هي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى ..
صعبة المراس لا...
سيدرا ( طلعت حاجبها كانت رح تقوله هاكك مدهوله مدام راك داخل ولكن الفون صار يصوني .. وظهر اسم نجلا .. في ذلك الوقت حست بغضب كبير .. وش يكون عندها شغل معاه .. ردت لحتى تعطيها الحس ولكن شء منعها من انها تحكي وبقات ساكتة تسمع )
نجلا ( نطقت بصوتها الانثوي وتلاتها ضحكة ) مارحش تصدق وش عملت في ذيك جازية .. راني ديت حقي وحقك منها وخليتها تتعذب
سيدرا ( وقت حست بروحها ترجف وبقات ساكتة )
نجلا ( رسلت فيديو ليه ورجعت تحكي ) راني عذبتها وخرجت منها وش دارت فيا وفيك . . ونرجع ونقول خير ماعملت وقت جبتها لعندي
سيدرا ( حست كي شغل واحد ضربها بصفعة .. رخفت الفون من يدها .. ) صار هكا اسيدي ايراد .. مخلي جازية عند نجلا
لثواني وهي واقفة تما .. تحاول تحلل الامور بطريقة منطقية وناضجة اما في اخر المطاف ما قدرتش ببساطة .. صارت تربط بين الاحداث وكيفاه ايراد كان ما يعيطش ولا يحوس عليها من بعدها نزولها للجزاير الى جانب تغير تصرفات البنات وبالاخص وسام وديمة
معقول تكون نجلا حلت محلها وقت هبطت .. من هدرتها تبان تقربت ليه كثر من قبل .. ولا هذا التقرب والصداقة ما هي الا عقاب من القدر ليها على انها تخلات عليهم فالوقت هذاك بالذات .. حست بقلبها يخبط تقول رح يخرج من بين ضلوعها ويطيح وغصة في حلقها
حست بغيرة ونار تشعل فيها بمجرد انه تخيلت عائلتها نساتها وانه نجلا حلت مكانها .. جبنها وخوفها كلفها بزاف امور ومنهم انه كاين شكون عمر مكانها سواء في قلب ايراد الى ديما يحلف انه يحبها او بين افراد العايلة لخرين
راسم ( كان داخل وفجاة لقى سيدرا واقفة بذيك الطريقة .. تقدم منها وريشلها بيده ) سيدرا .. سيدرا
