عاشقة الثراء💸مكتملة💸

💸الجزء 22💸

عاشقة الثراء "
"البارت 22"

-ألمى-

- رجوى .. " كاتركل ليها فيديها" .. طليقيني اماما طلقي هءههءهء طلقييييي .. هءهءهء غايقتلووو ..
- حياة .." عنقاتها" .. الله يا بنتي الله اش درتي فراااسك و فينااا .. " شدات ليها فوحها" .. شكون هووو .. شكوون هذااا لي خصلك معااه خووك .. قووول شكون هو .. اش بينك و بينو..؟
رجوى .." حطات يديها على عينيها" ماتكمليشاي عليااا .. هءههءهء .. خليني اماما عافاك خليليني عليك هيههءهء😭😭طلق مني عافااك ..
- حياة .. مااااهاديييش نطلق منك .. تا تقووولي ليا شكووون هو هذااا شكووون
- رجوى .." مشات جلسات فوق النموسية " .. عبد الجليل .. خدااام معايا و كانبغيه هءهءه .. كانبغيك اماما و جلال غادي يقتلو .. هءهءه ماغاديش يعتقو .. دوي معاااه عافاك هءهءه😭😭
- حياة .." شداتها من دراعاها و زيرات عليها" .. لاش ديرة هاد الحالة كاملة .. هااا؟؟ لاش قولي ليا اش طرت بيناتكم .. اش دااار ليك !! هاااا .. ياكما عطيتيه راسك دويييي لاندبحك و نشرب من دمك
- رجوى .." نطرات منها يديها" .. ماماااا ماماااا واش متيقاااش فياااا .. عبد الجليل معتبرني غير مديرتو ..و كيدير ليا الخاااطر حيت راااجل محترم ... مكيخصرش ليا .. لقيت معاه الاهتمام و هادشي لي خلاااني نبغيه و نتعلق بيه ههءهءههء ..انا هو .. هو موووحال تا وااا كانعجبووو .. انا بغيييتو من رااااسي .. ماشي ذنبو هءهءههء😭😭 ماااشي ذنبو .. اناااا لي بغيتو ..
- حياة .. "تنهدات نوعا ما بارتياح" .. ماقااسكش؟؟ ماقربش ليك ياك؟؟
- رجوى .. من غير سلاااام .. كيسلم عليا غير باليد اماما .. 😭
- حياة .. " جلسات و حطات راسها بين يديها" .. الله يا ربي غادي طرطقة لي مرارتي .. الله يا ربي اينا جيييهة فين غانلقاها .." وقفات و وجهات صبعها لرجوى" .. علياا باليمييين ابنتي ارجوى و ماديري عقلك فراااسك و دخلي جوااااك انا لي غانوقف ليك هاد المرة .. و تنسااااايه تنسااااايه مفهوووم و الا غانطلق عليك خوووك و نتي عااارفة اااش غايدير ليك " شدات لها فذقنها و دوراتو ليها يمين و شمال كاتشوف الكف ديال جلال مصور حمرة فحنكها فحال النقطة تاع الدم " ..فاااش طلي على حنكك غادي تنساااي هذا لي متلفك
- رجوى .." نطرات ليها يديها و مشات وقفات فالبالكون" .. عمري غانساه واخة تقتلوني ..هاد الشهر لي دوزتو فالخدمة .. عمري غانساااه ..عمري غانسى اول نهار شفتو ..
- حياة .. " زعفات عليها" .. مااابقيتيش كاااتحشمي ارجوى .. فين مشااات ديك البنت الحشوووومية لي كاااع العائلة كاتبغيييها غير على ديك الحشمة فيييين .. غاتنسااايه ابنت كرشي غاااتنساايه و تكملي حيااااتك كأنه لم يكن ... كاتفهميييي ..
- رجوى .." ضحكات بمرارة " عمري غانسى اني خذيت ليه البووووسط لي كان هو غاياااخدو و كان محتاااجو انا بكل أنانية بقيييت شاااداه واااخة مامحتااجاهش ماشية غير ندوز الوقت ..وكان بامكاني نمشي و نخليه ليه ولكن .. غير باش نبقى نشوفو يومياااا .. عمري غانسى طيبة قلبو .. عمري غانسى انو كان كيخاف عليا فالليل و كيبغي يوصلني ..عمري غانسى طيبة قلبو عمري غانسى هادشي .. واخة دفنوني حية اماما .. جليل غايبقى ديما هنا. ." ضربات على صدرها" .. ديمااااا
-حياة .." حسات بقلبها ضبها على بنتها و دموع تحبسو فعينيها" .. نتي عارفة مزياااان بلي هادشي مستحيل .. مستحيييل ارجوى تزوجي بشي واحد خارج العائلة ..
