عاشقة الثراء💸مكتملة💸

💸الجزء 54💸

عاشقة الثراء
"البارت 54"
...ليالي نسيم...
-أهرب منك إليك-

- جلال .. غانعلمك الگولف .. " ركب حداها و ديمارا الاوطو" .هنا كينين ملاعب تالگولف مخيرين..
- المى ..."بفرح" .. بصاااح😍😍😍 يااس ⁦
تحركو ديريكت للنادي ديال الگولف بما ان بونتا كانا من افضل الأماكن لي فيها ملاعب جيدة للگولف و تيترددو عليها كبار رجال الأعمال و الناس المهمين خصوصا انها مكان هادئ و صاالح للإستجمام و طبعا تما كيتعقدو صفقات بالنسبه للناس ديال الأعمال و الشركاات .. الطريق كااملة هي مجهدة اغنية سعد المجرد ..و تتشطح عليها حتى وصلو للنادي .. وقف الوطو ديالو وو دخلووو ..
اتجهو للناادي لي كان كبيير و ارضوو واسعة كيف الملاعب تالكولف .. و فيه ريسطو راقي طبعا .. مشاو خذاو عربة بيضاء وصلو بها حتال البلاصة المخصصة للعب نزل و مد ليها يدها تا نزلت .. ..
-, جلال ..."شاف فيها" .. تاتعرفي تلعبي؟؟
- المى .." مبلقة عينيها فالطبيعة و النااس القلااال و لي بينة عليهم رجال أعمال و أثريااء ".. ها ..نو مكنعرفش.
- جلال .." جرها من يدها" .. اجي نعلمك ...
شير لواحد جاب ليه المضرب ديال الگولف و الكرة .. .. خذا المضرب و دارو ليها فيديها بطريقة مايلة ... جا من وراها لاسق عليها ..
- جلال ..حط وجهو على كتفها" ..باش تستمتعي فالكولف خصك تمشي على الفوانين .. بزاف كيقولو اللعبة مملة .. ولكن مشكلتهم مكيعرفوش يترولاكساو فيها ولا يتبعوها بدماغ ..
- المى .. اهاه ..شنو ندير ..؟؟
- جلال .. "بدا تيتحرك يديها مع المضرب و هو شاد فيها و جاي موراها كيوريها كيفاش تلعب" .. ..اول خطوة .. هي تمارين الإحماء ..غانبداو بهاد المضارب القصيرة المعدنية ومن بعد غانجيبو واحد متوسطة الطول .. و عاااد نجييبو الطويلة ..،ونساليو بالخشبية...
جاب الكرة مدها ليها و رجع شد فيها بنفس الطريقة ..
- المى .. اوف تقيلة .."تتوزنها بيدها" ..
- جلال .. وايلي على ثقيلة .. حطيها فوق ديك الحديدة .. سميتها Pivot .. عقلي عليها..
- المى .. تماام ..
دارت كيف قال ليها و رجعات ليه وراها كيفاش تصايب رجليها..و هو مزال لاسق وراها .. وتيقول لها كيفاش دير و كيفاش تمشي و كيفاش تجي .. ضربات الطرة المرة الاولى .. و زادت المرة الثانية .. و الثالثة .. و عمرهاش جابتها فالحفرة حتى عصباتو اصلا هو خاطرو قليلة ..
- جلال .. نتي تليقي لشي كوية فالطبيعة .. خلي عليك داكشي .. لوحيه ..
خذا منها المضرب ديال الكولف رماه .. و جرها لعندو من خصرها .. بسها جنب فمها ...
- جلال ... علاش مشهيك علاش؟؟
- المى .." تتلعب بصباعها فوق صدرو" ..حيت زوينه .. 😄
- جلال .." خذا صبعها و باسو" .. منرجعوش ..!!😉..
- المى .." حطات يدها على لحيتو و تعلقات تا باستو فشفايفو" .. نو مانرجعووش .. " شيرات ليه على الريسطو" ..بغيت نريح فدااك الريسطوو ..شوف شحال زوين المنظر من تما.
- جلال ..الله يصبرني معاك... زيدي ..
شابكات يديها بيديه و تحركو ديريكت للريسطو لي كان منضروو راائع و كيطل على البحر و الخضوورة ...
دخلو و استقبلوهم فالباب و رشدوهم للطابل ديالهم ..
