمة خصنا نرجعو للماضي هكا

ايراد ( نفض الطفية تاع السيجار فالسندري ورجع يحكي ) وكيفاه كانو صحاب ومايعرفش خدمة البشير هاذي تاني فيها ان

اسيل . انا كنت مومبر وماكنش علابالي انو البشير عندو عايلة وابنو رياض الى قاعد يدير في تحقيقات هنا ولهيك على الثالوث الاحمر .. كان ممثل هايل ومقسم وقتو مليح بين الميسيون وبين القصر وحياتو العادية ك جد ورب اسرة

سيدرا ( حطت يدها على خدها ) نعيطولو نسقسوه

ايراد ( طلع حاجبو وهبط لاخر وترسمت ابتسامة سخرية على تراتيل وجهو الى كانت جدية ) لا خص غير تعيطيلو تقوليلو محمود انت كنت مومبر في منظمة الثالوث الاحمر

سيدرا ( طرطقت بالضحك وضربت جبهتها ) خطئ فالدفاع برك .. صاي رح نعيطلو ونقولو بلي وسام راهي دير في مقال تاريخي على البشير وحياتو تكريم ليه كي شغل ومن خلال هذا نحبو نعرفو حياة البشير المالكي وانت كنت اقدم صاحب ليه رانا حابين تحكيلنا شوي عليه مليحة هاذي