نصف عاهرة بين مخالب طاغية الكاتبة منال منولة باللهجة الجزائرية

هوسي بها هو خطر كبير على عليها

تتمة للاحداث السابقة

ملامح ايراد تغيرت فالوقت هذذاك ..ووجه جاب الوان .. لا لهنا ويكفي فالاول خبات عليه خبر البيبي .. وضرك راهي تتفاهم من مورا ظهره على مع راجل غريب انها تقابله برى .. لا لهنا رح يحبسها ..صح هو عصبي بصح لهنا هي راهي تخسر ومستحيل رح يسكتلها

نجلا ( شافت ملامح ايراد تغيرت 360 درجة .. طلعت حاجبها ) ايراد .. وينك

ايراد ( رجع للواقع وفوت لسانه على شفافه .. يعني المدام قاعدة تقرر من راسها .. رح يحلها بطريقته معاها .. عقد حواجبه ) ومع هذا رح نوقف العلاج تعها لهنا .. ورح نبعثلك شيك مع السيكراتير تاعي يغطي الاتعاب تاعكم

نجلا ( سرطت ريقها وجات امام ايراد ) مايهمنيش دراهم ايراد وانت تعرف هذا الشئ .. هدفنا من العيادة هاذي انه نخففوا شوي على الناس فهمتني

ايراد ( مسح على شعره بعصبية .. وزفر والنار كانت تخرج من نيفه من الغضب الى قاعد يشعل فيه الداخل ) مع ذلك رح نبعثلك حق اتعابك .. تصبحي بخير

نجلا (استغربت من قلق ايراد .. حطت يدها على كتفه ) استنى مزالني عندي مانحكيلك

ايراد ( شاف ليد نجلا .. وبذيك النظرة هي نحات يدها وتراجعت لور .. بينما هو صار ينفض في ذاك المكان ) وش كاين تاني

نجلا ( تبسمت وبدات تخدم في كيد النساء نتعها ) رح نحكوا لهنا لى الواقف .. على الاقل خلينا ندخلو للبيرو نتاعي

ايراد ( دوح براسه ممبعد رفد يده وعمللها تفضلي .. يمكن هذا الشئ عنده علاقة مع سيدرا ) تفضلي

نجلا تمشات امامه تتمايل يمين وشمال وتحاول تغرى فيه وهو بقى يتمشى بحذاها وعقله بعيد تماما .. كانت كل العيون عليه بالاخص الطريقة الى مايعبر بيها حتى وحدة .. والغرور المرسوم على سمات وجهه الرجولي .. ولكن الى مايعرفوهش هو انه كاين ملكة متربعة على عروش قلبه .. ملكة مشاغبة ومرة تكون انثى ومرة تكون طفلة ..وراهي حامل بولي العهد وقاعدة تستغل في مرضها لحتى تخرجه من ملة محمد " عليه افضل الصلاة والسلام " لحظات كانو وصلو للبيرو نتعها حلت الباب ودخلت

نجلا ( تمشات من اتجاه المكتب نتعها .. جبدت وحد الدوسي ورجعت قعدت امامه ) بصراحة كنت مترددة نحكيلك ولكن بما اني كنت طبيبة تاعك قلت من الاحسن نخبرك بكلشي

ايراد ( حط يديه في جيابه وتكى على المكتبة العظيمة تاع الكتب الى كانت وراه .. مستغرب من طريقة حديثها) احكي نجلا بلا المقدمة الطويلة هاذي ..

نجلا (حساته ناشف معاها ..ومهمتها رح تكون اصعب من ترويض اسد ) اسمعني ايراد علاقتك انت وسيدرا سامة

ايراد ( وخر يديه من جيابه وعينيه شعله بالغيض .. من وقتاه هي تدخل في حياته ) شكون قالك مدي رايك في علاقتي مع مرتي .. راني نشوف ديتي راحتك بزاف نتي