عاشقة الثراء💸مكتملة💸

💸الجزء 67💸

عاشقة الثراء
"البارت 67"
...ليالي نسيم...
                   -أهرب منك إليك-

      - زهيرة .." حطات يدها على راسها".. من خوووفي علييك هضرتي اجليل. . ولكن كيباان لي نتا خذييتي قلارك ..هضرتي غا زايدة ناقصة ماهاديرش بيها ..
    - عبد جليل... اللهم طولك يا روح .. شوفي ازهيرة .. ديك البنت .. بغاتني ..و بغاتني من قلبها .. و انا السبب يمكن الطريقة لي كنت تنتعامل بيها معاها كانت ماكاااتشبهش علاقتها مع كاع الناااس لي عرفاتهم .. و يمكن بدون قصد مني خليتها تولي تشووف فيا راجلها .. بالحق انا ماشي ولد الحراام نخلي بنت معلقة فيا و نزيد ..
      - زهيرة .." ضحكات على سخافة كلامو" .. واش سااامع رااسك اش تتقول!! .. ههههههههههه من نيتك .. زعمااا نتااا ماكاتبغيييهاش .. ربي لاما شوووف فعيني و قوول ماتاتبغيييهاش .. شوووف فيا اجليل .. "شافت في عينيه" .. ديك الهضرة سير كولها .. حيت عنييييك ماااش يديال واحد تيحس بالذنب ولا ضميرو انبو على انووو خلا وحده تبغيييه .. عينييك كيقوولو العكس اجليل .. نتا لي تتبغيييعا .. انا غانثول ليك علاااش .. حيييت لقيييتي فيها عكس كاااع موااصاافااات الحب دحياااتك .. لالة المىىرررر. ... لقيتييي فيها ديك البنية البريييئة .. الزويونة لي تتحشم .. لقيتي فيها وحدة تقووول ليك مكيهمنيييش الفلوووس ماذي وحدة تستهزأ بمكانتك .. ولكن اجلل .. هاااداا ماشي سببب .. تصور لو مكانتش هي تتبغيك و كنتي مجرد تجربة بالنسة ليها .. تصور لو كنتي نتا غير داك الشااااب لي جاي من وسط متوسط .. الشاب الشهم لي ضحى على ودها .. و غامر .. تصور هلد الاعجااب يمشي مع الوقت .. تصور العلااااقة تنهار بعد نتا ماتبغييها انا خااايفة علييك نتااا حيت نتااا هو خوووياااا ..
     - لطيفة .. سمع من ختك اولدي ..
      - عبد الجليل .. "بقى تيشووف فيهم مدة.."انا استخرت الله عز وجل .. و انشاااء الله ربي ماغايخييبنيش .. هادشي لي قالت زهيرة ممكن يكون و ممكن ميكونش و الاياام هي لي غاتورييينا وااخة انا واثق من رجوى و عارفها ااش تتسوا .. انا بغيتكم تااخدووو بيدي ماااشي تعرسوووني .. بغيتكم توقفو معاايا حيت نتو ما لي عندي مااابغييتها تحس بلي نتوما ماباغيينها .. رجوى غاتخلي دارهم على ودي يا ريت فاااش تجي تلقى فيكم عائلتها ..
      - لطيفة ..الله يا ربي .. اش غانقووول ليك اولدي اااش غانقوول ...
      - عبد الجليل .." ناض و جلس تحت رجليها حطهم على ركابيه" .. بغيتك دعي معايا الواليدة .. نتي لي عندي وقفي معايا و دعي مع ولدك .. بغيتك تحطي مرتي الى كتب الله فمقام بناتك كيف كنتي تاتعامليها من قبل .. هادشي لي بغيت منك امي .. نتي راك واالدة رااجل مااشي شمااتة لي يدووز و نخلي بنت وهمها بالحب.. انا كبراتني مراا و رباااتني مرااا و خوووتي بنااات شووكه مانبغييهاش تقييسهم .. و حتى بنااات الناااس الوالييدة مانبغييش ليهم الضرر ..
      - لطيفة .." ابتسمات ليه بحب و حنان .." .. الله يرضي عليك .. صدقتي عااقل كثر من مك .. ولكن نطلب ربي كلام ختك مايطلعش صحيح. .نطلب ربي يهديها ليك و يبقى هاديك عليها .. الله يجمعكم و نتمنى تجمعها بواليديها ..