كيف جلسو فالطابل سمع جلال اسمو .. شي حد عيد عليه ..ضور راسو لجهة الجردة. و بدا تيشووف ..
كيف جلسو فالطابل سمع جلال اسمو .. شي حد عيد عليه ..ضور راسو لجهة الجردة. و بدا تيشووف .. كانت بينو و بينها الزاااج ..
هي تباان ليه كرولينا كلتشير ليه و كاضحك ..ناضت لعندهم هي وراجلها ..
- كرولينا ..واو .. صدفة زويينه هااادي ماقلتييش ليا غاتجي .. وااخة علييك ..
- جلال .." سلم عليها بالوجه و على راجلها حتى هو ..." .. اش كديرو هنا؟؟
- كرولينا...جيينا ندوزو الفاكونص ديالنا هناا .." قربات لألمى سلمات عليها بالوجه و عنقاتها" هاي هاااي .. جايب معااك الزيين ديالنا ..
- جلال ..ماتحلاش المجية بلا بيها ولا شبان ليك ..😉..
- كرولينا .."شافت فيهم بزوج مصغرة فيهم عينيها ..".. هي كاابنه شي جاااجة .. ههههه حسييت بيها من الأول كانت شي حاجة مامفهوماش بيناتكم من شووفة الاولى قشعتها هههه ..جااو مع بعض يااك أماجد ..هههه ..
- ماجد.." الزوج ديالها" ..تماما ..ههه
-كرولينا... المى هذا راجلي ماجد ..ماتعرفتيش عليه فالحفلة ..
- المى .." ابتسمات ليه و مدات يدها سلمات عليه". . متشرفيين ..
- ماجد .. الشرف ليا اانسة المى ..
- جلال .. غاتبقاو واقفين .. ريحوو!! .." جر الى عندو تنقها بيد وحدة " ..مرتاحة !!
- المى .. " حركات راسها بالإيجاب و تمخشات فيه .." ..
- كرولينا .."حطات يديها بزوج على فمها" .. ويييتوو ..هههه كنت عارفااك ماغاتفلتش هاد الغزاالة .. امبووسيبل. .
- ماجد ..ههههههه جلال و من لا يعرفه .. " شاف جهة المى و طول فيها الشوفة " ..لا يقهر. .
- جلال .." شاف فألمى لقاها جمعات الابتسامة. . حس بيها فحال لا تقرصات و ماعجبهاش الحال ..بقلت تحرك من حضنو و هو يزير عليها" .. شنو دابا كديرو باغيين توسخو ليا السنعة قدام المدام ولا كيفاش !!
- المى ..." لوات وجهها و دوات بصوت يسمعو غا هو" .. على اساس نقية باش يوسخوها ليك .. طلق مني عافاك ..
- جلال .." خشا وجهو فعنقها " شوووت .. ماتخصريييش الجلسة ..
- المى .." بغات تبعد عليه" ..وا غير طلق خنقتيني ..
- جلال ..." شاف فكرولينا" وا هانتي اش درتي دابا. . خصرتينا معاها و صافي. .
- كرولينا .." شافت فالمى". . ويليي راني غير ضااحكه ماتاخدييش كاع كلامي بمحمل الجد .. انا و جلال موالفين الضحك ..
- المى ..اصلا نتي قلتي غيير الصراااحة و لي ميشووفش من الغرباال أعمى ..
- جلال ..اوا هااا لي مابغيناش ...
بعد على المى و جبد كارو شعلو .. عيط على السيرفور طلب قهوة و كل واحد طلب حااجة الااا المى طلبات غير المااء .. و هزات تيليفونها تتخربق فيه بقاو هوما تيدويو ماداتهاش فيهم ..
دارت الكيت فودنيها و شاعلة المزيكاا على الجهد باش ماتسمعهمش حتى اش كيقولو واخة يكونو تيدويو عليها .. تا جلال ماعبرهاش .. .. جابو ليها الما شربااتوكارهة الوضعية ماحملاتش ديك التصرف لي دار معاها ماحزرها ما قال ليها مالك .. بقات غير خاشية وجهها فالتيليفون حتاال واحد الوقيتة .. حيد لبها الكيت من ودنيها..
-جلال ..غانلعب طرح مع ماجد و نرجع .. بقاي مع كرولينا. .