- رجوى .. عييييت .. عيييت اماما و انا كانتسنى النهار لي يجي و يقول ليا جدي يقول ليا اجي غاتزوجي واحد من ولاد عمامك .. شكون غايزوجني .. داك المدمنو.. ولا شكون فولاد عمامي لي على براااا .. شكون غايزوجني حتى واحد فيهم ما لايق لياااا اماما هءهءه قهراوني بعاد القوانين ديالكم عيييت .. عيييييت .." طاحت على وقفتها و ضمات رجليها" .. بغيييت معيش حياتي مع لي انا بغيتو حرااام عليكم حرااام .. ههءهءهءهءه😭😭😭😭
- حياة .."جحلسات على ركابيها و عنقاتها" .. تا حد فينا ماختاار ارجوى ستا حد هادشي فوق مني و منك ابنتي .. نوضي ترتاحي .. خوك ميمكنش يقتلو غير تهنا .. دويت معاه غير رتاحي عافااا بنتي ماديريش فراسك هكذا .. نوضي الله يرضي عليك .. نوضي ..
خذات بيديها حتال فراشها .. تكاتها و غطاتها مزيان بقات معاها شوية و ناضت مشات لبيتها بقلبها واجعها على بنتها اما رجوى حاطة التيليفون قدام عينيها وكل شوية كاتصوني عليه .. لكن لا مجييب .. فقط العلبة الصوتية هي لي تتجاوبها .." مخاطبكم مشغول او خارج التغطية
صباح جدييييد .. و مشمس كيف العادة فصيف مراااكش ..فاقت المى ناشطة على غير العادة .. فتحات البالكون و طلعات الريدوات .. عاد مشات قضات حاجتها و دوشات دوش خفيف .. مشطات شعرها بمشطة رقيقة و دارت لو لاموس قبل ما ينشف .. مشات لبسات دوبياس فالأخضر هزات كاش مايو فالابيض خفيف لبساتو من الفوق على شكل بدعية فيه الهدوب من التحت واصل حد الركبة .. و لبسات صندالة بلا بيضااا نايك .. مدارت لا مكياج لا والو رجات بارفانها و دات شابو على راسها و خرجات .. مشات ديريكت للريسطو طلبات فطورها ديال الريجيم فطرات عاد مشات للبيسين هازة كاس ديال الصودا .. حيدات الكاش و بقات غير بالمايو .. لي داز من حداها كيحنزز فداك الخير لي هازة وراها كان طرف مطرف نيييت و نصو عريان . و صدرها كذلك نصو بين .. حيطات الشابو و تبلونجات كاتعومي فينما تشوف فشي حد يبتم ليها تا تعجبات لراسها .. كملات عومانها ما على بالهاش بيهم و طلعات لبلاصتها خذات رولاكس كاتمشي و تجي بيه و تشرب فالصودا ديالها ... دارت نضارتها و ترخاات على الكرسي تاحسات بيه تقال و شي حد جلس حداها ..حيدات النضاضر و دورات راسها بان ليها جلال متكي حداها و مكيشوفش فيها كان حاط يد تحت راسو و يد الفوق على الشمس و مغمض عينيه .. بقات تتشوف فيه مدة ..لأول مرة تتحقق فملمحو مزيااان ..كان باااين عليه التعب و قلة النوم ..
- المى .." ضارت عندو بالجنب" .. مالك؟؟
- جلال .." بلا ميتحرك ماشافش فيها " .. اش هادشي لابسة ..؟؟
- المى .." طلعات فيه حاجبها" .. مايو!!
- جلال .. "ضار عندها بالعرض البطيء مكمش عويناتو على الشمس" .. و ماحشمتيش بهادشي تصحبي راسك فميريكان؟؟
- المى .." قلبات فيه عينيعا" ..يبوووه بقى لك غا لباسي تا هو؟؟ من نيتك باغي تحكم فياا؟؟
- جلال .." قرب ليها و شاف فعينيها مباشرة" .. شوفي فعيني مزياااان .. اش كيبااان ليك فيهم ؟؟
- المى .." بغات تبعد و هو يشدها من لي هونش ديالها و زير عليها" .. بعد عليا يدك ..
