عاشقة الثراء💸مكتملة💸

💸الجزء 9💸

" عاشقة الثراء "
"البارت 9"

-ألمى-
ناض و خلا علي كيضحااك على هضرتو و اتجه هو لجهة البار خذا الشيشة من البلاكار و جهزها داها لفين كان جالس و بدا كيشيش حتى جاه اتصال ..
- جلال ... الواليدة ..صافا !!
- حياة .." الأم ديالو" ..حبيبي .. حشومة علييكي جيتي للمغرب و ماكلفتي خاطرك تا تجي تشوف ماماك ..
- جلال. .لا احبيبتي غانجي عندك غدا .. غير كانرتاح. . و كانت عندي خدمة ضروري نقضيها
- حياة .. واخة احبيبي ..توحشتك بزاااف. .و نتا كاع مكاتفكرني
- جلال .. كون تشوفي شوقي ليك الحبيبة ماتقوليش هاد الهضرة ..
-حياة... حتى جدك توحشك ..و خوتك تا هوما ...
- جلال ..كي ديرة رجوى ..!!
- حياة .. لبااس عليها ..مقلبة عليك بزاااف ماتخايلش قداش .. مكاتسولش فيها و نتا عارفها شحال كاتبغيك و متعلقة بيك ..
-جلال... غانجي غانراضيها الحبيبة ..
- حياة .. "صوتها كان فحال لا كيترعد و هو حافض ديك النبرة لي كاتكون فاش كاتوثر ولا تتكون مخبية شي حاجة .." .. واخة . هانخليك دابا تا تجي ..
- جلال ..مالكي الواليدة ..!! شنو مخبية عليا الحبيبة ..
- حياة .. ها .. ءءء.. .. انا ..
- جلال ..من الاحسن نعرف منك اش كين حيت الى فت حتى جيت ماتعرفيش اش ندير الى لقيت شي واحد منهم دار شي مونتيف ..!!
- حياة ..اليوم .. ولد عمك جا كلو كيترعد .. و فاش شافوه هكذاك دخلو باك و عمك حميد للمكتب .. انا عارفني فضولية .. مشيت تنتصنط شنو كيقولو سمعتو قال ليهم بلي ضرب شي حد بالطنوبيل .. ويمكن قتلو .. وهرب ماوقفش ليه .. المهم هادشي لي سمعت وسمعت باك كيقول ليه هادشي غاندفنوه هنا تا حد ميعرفش .. ماسمعتش مزين ..
-جلال... جدي عارف هادشي !!!
-حياة ... باك و حمك و ولد عمك هوما لي عارفين هادشي .. و انا ..ولكن ماعارفينيش واش عارفة شي حاجة ..
- جلال..." تكب الدم فعروقو " .. قطعي الواليدة هاني جاي ..
قطع عليها يالله كانت غاتجاوبو ساعة كان اسرع منها هز التيشرت لي كان لابس خرگها بالزربة و هزالسوارت تالاوطو و التيليفون ..
-علي .." وقف " ياك لاباس اش واقع ..!!
-جلال ..مشاكل عائلية ..
هادشي لي خسر عليه و مشا ركب الاوطو ديالو مكسيري للقصر العظيم ..هذا هو اشم بيت العائلة .. خااارج على المدينة بكيلوميترات .. بعيد عن صخب المدينة و شوارعها المزدحمة .. بعيد عن البشر .. بوحدو فالخلاااء .. وقف الاوطو بعد مادخلها تال الباب تالقصر و نزل جاعر رجليه و هو كيضربهم بعصبية فالأرض كانو فكالا غايضرب الزنزال ديك البلاصة كاملة كي وصل لساحة لي وسط القصر غوت عليهم تا بدا صدى صوتو كيتردد فالقصر ..
-جلال .. أفييييييييينكووووووم ...!!! وااااااناااس .. فيييينكم .. كووولشي يحضر عندي داااابا... كريييييييم الهلااااالي .. نزل عندي دروووووك .. بلا ميتسنى حتى واحد طلع فالسانسور ومشا ديريكت لغرفة كريم ولد عمو لي يالله كان غايحل الباب و لقى جلال فوجهو..
-كريم .." ضحك فاش شاف جلال" .. جلال توحشتك اصاحبي ..
يالله كان غايعنقو تا جرو من قرفادتو و تم نازا بيه الدروج ديال أربع طبقات و الطابق لي نزل منو كيخرج منو شي حد يطل ولكن تا حد ماقدر يدوي غير تابعينو بلا مينطقو تا كلمة .. عارفينو معصب و جلال فاش كيتعصب ماغايكفيهش يحرق بيهم داك القصر كامل.. تا حاجة من مقاومات كريم مانفعات .. غوت .. و ضرب برجليه و يديه و وااالو .. مافهمش شنو دار لجلال مع انو كان عزيز عليه و عمرو مد عليه يديه... و كانت هادي اول مرة .. وصلو للساحة لي وسط القصر و رماه جا مشبح فالأرض .. أفيييييينكم بلاااا ماتخباااو بااانو...
- حياة .." جات عندو عنقاتو و باس لها راسها .." .. عافاك اولدي ماديرش شي حاجة تندم عليها ..الله يحفظك و يخليك ليا اولدي .