تسناها تجاوبو و هي ماتلفتاتش ليه اصلا .. عض على شفتو مابغاش يدير تا تصرف و يحرجها قدام الناس ..هز تيليفونو و خرج مع ماجد ..غير مشاو خبطات بالتيليفون فوق الطبلة خلات كرولينا تاتشوووف فيها. ...
- كرولينا .. مالكي المى ؟؟
- المى .." هازة خنافرها" .. ماماليش ..
- كرولينا .."ابتسمات و مشات جلسات حداها بلاصة جلال" .. امم .. انا نقوول ليك ماالك .. شدااتك الغيرة على جلال فاش قلت لو دكي الهضرة .. امم ..!!
- المى .." ماعرفاتش وااش تريح فالهضرة معاها ولا غاتندم بالحق جاوباتها .. مترددة " .. امم .. اي وحدة كانت مع شي واحد ماغاتبغيش تسمع عليه حتى هضرة فحال هادي .. احتراما ليها و صافي ..
- كرولينا .. "نهدات " .. انا اكثر وحدة غاتحس بيك .. اكيد كاتشوفي فرق السن بيني و بينو .. ههه .. كانبان كبيرة عليه ياك ..
- المى .." عندها فاص فاص " .. غير شوةي .. مكيباانش شي فرق كبيير ..
- كرولينا .. سبع سنين ديال الفرق فالسن .. انا 42 و هو 36 .. و انا أكثر وحدة ممكن تحس احساسك بالدووبل ...
- المى ... و علاش ؟؟ .. احم .. بغيت نقول علااش تزوجتي بيه صغير عليك ملي نتي حاسة بالفرق تال هاد الدرجة؟؟
- كرولينا .. تو سامبلومون .. هو محتاج الدعم .. و انا محتاجة الشباب ..
- المى .. و مرتاحين فحال هكذا؟؟
- كرولينا .. تو سامبلومون .. هو محتاج الدعم .. و انا محتاجة الشباب ..
- المى .. و مرتاحين فحال هكذا؟؟
- كرولينا .." تنهدات و ابتسمات بألم" .. اشمن رااحة غاتلقاي مع راجل باغي يعيش حياتو و شبابو و نتي ااخر همو .. كاننربطو معايا غير بهاد الدووران و الخرووج من بلاد لبلاد .. مع اني كنحس بعينيه كيدووورو على بناات صغاار فكل بلااصة مشينا ليها ..
- المى .. " خزرات فيها" .. ويييلي و شنو مصبرك علييه .. ردي الزمر لموو ..
- كرولين .. ههه ساعلة فالهضرة .. ولكن صعييبة فالتطبيييق ..
- المى .. اوا اختي سمحي ليا .. نتي زوينة .. لاطاي موجوودة .. مهتمة براسك لدرجة ماباينش عليك السن تااعك .. لاش غاتستحملي .. خوي شي فين يجي شي ..
- كرولينا .. ههههههههههه اييه .. غانلقااهم مصافين قداام الباب ..
- المى .." حطات يدها على حنكها و تكات على الطبلة" ..امم سو كاتبغييه ..
- كرولينا .." ضحكات باستهزاء و حطات كارو فمها شعلاتو" صدقييني نسيييت هاد الإحسااس من زمان .. " مدات ليها كارو"
- المى .... نو متنكميش .. شكرا ..
- كرولينا ..و نتي كتبغي جلال؟؟
- المى .." طلعلت فيها راسها و بقااات تتشوف فيها مدة ماعرفات ما تقول ..." .. انا. ههه .. انا و جلال ماعرفتش علاقتنا كي ديرة .. مفشكلة .. صعييبة يفهمها اي وااحد ..
- كرولينا .. انا غانقول ليك هضرة و خليها بيني و بينك .. كأخت لختها ..نتي دخلتي لخاطري .. و مابغيتكش تعشمي بزااف فجلال ..
- المى .. كيفاش؟؟
- كرولينا .. شوفي .. جلال ماشي واحد لي غايبغيك و تبغيه و تعيشو فتبات و نبات و تخلفو صبيان و بنات .. هو من النوع لي كيمل فالعلاقة .. و خصوووصا فاش كينعس مع شي وحدة .. كي كينعس معاها فب ساع كينفر منها و يقطع معاها العلاقة .. واخة تكون ااية فالجماال غير كيحط فيها ديالووو كيكركبها مع الدرووج .. داكشي علاااش حاااملي اااكثر ما امكن .. انك ماتنعسييش معاه .. حيت مغيعرفك من هنا لهيييه
- المى .. اوييييلي😳😳
-كرولينا ... اييه الالة. .. شوفي .. نتي بنووته زوينه .. صغيرة .. عاد بديتي حياتك .. و حطيتي رجلك فعالم الفن .. ويااك تعيشي روحك فالاوهام .. الحياة قصيرة ..