-جلال ..من لندن للمغرب لي بقى منها دوزتو صايگ من كازا لهنا .. ليلة مكفسة ماناعس فيها حتى ساعة .. تلاحي لبيتك تبدلي عليا هاد الزبل و مانعاودش نشووفك لابسااه يالله غبري ..
- المى .." خزرات فيه" .. و الى مابغيييتش نووض ..
- جلال .."ابتسم بعصبية" .. غير غاتنوضي تمشي على رجليك و لا غاتمشي مشوهة ..؟؟ يالله
-المى "جرات يديه نطراتها" .. اووووف. .ناضت هزات تيليفونها و الكاش و تمات غادية و هو يوقفها .." ..شنووو عاوتاااني شنو هاني غادية .. اصلا الجو تعكر ..
- جلال .." غير ناضت بانت ليه مسعودة و هو يحوال و فنفس الوقت الد فار فجسمو و هي كاتعرض لحمها على من والا .." لبسي هاد الزمر .. يالله ..
- المى .." لبساتو و كاتنفخ و تسوووط" لالا نتا ودتي فيه بزااااف اويلي ..
- جلال .." رجع للور كيشوف فمؤخرتها" .. هادشي مامغطي والو .. " نصل التيشرت ديالو و مدو ليها" .. لبسييه ..
- المى .. " رجعات للور و خزرات فيه و الله لا لبيتووو شووف فيه عرقك .. يعق ..
-جلال .." جرها من دراها حتى لسقات عليه " كراميلا .. غاتلبسيه هي غاتلبسيه .. شنو بغيتي الخاطر ولا بالسيف؟
- المى ...اوووووف وا طلق مني نتااا راه غاندعيك و الله تا عيقتي. .
- جلال .. ياكما نوصلك للكوميسارية .." جرها من خصرها و طلق من درعها" .. اممم .. لبسي لحبيبة .. لبسي بلا ماتخليني نزعف كثر راني ماحاملش مخي ..
- المى .." شافت فعينيه لي كانو مصغرييين .. و لحيتو لي باينة عليها مامشطهاش ماقربلهاش حيت كانت مشعتة و مع ذلك جاتو زوينة .. و نيفو الطويل .. ولكن فيساع خزرات فيه " طلق مني طلق .. غانلبسوو ..
-جلال .." نزل راسو لعضمة ديال فكها و طبع عليها بوسة طويييلة عاد طلق منها" .. يالله لبسي ..
شوكاها بقات كاتشوف فيه حتى صفق بصباعو قدام عينيها عاد حيدات الكاش .. بانت ليه ااخالة لي فسرتها بقى كيشووف فيها و ابتسم تلقائيا ..اما هي عاطياها لتخنزير ..لبسات التيشرت لي كان تقريبا قريب لركبتها .. المهم مغطي لها نيت .. و بالعكس مكانتش فيه ريحة العرق كانت فيه غا ريحتو حيت كان عاد مبدلو ..
- المى .." حطات يديها على خصرها و خزرات فيه" . صافي تهنيتي دابا هاني لبستوو ..😡😡
- جلال .." ضحك بالجنب .. عجبو الحال حيت كان محلف فيها ينزل مناخرها للأرض ..جرها من يديها لاحها على الرولاكس و تلاح حداها بقى شا ليها فيديها " .. اش دارت كراميلا فغيابي ..؟
- جلال .." ضحك بالجنب .. عجبو الحال حيت كان محلف فيها ينزل مناخرها للأرض ..جرها من يديها لاحها على الرولاكس و تلاح حداها بقى شا ليها فيديها " .. اش دارت كراميلا فغيابي ..؟؟
- المى .." طلعات فيه حاجبها", كراميلا؟؟؟
- جلال .. اممهه .."طلع يديها كيشوف فيها " .. كراميلا حيت لونك كي الكراميل. .
- المى .. "كاتجر يديها" هداك غير البرونزاج و الشموووسات ديال وارزازات .. بعد عليا يديك بغيت نوض الله يرم باك حياااد يديك ..
-جلال ..." كيشوف فيها كاتغدد و هو مستمتع " .. بركي اللرض ..تكوني .." خرج فيها عينيه" .. ماقلتيش ليا اش درتي فغيابي!!
- المى .. " ضحكات بعصبية و هزرات فيه" .. ههههه عار ربي قول ليا غير شكون نتا ... عرفني على راسك واا شكووون نتااا لي نعطيك تقرير على حياااتي .. غيابك و حضورك كيف كيف بالنسبة ليا غير هني بالك ..
