نصف عاهرة بين مخالب طاغية الكاتبة منال منولة باللهجة الجزائرية

بعض الجهل نعمة

تتمة للاحداث السابقة

سيدرا حطت يديها على يديه وبدات تحاول تفك فيهم بكل قوتها .. ولكن هو احكم القبضة نتاعه عليها مهما قاومت ماقدرتش ولكن مافهمتش سبب الى يخليه يتهجم عليها هكا وبالطريقة هاذي .. يمكن لوكان تحكي معاه رح تفهم منه وتعرف سوء الفهم الى صرى.. طلعت رجلها وركلاته بكل قوتها دفاعته للامام وين طاح على الارض بينما هي وخرجت راسها من الماء وبقات تمسح في شعرها ووجها وترجع في انفاسها الى هربت عليها

سيدرا ( تحاول تسترجع في انفاسها ) وش بيك عاصم .. قريب تقتلني

عاصم ( زير على يديه للزوج ) بسببه خرجت من المنظمة .. قتلوله مرته وبنته

سيدرا ( مافهمت حتى حاجة فوت لسانها على شفتها ) شكون هذا وشكون هاذو الى قتلوا

عاصم ( بصوت همس يشبه فحيح الافعى ) نجيب البروفيسور لحتى البشير يقدر يدخله الثالوث الاحمر قتله مرته وبنته الصغيرة

سيدرا ( الرعب سيطر على ملامح وجها وهي تسمع في ذيك المعلومات كلها وصارت فضولية اكثر ) علاه قتلوهم وكيفاه

عاصم ( عينيه تعمرو دموع وصار يرجف ) كان احسن جندي فالبحرية قدر يطيح بزاف اعداء وهذا الشئ عجب البشير ولحتى يظموه للثالوث الاحمر فجرو الطموبيل الى كانت فيها مرته وبنته الصغيرة .. وبعدها عملو رواحهم مهتمين بيه وبالقضية نتاعه وجبدوه بينهم

سيدرا ( تفكرت عياط اسيل من اخر نقاش ليهم .. عينيها توسعو معقول يكون الاب نتعها ) وين راه ضرك هو .. قصدي البروفيسور هذا

عاصم ( طرطق بالبكا وططاح على ركابيه ) ووقت طلبو منه يقتلني هو خلاني نمشى ونهرب لروسيا اهئ اهئ ..

سيدرا ( رمشت بشفارها مرات بزاف وحطت يدها على شفافها ) ليكون هو الى راه يعاون فالرئيسة الجديدة هاذي ..يعني بابا راه مع الرئيسة فالحرب هاذي مع ايراد

عاصم ( رفع راسه وتحول البشير وناض من مكانه ) لازم تموت

سيدرا ( حاولت تنوض وتهرب ولكنها زلقت وسط الجال دوش ورجعت طاحت فالجاكوزي .. بعدها رفعت يدها ) ماتقربليش

تقدم منها البشير وعينيه كلهم شر وهبط عليها وحط يديه على رقبتها وهي تقول قوتها خارت منها .. عاود هبطها وسط الماء وبقى يخنق فيها وهي تعيط وتحاول انها تهرب من بين يديه ولكن بدون فائدة .. صارت تضرب في رجليها ويديها فالماء ولكن كان النفس يروح منها .. لحظات تخيل امامها منظر انفجار عظيم عليه عيطت بكل قوتها' بابا '

ايراد ( الى جا حتى يطمن عليها وعيطلها للعشا لقاها تعافر فالماء .. بسرعة تقدم منها وصار يحاول يخرج فيها من الجاكوزي وهي تعافر فيه ) سيدرا .. سيدرا حلي عينيك هذا انا ايراد