-المى .. انا مستحيل .. نضيع حياتي. .. و الى كان قلبي غايبغيييه شي نهار و حبوو غابهدلني .. نشد ديلمو هاد القلب و نعفس عليه..
-كرولينا. .."ضحكات بالجنب" ... هههه اه .. كلاااام .. المهم نتي ماتنعسيش معااه و صافي .. هاني وصيتك ...
- المى .." حطات دبهتها على الطبلة" .. طرووووطاااار ..
- كرولينا..."بصدمه " .. اوووها .. شنو درتيي ..
- المى .." هزات فيها راسها .." .. قولي ااش مااادرتش .. درت شلاااق شلاااق و كوية موود أفيوون .. و درتها موود بيسيين . خليني سااكته عافااك ..
- كرولينا ..بلاتي بلاتي .. بشوية عليا نفهم ..!! ..دابا شنو هي شلاق شلاق؟؟
- المى .."حطات يدها على راسها" .. زعما نعست معاه .. و ماااشي غير مرة وحدة ..
- كرولينا .." طلعات فيها حجبانها" .. دابا نغيتي نتيق بلي جلال نعس معاك .. شحاال من خطرة؟؟؟ ههههه مستحيييل .. شوفي نقول لك .. انا كااااع صحاباات جلال لي فاااتو كانعرفهم .. كنعرفهم مزيييااااان حيت كووولهم كلياناتي ..و لي قالتو هادي .. تقولو هلدي .. نعست مع جلال و الغد ليه نهى العلاقة ....
- المى .. و الاه تا نعس معايا شحال من خطرة ..و ماشبعش .. كون خليتو كون ماتفرقش عليا .. و هو قال لي بفموو مكنشبعش منك ..
- كرولينا .." بستغراب عوجات فمها" .. اوا اختي العجب ..زعما يكون ..
- المى .. يكون اش؟؟
- كرولينا ..يكون ..منعرف .. المهم تتاخدي شموانع الحمل؟؟ ولا هو كيدير شي احتياطاتو؟؟
- المى ..ويلي لا ..
- كرولينا...بغبتي تحملي منو احبيبتي ؟؟
- المى..شمن حمل بلا زوااج من نيتك ...اويلي ..
- كرولينا .." جبدات موانع الحمل من صاكها و حطاتهم فيدها" ..هاكي .. اذاا كنت انا لي مزوجة كنشربهم باش منحملش من المزغوب دراجلي ..!! نتي لي.. اووف ..
- المى .." بشك" .. متأكدة من راسك ماشي مغربية!!
- كرولينا .. ههههههههههه من كثرة ما عاشرت مغاربة وليت لغتي تنساها احيانا ههههه...
- المى .. ههههههههههه ..
فاللحظة فاش كانو تيضحكو جا جلال و ماجد وقفو عليهم ..
- جلال ..يضهر لي تصاحبتو ..!!
- كرولينا .. اييه اسيدي .. ولينا صحابااات و تنتقااسموو الاسرااار كااع ..
- جلال ..اوا نوضي لهيه .. حيدي من حداها ..
ناضت تضحك جلسات حدا ماجد ... اما هو جلس حداها و عنقها بيد وحدة و خشل راسو فعنقها باسها..
- جلال ..مالنا .." ضربها لنيفها" .. نزلي هذا شوية .. غاماغاادي و كيطلع ..
- المى .." حيدات ليه صبعو " .. بعد مني ..
-جلال .." زير عليها" .. الفشووش بلاش .. ماعنديش معاه ..
- المى ..ماكانتفشش .. غير عطيني شبر تالتيقار ..
- جلال .." ناض وقف و شد ليها يديها نوضها معاه" .. نشوفوكم من بعد .. عندنا مايداار ..
- ماجد .. اتكاايس اصاحبي .. هههه ..
- جلال .." خزر فيه" ..نعام؟؟
- ماجد .." جمع الضحكة .." .. خليونا نشوفوكم مرة اخرى.
