عاشقة الثراء💸مكتملة💸

💸الجزء 87💸

عاشقة الثراء
"ليالي نسيم "
البارت 87..
                       -الدم الملكي-

دخلات لاصالون ديريكت و كي دخلات بحااال لا صرفقتيييها و نطحتيها و كااع ادوات العنف طبقو علبها فديك اللحظة ....بان ليها جلال بارك و حاط رجل على رجل .. و عايشة مريحة و حانية رااسها .. و قداامهاااا عبد العظيم لي فكرسي متحرك و كيشوووف فيها بنضرة حنيييييينة ربعات يديها و قادات الوقفة مطلعة فيهم حجبانها ...
      - عبد العظيم .." ماد لبها يدو" ..قربي ابنتي .. قربي ...اجي عندي .. اجي حداا جدك ...
     - المى .." طلعات حاجب و نزلاتو خوه بتهكم .. ههه جدي ..اوووه .. و من اييمتا بالسلاامة ..!!
     - جلال ..." نزل رجلو و خزر فيها" ..عبييير .. ااااه .. نعلي شي كانك و لا ماتعرفيش اش غايطرا ..
     - المى .." طلقات يديها و قربات ليه" .  نتا .. غاتحترم رااسك حيت جالس فداارنااا ..
    - جلال " ناض وقف منرفز " .. راني مقدر الموقف لي راكي فبيه ... داكشي علاش ماغانردش عليك ..ولكن تطولي لسانك كثر منضمنش ليك ..نقسم فمي بالله تا نصورك فشي حيط ..
     -المى ..قربات ليه كثر" .. يالله وريييني .. وريييني كي كيديييرو الرجااال يضربوو العياالااات ورينييي ...   
     - عبد العظيم" ..وااش ماكاتحترمو حد .. واا جلسوو الله يهدييكم .." كيدوي غا بزز" ..جلس اجلال .. اجيي ابنتي ..
مد ليها يديه كيف كيدير لكاع ولاد العائلة باش يلقيو التحية و يبوسوها .. شافت فيه مطلعة حاجبها تا فيات و نزلات عينيها .. مشات لفوتوي حدا عايشة و جلسات تتشوف فعبد العضيم و فملامحو المتعبة ..

      -المى .. خيير .. شنو جاب حضراكم عندنا؟؟
      -عبد العظيم .. كح ... كنضن جلال خبرك بكولشي .. انا جدك .. بات باباك .. صراحة كنت هنااا شحااال هادي ... " شاف فالحيوط دبال دار" ..كولشي كيف ما هو .. تبدل غير الفراس .. استقبلاتني لالة عايشة هادب سينييييز فهاد الصالون .. "كانت غاتهضر و هو يحبسها بيده" .. خليني نهضر.. نهار جيت لهنا .. كاان فباالي نديك معايا .. لكن كي دخلت لهاد الدار .. حسيت بالرااحة .. فاش استقبلاتني لالة عايشة .. ارتاحيت لبها قلت مع راسي الحمد لله .. البنت عاشت هاد المدة مع هاد السيدة الطيبة .. و فاش دوات معابا .. و خبرتها بلي انا جدك و خصك تعيشي معايا ..طاحت على رجلي .. و رغبااتني نخلييك معاها .حيت ولفاتك .. فديك الوقييتة انا عييت نقلب عليك .. فاش لقيتك مكنتش مستعد نخليك .. ولكن فنفس الوقت بقات فيا هاد السيدة .." شير على عايشة لي حانية راسها و دموعها سايلين ..'' .. هاد السيدة كانت دايرات بحال بنتها .. دايرااك بنتها نيت .. مكانش عندي الحق نحيدك منها ..و نديك لعائلة مفككة .. شفت تا عييت .. و لقيت بلي هاد السيدة غاتعيشي معاها فحنان ماغاتعيشيهش مع عائلتك خصوووصا فديك الوقيتة .. مك هربات فاش حطاتك فالملجىء .. و باك خرج من القصر .. لقيتها هي الحل الانسب ..و عرضت علبها فلووس و سكن .. لكن رفضاات .. قالت ليا كلمة مانسيتهاش .. انا و بناتي غانعيشو بالقليل و حامديين عليه الله ..مالقييتش الوجه بااش نحيدك ليها .. و هي احق بييك مني .. ولكن .. خصك تعرفي اني كنت باااغيك و بااغي ندييك لدااري كثر من اي حااجة ..
     - المى .. " طولات فيه الشوفة .. شكون لي ولداتني .. شنو سميتها .. فين ساكنة ... علاش عمرها طلبات تشوفني .. علاش عمرها قلبات عليا!!! و اذا قلبات عليا علاش ماعطيتيهاش عنوااني؟؟؟
      - عبد العضيم.. ماجاتش ..ماسولاتش ... .. او كان جااات سولاتني ندلها .. ولكن .. 
      - المى .. شنو سميتها!!!
     - جلال .. " نطق بحدة " ..كارولينا الفونس .... كارولينا .. هي الام ديالك ..
     - المى .. حسات بموس تغرس فصدرها" ..كيفاش كارولينا الفونس ؟؟ هههه نو ميمكنش .. واش تتفلااا علبا!! كارولينا الفوونس صاحبتي ..
طلع فيها عبد العظيم وجهو متفاجىء و عايشة ماشي اقل منو..
     - المى .. هادشي بزاف عليا .. ههه ..بزاف عليااا .. واش تتفلاو عليا!! واش انا ولبت ضحكة لهاد الدرجة!! .. واش شكييت على شي واحد ..قلت ليييكم بغييو نعرف عائلتي .. لاااا .. ميشرفنيييش اصلا نعرفهم .. كيفاااش كارولييينا الفوونس .. كيفاااش اجلال ..