       - عبد الجليل .." طلع فيها عينيه" ..رضااي علياا امي ..
      - لطيفة .." مدات يديها تتحسس وجهو" .. الله يرضي عليك اكبيييدتي .. الله يرضي عليكم كااملين ..
    عنقها يستمد منها قوتو كيف العادة و باااس ليها راااسها .. عاد حس بالراحة كي قدر يقنع الام ديالو حيت مكانش غايقدر يقدم رجل ولا يوخر رجل اذااا كانت مو مراضياااش .. حس بيد زهيرة على كتفو و طلع راسو فيها ..
     - زهيرة .. ملي ماما قبلات ليك ماعندي مانقول غير ياا ربي احساسي لي خااايفة منو مايكووونش صح .. و تطلع البنت تتستاهلك بصح حيت لا دارت شي حتجة لخووويا الوحييدي و مانضمنش رااسي شنو ممكن ندير فيها. .
     - عبد الجليل .." شد يديها باسها" .. الله يخليكم ليااا ...
هاد  الليلة رتاااح عبد الجليل موافقة عائلتو مهمة بالنسبة ليه حيت هوما لي غايعوضو ديك الحنان ديال العائلة لرجوى .. و داكشي علاش ديك الساعة اتصل بيها و فرحها و اكيد ماقداتها فرحة حيت بالنسبة ليها من نهار دخلات لدارهم و هي تتحس بداك الدفئ العائلي لي عمرها حساتو وسط عائلتها .. ..و وااااحد الكووبل من العشاااق لي سهرو الليلي و فكرو تا حفاااليهم الدماااغ الليلة نعس مرتااااح على عكس البااقييين لي كل واحد و هموووو ..
صبح صبااح يوم جديد .. يوم كيحمل فطيااتو الكثييير و الكثييير من الأحذاااث لي غاتغيييير حياة البعض ...فتحات المى عينيها و بقات على وضعيتها ماتحركاتش .. بقات متكية و فاتحة عينيها ع.. تفكرااات كاااع احذاات الباارح و لي من اهمها اتصااال مرتضى .. تنهدات و ناضت  تتجر رجليها للحمام .. ضرباتها بتدويشة خفيفة و حكات سنيناتها .. خرجات نشفات شعرها و ضرباتو بالسوشوار ..لبساات سروال ابيض لاسق عليها و شوميزة  قصييرة مبينة البوط ديالها  مسطرة بالأزرق و الأبيض و معرية من الدرعين .. لبسات بالغينه فالأحمر .. حلات شعرها على راحتو و دارت ميك اب خفيف يغير ليها الموود ..
رشات بااارفاانها و نزلات ديييريكت للكوزينا .. لقات الخدامات تيصاوبو ليها الفطور .. عطاتها القهوة ديالها و دات لها الفطور للجردة كيف آمراااتها. .. حاولتت تسووس كاع دوك الافكاار من راااسها .. شافت في تيليفونها مالقاات حتى اتصاال من جلال و هي تحطو حتى فطرات و سمعاتو تيصوووني .. هزاتو مبتسمة بلهفة تشوووف واش جلال ساااعة صدق ديال اكثر شخص ولاااات تتكرهووو فحيااتها ...
     - المى .." ناضت من بلاصتها و بعدات على الفيلا .. شافت فالباب ياك ما جايية شي وحدة من الخدامات" .. اااش بغيتي صبحنا على الله
     -مرتضى .."عاض على لسانو " .. هههه صباااح الخيير الاميرة النائمة ..
      - المى .. اقسم بعضااامة جلال الله امرتضى و جلال يعرف شي حااااجة ولا يوصلوووه دوووك التسجيييلاااات تااا ..
      -مرتضى .."قاطعها" .. تااا اااش اااش عندك ما ديري تقووولي ليه انا لي كنت مسرحك .. ههههههههههه كوني هانية انا ناااخد شرف هاد المهمة .. ههههه عند بالك جلال غايخلعني ... هذااك صوااريه حاافضهم انا. ...دابا غاتنوضي تگعدي تجي عندي ...
     - المى .." حاضية الباب و حااطه يدها على جبهتهااا" ..  ااااخ .. اااااخ .. شنوو بغيييتي عندييي باااغييي دمر لياااا حياااتي حرااام علييييك امرتضى ..