- كرولينا .." نغزاتو" .. احم .. اجلال .. نتلاقاو مدامكم مزالين هنا ..
- جلال .. انشاء الله ..
شري ليهم و جرها معاه ما عطاها حتى فرصة فاش تودعهم .. خشاها تحت منو و ديريكت للأوطو و هي تتفركل فيديه و ماباغاهش يعاملها بديك الطريقة فحال شي بنية صغيرة و هي اصلا من الصغر ديالها تتبغي تكون كبر من عمرها ..
الطريق كاملة و هي تتفكر .. ماحلاتش فمها فيديها موانع الحمل لي عطاتها كرولينا و حداها جلال .. دازو قدام عينيها كاااع لقطاااتو معاها .. ميمكنش تكون تصرفاااتو ديال وااحد كيدوز غير الوقت ..!! واش ممكن يعطي لأي وحدة طيارة؟؟ واش ممكن يتعامل مع اي وحدة بهاد الطريقة لي تعامل معاها .. مبرعها و دايها لمكان مكانتش تتحلم بيه !! و لي بغاتها قبل ما تحل عليها فمها تتلقاها!! الطيااارة باسمها .. مازاراتي باسمها .. !! هدايا بجميع الاشكال!! .. بهال هذا حتا ولو كان باغي يتفلا خصها تشد فيه بيديها و سنانها .. مدات يدها للسرجم ورمات داكشي لي عطاتها كارولينا .. و اول حاجة غاتفكر فيها هي تولد مع جلال .. ..طولات فيه الشوفة و مدات يدها حطاتها على يدو .. دور راسو شاف فيها باستغراب و شابك يدو مع يدها ...
......
#خولة ...
كانت جالسة فبيت المى حدا السرجم لي كيطل على بيت عند الجليل .. بان ليها كيدوي فالتيليفون و كيضحاااك .. قالت مع راسها اكييد غايكون تيدوي مع رجوى .. حطات يدها على خدها كاتفكر فراسها ..تتشوف فعبد الجلبلي فحال لا مكينش .. تتغمض عينيها و تعاود تفتحهم .. و تشوف فيه .. داك الألم مابقاش ..
يمكن السفر لي سافرات مع المى نفعاتها ..و يمكن اصلا مكانش حب .. ملي رجعات مبقاتش تتمشي عند شيماء بالزااف و ولات تتحاشااه ... مابغاتش تزيد تعلق بيه مرة اخرى .. كفاية المرة الاولى و خرجات منها بصعوووبه بفضل المى ....
تنهدات بألم كي تفكرات المى .. ملي صيفطات ليها ميساج طمناتها عليها ماتلاتش حكرات عليها ... بغات تخليها ترتاح و تبغد على جو التوثر ..من بعد كلام خالها و الام ديالها اكيييد جرحها حطووو عليه ملح .. داكشي علاش خلات ليها مساحة فين ترتاح ..هزات تيليفونها بان ليها ميساج واتساب من علي .. حلاتو و لقاتو مصيفط ليها فيدو ديال الضحك...
دورات ليه ديك الساع منها تسول عليه و منها سبه تدوي معاه ..
- علي .. وا نهار كبيير هذا لي سمعنا فيه صوتك ..
- خولة .." مبتسمه" ..ههه مكنبغيش نبرزطك ..كنقول غايكون عندك شي حد هكذا ولا هكذاا .. ولا شيي وحدااا ..داكشي علاش مكاتنبغيش نديرونجيك ...
- علي .. عض على شفتو التحتية و مبتسم بالجنب" ..خههه ييه الالة .. غير ديرونجيني مكين مشكل ..كيعجبني ديرونجمون ..مكين لي كيجي عندي .. من نهار جتيي نتي ..
- خولة . ههه..مزيان ..
- علي .. اوا اش كدير البرهوشه ديالي !!
- خولة .. اولا انا مااشي برهووشه ثانيا ماااشي ديالك ..
-علي .. ههههههههههه برهوووشة و دياالي .. بغبت ولا كرهتي .. شتي نتي من نهاار حطيت يدي فيديك و سلمت عليك و نتي ديالي ..
- خولة .. " حسات بمغص فمعدتتا" ..اهه بأمارة دييك المرة لي تصلت بيك باش نعتذر منك على كلامي .. و لقيتك خداام تتحرك و تزرع .. ولا نسييتي ..
