عاشقة الثراء💸مكتملة💸

💸الجزء 113💸

عاشقة الثراء
"ليالي نسيم "
البارت 113
-ملِك قلبي-

ثلاث دقائق بالحساااب لي مدات الطبيبة في طريقها لمكتب المدييير هرس فيهم جلال الكرسي لي كان قدااامو .. دازووو عليه فحال عااام احتمااال انها يكون عندها مرض خايب راسو ماباااغيش يتقبلووو لأنووو ماااشي تا قاال فرجت و غاتكعبل من جديد ..
دخلاات عليهم شاافت ديك المنضر الكرسي مهرس المى مريحة فكرسي اخر و تتحرك فرجايها .. جلال غادي جاي فالغرفة و الطبيب مكمش مقادرش يقوولو والو ..

- الطبيبة.. دكتور طلبتيني!!!
- جلال ..." قبل يجاوبها الطبيب خزر فيها جلال و وجه ليها كلامو" ..ساعتاين باااش تجي !!! كشفي عليييها .. سربينييي..
- الطبيبة .. " شافت فالدكتور غمزها تسكت" .. واخة تفضلو معايا ..
سبقاتهم و توجهو للغرفة ديالها لي غاتكشف عليها فيها .. جلسات فالبيرو ديالها و شافت فألمى ..
- الطبيية .. شنو عندك امدام؟!
- المى ..الصباح ضرباتني وحدة فصدري .. و بقات الدقة زرقة بزاف .. و ..
- جلال ..واقف حداها .." قلبتها ليها و لقيتها عندها زوج ولسيسات ..
- المى .." شدات لو فدو بااش يتهدن لأنو كان من هضرتو باااين مرععععد. ." ..معرفتش منااش هادشي واش الدقة لي كليت فصدري و لا شنو!!
- الطبيبة ..." شيرات ليها على السرير .. " .. تفضلي معايا باش نعرفو منين حاو ..
جات الممرضة صاوبات ليها فين تريح تبعها جلاال تا هو حالف مايخليها بوحدها .. طلبات منها ااطبيبة تحيد الفوقي ديال السورفيت عاونها تاوحيداتو بقاات غا تتشوف فيهم و نوما فحاال لا كيهضروو بعينيهم ...وكيد ليها الفوقي و جات الممرضة عاوناتها تكى على ضهرها و دارت ليها مخدة صغيرة تحت راسها ..ابتسمات ليها و رجعات للور .. قربات ليها الطبيبة و جلال بقى مسند على الحيط مكروازي رجليه كيف حواجبو و مربع يديه بقى ليه شوية و يتفرگع بالعصااب و هو كيشووف فالطبيبة كاتقلب ليها فبزولتها .. و تعزها و تحطها و دوز للثانية و تديير لها نفس العملية بالضبط و تتجرها من الراس .. و هو متبع داكشي و كيشووف مرة مرة فالملامح ديالها ..
- الطبيبة .. " شافت فألمى فاش تنقيسهم تتحسي بيهم تيضروك؟؟
-المى .. لا .. مكيضرونيش .. من غير هاد الضربة هي لي تتوجعني ..
- الطبيبة .. بالنسبة للضربة فا ماشي هي لي سببات ليك هاد الأورام .. كيف قلتي لي الضربة كانت غير اليوم .. و الاورام ميمكنش يتشكلو بهاد السرعة ..
- المى .." باستفهام" .. ولكن منين جاوني!!

- الطبيبة .. هادشي غانعرفوه .. بالحق ماشي دابا ..هزي كتفك .."حطات ليها مخدة تحت كتفها و بدات تتقلب ليها تحت باطها .. و نفس العملية دارتها مع الباط الثاني .." .. امم .. واخة ..خصنا ندوزو الايكوگغافي ..
- المى .." تخلعاات" .. علاش واش شي حاجة گغاف !!
-الطبيبة .. داكشي علاش بغينا نديرو الايكوگغافي و انشاء الله ماغايكون والو .. كي تخرجوهم رجعوهم ليا انا مزالة هنا .. تفضلو معاها غاتوريكم فاين .. .."شافت فالممرضة" .. ديها لفين تدير الايكوگغافي ..
لبساات حوايجها و نزلات .. جا جلال تقابل معاها و حيد لها شعرها على وجهها .. كانت باااينة تخلعات .. فالأول ماخذاتش الموضع بجدية و حساسية ولكن فاش قلباتلها الطبيبة الايكوگرافي عرفات غاتكون شي حاجة گغاف .. داكشي علاش في سااع تقلبلها الزواااج و ولات ديك القوة ديالها فحال عمرها ولا كانت ..حسات بقلبها كيرججججف بشدة .. تا هو حس بيها و عنقها زير علبها و بااسها من جبهتها ..