      - مرتضى ..بفف .. شوفي نقول ليك .. غاتركبي طنوبيلتك .. و تمشي لصاالون (*****) غاتدخلي غاتلقااي والبنت لي فالاستقبال غاتعطيك صاك فيه خمار .. غاتلبسيه و تخرجي من الصالون .. غاتلقاي ميرسيديس كحلة زاج فيمي غاتركبي فيها هوما غايوصلوك لعندي .. دابا خرجي من الدار .. قطع عليها كيف العادة و خلاها تدور فعينيها .. اول حاجة دارتها مشات هزات صاكها و صيفطات ميساج لجلال قالت لو فيه بلي غاتمشي للصالون .. و اتجهات للاوطو ديالها ركباتها و زادت للصالون .. وقفاتها و دار تتشوف بانت ليها الاوطو ديال لي كارد تاع جلال لي كيكونو فباب الفيلا تبعوها  .. دخلتت للصالون كيف قال لها خذات من عند البنت لي فالاستقبال الصاكوش و دخلاتها فين تلبسو .. لبساتو هزات صاكها و خرجات دورت عينيها بانو ليها لي كارد حدا الاوطو ديالها .. و تلفتات للجهة لي قال لبها عليها مرتضى لقات الاوطو و مشات ركبات فيها .. كان فيها غير الشيفور و هي جلسات لور .. ماتكلمات ما تحركات حتى وصلها للمكان المقصوود .. و لي كان اوطيل .. فتح ليها الباب و سد الووطو شير ليها باش تتبعو .. و داها عند مرتضى لي كان فجهة خاوية من الريشطو ديال الفندق .. جالس هو و سمير الاخ ديالو .. شير ليها مبتسم و رجع السائق للوطو .. اما هي مطرات داك الخمار حيداتو و مشات لعنهم لاحت صاكها و الخمار فوق الطابلة و حطات عليها يديها و شافت فيه بعيووون غاضبة ..
     - المى ..اااااش بغيييتي عنديي اااااش .. قهرتييييني بزاااف عليااا هادشي امرتضى. . بزااف ..
     - مرتضى .." حاط يدو على لحيتو و تيشوف فيها مبتسم" .. جلسي ازوينه جلسي ..
     - سمير .. الماااا .. كااالمااا .... رااتحناا خوووت و يد وحدة ..
      - المى .. انااا بالله و بشرع معاااكم تا نكووون ختكم واااعطوووني شبر تيييقااار فلوووسكم هااانىدهم لكم غااا فرقووني هالعاار ..
      - مرتضى .." غمز خوه" .. الأخت ذاقت فلوس الهيلالي .. جاوها بنان على ديالنا ههههههههههه ...
      - سمير .." خزر فألمى بعبث" .. بصاااح المى .. عييب عليييك عييب ..
       - المى .. جلسات و حطات يدها على راسها و طلعات فيهم عينيها" .. انا عيييت هادشي فوووق استطااعتي ..مابقيتش قاادة نتحمل .
       - المى .. جلسات و حطات يدها على راسها و طلعات فيهم عينيها" .. انا عيييت هادشي فوووق استطااعتي ..مابقيتش قاادة نتحمل ...
      - مرتضى .." ربع يديه" .. واخة .. انا غانعطيك وعد .. اذا نفذتي هادشي لي تنقوول ليك غاتكون هاد ااااخر مرة نطلبو منك شي حاجة ..
      - المى .. طلعات فيه راسها" .. شنوو بغبتي .. شنووو .. فكني .. فكني ..
     -مرتضى ...." ابتسم و قرب يديه للطبلة ربعهم فوق منها" .. هكذا كنبغيك ..كاتسمعي الهضرة ..
     - المى .. " مزيرة على سنانها بغضب" ..قووو ل لياا اش خصك عاااوتاااني ..
     -  مرتضى .." صغر فيها عينيه ..بغيناا نخطفو.. توليب .. ديك البنت الصغيرة .. و نتي غاتعاونينا ..
     - المى .. " بصدمة" كيفاش!! من نيتك كدوي ..