- علي .. " تكرشخ عليها بالضحك" ..ههههههههههه هههههههههه غرتي عليا الخوينزة .. ههههه
- خولة .." بتهكم" .. هااا .. هاهاهاهاها .. علاش بالسلامه غانغير عليك ..
- علي .. يمكن حيت عجبتك .. مابغيتينيش نكون مع شي وحده غيرك .. امم...
-, خولة ..ناااري ياا غرووورك يا اخي ..
- علي .. خلينا من هادشي ..ماغانشوفكش ؟؟
- خولة .. احم .. ايمتا!!
- علي .. مكرهتش دابا !!
- خولة .. دابا غانمشي لافاك .. و غانخرج مع السته .. دوز عليا !!
- علي .. صافي مشات .. نتقاشعو
حطات التيلي و ناضت للبلاكار خذات منو شوميز قصورة مبينة البووط فالأصفر و مطيحة الدرعين ..معسروال لاسق فالأسود طاي هوت مشرگ من الفخض .. .. صاوبات شعرها و خلاتو مطلووق على راحتو..دارت ميك اب خفيف و خرجات شدات طاكسي من قدام الباب ..عايشة مكانتش فالدار ديك الساعة ..اتجهات ديريكت لافاك ..دخلات خذات الدروس ديالها لي بغات و سلمات على صحاباتها .. بانت ليها شيماء فالبوفيت و هي تخطاها ماشافتهاش .. وصلات الوقيتة لي دارت مع علي و خرجات قدام باب لافاك كاتسنا فيه حتى بان ليها تا هو واقف تيتسنا عاطيها بالضهر و كيشووف فتيليفونو ... .. لابس شوميز بيضااء و سروال گري مع سبادري فالبيض .. .. دير فيديه ساعة و براسلي فالاسود ديال العقيق .. مطلع شعرو للفوق .. دور راسو لجهة الباب و هو يلمحها تتشوف فيه و واقفة. .
شير ليها بيديه و مشات عندو ..مدات ليه يديها باش يسلم عليها .. كي شد فيها جرها لعندو خشاها فحضنو و حط وجهو فعنقها باسها بوسة خفيفة و رجع شاف فيها ....
- علي .. توحشتك ..
- خولة .." موسعة عينيها بصدمة و دارت تتشوف فجنابها بانو ليها صحاباااتها تيشووفو فيها و هي تجرو من يدو و مشات تتجري لجهة الاوطو ديالو" .. الله يمسخك فضحتيني قداام النااس ..
بقى تيضحاااك عليها و على تصرفاتها الطفوولية .. دخلوو للاوطو و هي تحط يديها على راسها ..
- خولة ..صاافي تفضحت تشوهت .. ويييع ..
- علي .. ههههههههههه مالك ..
- خولة.. حناا راه غير فالمغرب ماااشي فالميريكاان باش دير بحال هاد التصرفااات اعليي ..دابا انا كي غايشوفو فيا ..!!
- علي .. الى قالو ليك شي حاااجة تصلي بيا ولا قولي ليهم راجلي و خرجي من باب واسع ..
- خولة .." خزرات فيه" ..ولكن نتاا ماشي رااجلي ..
-علي .." دور راسو لعندها مبتسم " ... شكون قال مانوليش؟؟
- خولة..." دهشرها" ..اا .. فين غانمشيو ..ياماا شي نايت كلوب عاوتااني ..
- علي .. ههه لا ممعاودهاش .. نمشيو لشي كافي حدا البحر .. !!
- خولة .. امم تمااام ..
اتجهو ديريكت لكافي جنب البحر كيف قال ليها .. بقاو الطريق كاملة كيدويو على اي حاجة .. حنى وصلو ..شدو مكان مقنت و جاي مطل على الأمواااج ديريكت .. ..
- علي .." جر ااكرسي ديالو لاسقو مع ديالها و دار كرسي اخر حط عليه رجليه " اوا ..
- خولة .." ضمات يديها بخجل .." ..اوا اشنوو ..؟
- علي .. " شد فيدها كيلعب ليها فصباعها و حاط يد اخرى على كتفها ضمها .." .. اش طرا من ااخر مرة شفتك فيها ..
- خولة .. " تنهدات و دورات راسها تقابلات مع وجهو" ..طرااا بزاف ..😔
#يتبع ...
(شفتكم بحال لا نسيتو هاد زوووج جيت نفكركم بيهم 👀)