تتمة للحلقات السابقة
ايراد بقى واقف تما ... يشوف في اخته الصغيرة تصارع فالموت .. وسام الى ماعندها حتى ذنب في كل حاجة راهي تصرى .. دقات قلبه صارت تضرب بعنف تقول رح يخرج من بين ضلوعه .. والعرق البارد بدى يتصبب معاه .. وفي لاخير هو ماقدرش يحافظ على ذيك الامانة ال رياض خلاها .. وماشي هكا برك وفشل في لم شتات عايلة المالكي
ماقدرش يبقى واقف .. تمشى من اتجاه الباب الزجاجي ودخل وين كانت راقدة وبينما الاطباء قاعدين يحاولو يرجعوها من جديد هو دخل وسطهم وهبط عليها وحط يديه على وجها .. كانت اول مرة تكون صامتة وهادية هكاك ..
ايراد ( عينيه السوداء تغشات وزير على وجه وسام وصار يعيط ) وسام ارجعي .. وسام هذا انا ايراد خوك الكبير
الطبيب ( كانت رافدة جهاز رجفان القلب تلفت للمرضين ) اخرجوه من هنا اريد انقاض المريضة
ادم ( قرب ليه هو الاخر ) ايراد خليهم يديرو خدمتهم
ايراد ( حس بالممرض وادم كي تقدمو منخ وحطو يديهم على كتفه .. حسهم كيف الذباب الى يفسد في ذيك اللحظة .. تلفت وبدى يدفع فيهم لور بيديه وعينيه حمارو .. ورجع تلفت ليها وحط يديه على خدها وصار يتجرع في مرارة الموقف هذاك ) وسام نوضي حمليني la responsabilité تاع كلشي صرى بصح حلي عينيك برك
الطبيبة ( صارت تعيط عليه ) سيدي دعني اقوم بعملي ..انت تعرقلني وبهذا سنخسر المريضة وستكون عندها انت السبب
ايراد ( جن من هدرتها .. رفع راسه وخر شوي وجبد الكابوس وشارجا وطرطق عينيه فيها ) وش راكي تقولي نتي .. وش راكي تقولي
ادم ( عينيه توسعو جبد الطبيبة وحطها وراه ) ايراد ارجع لعقلك
الطبيبة ( تراجعت لور وبدات ترجرف ) سيدي .. سيدي
ايراد ( زير على الكابوس وتقدم منها .. رايح يفجرلها راسها على الهدرة الى تقول فيها .. وش بيه الكل يحمل فيه المسؤولية .. وش بيهم كامل ماشي حاسين بيه لكان عليه هو يقلع من عنده ويعطيهم .في ذيك الدقيقة الكل كان حاسب رح يدير جريمة ولكن يدين ناعمين التفو على كتافه وبحنانة جبداته حتى تلفت ليها ) سيدرا
سيدرا ( حطت يدها على خده وبقات تمسح عليه ) كل حاجة رح تكون بخير ايراد .. وسام رح ترجع وكل حاجة رح تتحل
ادم ( (تنفس الصعداء وتلفت للطبيبة ) قومي بعملك الان
ايرا د ( طلع راسه الفوق وعينيه تعمرو دموع . وعض شفته بقوة دور راسو بعيد بينما هي حكماته بيديه ورجعت حطت جبهتها على جبهته ) هاذي وسام ختي الصغيرة
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Roman d'amourهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