      - مرتضى ..ههه مالك تصدمتي .. كيف ما سهلتي علينا ندخلو للمكتب ديالو المرة الاولى و شفرتي الفيشة المرة الثاانية اكيييد ماغاتكوونش صعيبة عليك هادي .. نتي غير لاهي لينا جلال و لا صيفطيه لشي قنت حنا غانتكلفو .. المرات لي قبل مانجحنااش ...مي .. هاد المرة اكيد غانجحو ..
     - المى .. " تتحرك راسها بهستيرية و تدوي بالزربة "" .. لاااا انتا أكييييييد حماقيتي .. من نيتك باغيني نخليكم تخطفو توليب .. اولا خصك تعرف ان توليب عزيزة عليا لواحد الدرجة ماتصورها .. منقدرش نشوفها كاتأذى نهائيا و نسكت عساااك انا نآديها ..
     - مرتضى .." عض على شفتو" ..هههههه عزيزة عليك .. امممم ..ههههه ولكن اكييد ماغاتكونش عزيزة عليك كثر من البيينگاا .. هههه
     -المى .. " هزات صاكها" .. نتا اكييد حماقيتي .. انا كان اتفاقي معاك من الاول هو نجيب ليك اخبااار جلال فقط ..و شووف دابا شنو كطلب مني واش من نيتك .. مستحيييل ..اكيد حماقيتي .. جلال الى دگاتها ابرة ممكن يقتلني و يقتلك و يقتل عليها اي واحد .. واش عارف راسك اش كتقووول ..توووليب هادي تووليب ..
      - مرتضى ..وهذااا هو المطلوووب شي حد كيخااف عليييه جلال فحاال عينيه .. و مانانلقااوش حسن من تووليب ..
      - المى ..'' وقفات بغات تلبس الخمار" .. مستحيييل اكييييد كاتفلااا نتاااا ماشي طبيييعي هههه زوييينه هااادي ماقدووو فيل زاادو فيلة .. كنا فالتجسس ولينا غالجرائم ..
     - مرتضى .. " ضرب الطبلة بيديه" .. حتى داااابا انا ماقلتش نتي غاتخطفيها .. قلت غاتسهلي لينا و حنا غانتكلفو .. يعني غاتعطينا غير اخبار ايمتا جلال مكيكونش معاها .. هذا ما كان ..
      - المى .. " حسااات برااسها كيدووور و جلسااات ... كتحرك راسها بنفي" .. لالالا مستحيييل .. مانديرهااااش لالا هي لاا ... توولييييب اعباااد الله انااا نآديييها مستحيييل ..
     - مرتضى .. " حط يدو على فكو كيحكو" .. واش دابا نتي كاترفضي طلبي!! ولا غير فهمت غلط ...!!ولا كيفاش !!
     - المى .." شافت فيه بنضرة قاسية قوية" .. اااه كانرفض طلبك حيت مكانش هذا اتفاقنا من الاول البنت الصغيرة ماعندها حتى ذنب فلي بينك و بين جلال كيف ما بغا يكووون  .. عرفتي شنو .. حتى جلال ولا كيبقى فيا .. حيت كنخرج اسرارو .. حيت بصح كنحس بيه كيتيق فيا!! و انا كنخذلو و كنخوووون تقتووو فيااا وليييت تنحسسسس بالذنب ..  .. و هادشي عيب بزااف كل نهار كنفكر فهادشي .. عيني مابقاااش النعاس كيزورهم .. مكيستحقش مني فحال هادشي
     - مرتضى .." تنهد و شاف فيها بعيووون فيهم براءة مصطنعة.." .. اوووه حساسة مسكينة .." دور وجهو لسمير" .. ياك قلت لك قلبها حنين اووه .." ضرب الطبلة بالجهد و شاف فيها بنظرة كلها غضب حتى قفزات و رجعات لور " .. تووليب كاتعرفيها  شكون هي!! اش كاتجيه!! عمرك سولتيه .. علاش ديما معاه و عزيزة عليه؟ عمرررك سوللللتيييه علاااش هيييي بمتااابة عييينيييه ..؟ عمرك سولتيييه شكووون هي علاش ماسولتيهش!! هااا .. خايفة تسمعي شي حاجة ماعاجباكش ..!!
    - المى ..شكووون بغات تجيه .. انا اصلا عارفاها بنت اختو و لا خووه هادي حاااجة بااينه و واضحة..مانحتاجش نسولوو ..