- جلال .."ضربها لفمخا بضهر يدو" ..كنقول لملتك ديييما داك الدرگوووم عندك يكوي معايا بشوية ولا نقطع ابووك داك اللسان ..
- المى .." ماحملاتش راسها فديك اللحظة .. " عرفتي لو كان عندي الفلووس كاملين بااش نخلصك الشرط الجزااائي .. و الله لا زدت معاك هنا الضربة فداك الفيلم .. نتا مريييض نفسي .. سير تعالج!!
- جلال .. ااه مرييض و ماباغيش نتعالج و ملي نتي ماتكسابيش الفلوس باش تخلصيني تكوني و زمي دلقوشك و لي قلتها انا هي تنفذ .. اوكي حبيبة ..!!
المى .. "دورات راسها عليه و بلعات الغصة لي فحلقها .. ماحملاتوش يدوي معاها بهاد الطريقة و نعلات النهااار لي شافت فيه داك مروان لي وصلها ليهم .. اكثر حاجة ممكن تقهرها هي شي حد يقول لها ماعندكش ..هاد الكلمة ديال ماعندكش معقداها سواء فالواليدين ولا فالفلوس .. و هو قالها لها هاد المرة ماشي خطرة ماشي زوج .. كيقول و يعاود فيها .. باغي يهرس كبريائها ولكن ماشي المى لي تهرس ..بقات فبلاصتها و محولاتش حتى تحيد يديها من يديه .. بقات جامدة و عينيها فيهم نظرة بااااردة .. تا هو ماعجبوش الحال عارفها تقلقات ولكن مابغاتش تبين .. داكشي علاش فضلات السكوووت ..
- جلال.." طلع يديها لفمو طبع عليها بوسة" مال كراميلا سكتات ..
- المى ..نتا قلتي ليا سكتي و كوني !! حيت انا ماعنديش ..ماشي بحالك نتا عندك..😊
- جلال .." خزر فيها " ..اهااه .. نوضي نوضي لا بقيتي هنا غاندير فيك يدي باينة ليا العقل هبط ليك للترمة .. ..
- المى .." ناضت خزرات فيه" لهلا يحيك 😡
خزرات فيه و زادت و خلاتو تيشوف فيها من اللور و عاض على شفتو جابت ليه الضحك ..
-جلال .. انجل باقة كيما هي .. ههههه ..
جبد السيگار ديالو و شعل و بدى كيكمي .. تفكر رجوى .. من ديما كان هو الحنين فيها .. خوها و باها و خصوصا انها كانت تتفكرو فعبير .. واخة شخصيتها و تصرفاتها و حتى جمالها بعيييد على عبير اكل البعد و لكن كانت قدها فالسن .. "حط راسو على الرولاكس و رجع بالذاكرة لور ..
#فلاش_باك ..
كان كيلعب مع عبير كيف العادة .. حاطها فوق ركابيه و كيزعلل فيها .. و عادي هي اكثر حاجة كانت تتموت عليها لدرجة كانت تتنعس فوق رجليه كي تعيا .. دخلات عليه الموظفة لي فالدار و نطقات بأكثر جملة كرهها فحياتو فديك اللحضة" ..
- جلال جبت ليك خبار غاتفرحك ..واليديك اخيرا جاو .. عياااو مساكن يقلبو عليك ..اج معايا هاهوما تيتسناوك غاتكون توحشتيهم كيف ما توحشوووك .. يالاه باباك تيتسناك ..
فديك اللحظة جاتو ديك الموظفة كدوي بزاااف و ماحملهاش .. مع انها كانت عزيزة عليه .. و تا هو كان عزيز عليا ..كانت باينة الفرحة فعينيها حيت واحد من اولاد الدار لقاوه واليديه .. كانو كيقطعو لبها فقلبها كي كاتشوفهم هكذا فحال المقطوعين من شجرة ..ولكن هو غديك اللحضة ماحسش لا بفرحتها ليه .. ولا بحتى احساس غير انو مكرهش يضربها لوجهها باس تسكت ..ماقدرش يسمع حتى ديك كلمة " اخيرا غاترجع لداركم" مع انو قبل اربع سنين كان كيتمنى كل نهار يسمعها ..!!
#يتبع ..
(شفتكم بحال لا كرهتو ليا ولدي جويليل هااااهياااناري السيد عاد ناوي يبرعكم )