     - مرتضى ... "تكرشخ بالضحك تا هزز الحيوووط بصوتو .." ههههههههههه بنت ختو ولا خوه .. ههههههههه "شاف فسمير" .. مسكيينه فدار غفلون هههه .. ههههه
.     - سمير .." تكرشخ تا هو بالضحك" ..كاتبقى فيا هاد السيدة هههه..
     - مرتضى .."قرب ليها" .. و بنتووو.. ههه ..بنت بزبو و قلاويه ..(اووبس) ههههههههههه ..
    - المى .." طلعات فيه حاجبها" ..ااش هاد الهضرة الخامجة ..
      - مرتضى ..خليك من الهضرة الخااسرة و سمعيييني .. بنتوو .. توليب بنتو .. و هو مزوج بنت عمو .. و سميتها ساندي ...سااندي ..
    -  المى .." خزرات فيه" .. واااش هااادي هي لعبتك الجديدة .. شووف .. لي بيني و بين جلال ماسووقكش فييه خلييك بعييدي عليييه .. كتفهم ..ماتحاااولش تخرج منو العيييب. .😠😠
     - مرتضى .." شاف فيها ببرود" .. لي بينك و بينو مكيهمنيش .. مافايقش ليكم من النعاااس ..ولكن بصصصصح .. بصح هو مزوووج ..و توليب بنتو .. هادشي نااس ماعارفينوش .. داكشي علاش ماعارفاهش تا نتي ..
     - المى .." عينيها خرجووو فلحظة" .. ميمكنش ..
كيفاش ممكن لعبارة بحال هادي تكون صفعة أشد ألم من صفعة طائشة على الوجه ..حسات براسها انفصلات علن العالم في لحظة ...و عينيها الواااسعيين و الجااامدين بنظرتهم المخييفة لي ماتهزووش و لا تحركووو.. فقط تتشوف و تتمعن فلي خرج من فمو...
كلام حسات بيه ذبحها من الأعمااق ..فتحات شفايفها لي كانو كيرتعشوو على بعضهم كاتحاول تنطق .. تخرج من فمها شي كلمة واخة غير اااسمو .. لكن كل محاولاتها بائت بالفشل. .ماقدراتش و كأن الكلمات احتجزت في حلقها ..لكن فالأخير طلعات جملة وحدة من فمها كالفحيح الملتهب .. «مزوج بنت عمو و والد معاها!!»...
       - سمير .." ابتسم بالجنب .. ههههههههههه تصدمتي يا مزة .. ههه تكونيش طحتي فيه .. ههههه
      - مرتضى .. ههه شكون بحالو .. عندو مرتو مخبيها ... و عندو عشيقتو لي كيتمناهاا اي واحد  .. ههههو كاتموت عليه ..باااينه من عويناتها .. ههه
كلامهم نزل عليها فحال السم .. هزات راسها كاتحاول تتماسك بلا ماتزيد تعصب اي هضرة كينطقوو بيها كتزيييد تذبحهااا كثر و كثر حتى حساات بالمرار ففمها .. و مذااق الصداا ....هزات صاكها و دارت نضاضرها فيعينيها .. هزات الخمار فيديها و تنفسات بالجهد .. زادت خلفة مع الطريق .. و سمعات مرتضى كيدوي موراها ..
     - مرتضى ..فكري مزيان هههه تا حد ماغاينفعك غيير فلووسي.. اما الهيلالي مادايمش لبك .. غايشبع منك و يرميييك رااه مواالف بالممثلاات ..هههه ..
ماتلفتاتش ليه .. وقفات لثولني و زادت مع الطريق .. شدات طاكسي  و وجهها كان فحال الشبح .. هرب منو الدم .. جاتها الدوووخة و كااع الاحاسيس حسااتهم فديك اللحضة ..   لا روح لا احساس كانت فحال لا مشلولة .. يديها و رجليها منملييين علييييها عينيها باااردين .
تتحس بيهم ..عطااتو عنوان دارهم القديييمة و حطات راسها على الكوووسان تتحاول تنفس و عقلها مبلووكي و راافض يتقبل الحقيقة المرة .. ..
      #يتبع
    بقات فيا عبير مسكينه احساااس صعيييب تعرفي الانساان لي تتبغييه مزوج بغض النضر على داااكشي لي دااارت ولكن تتبقى انثى القلب اكيييد فبعض الاحياان تيتحكم مهماا كانت قوية ..😭😭😭😭