عاشقة الثراء💸مكتملة💸

💸الجزء 159💸

عاشقة الثراء
"ليالي نسيم "
البارت 159
-ملِك قلبي-
- المى ..." فتحات العلبة و خذات العقد لي كان جاي من الكتف للطتف و طايح على درعينها بطريقة احترافية من الماااس الحر و فيه حبات اللؤلؤ طايحين على الجناب بطريقة ناعمة و راقية". واو .. زوين بزاف .. شكرا ..
- كارولينا .."ابتسمات بفرحة حيت عجبها" بالصحة .." ..
- عايشة .." تقدمات لعندها و عنقاتها تعنيقة طويييييلة " .. مبروووكي احبيبتي ..
- المى .." باست ليها يدها" .. الله يبارك فيك احيااتي ..
- عايشة .. مانحتاجش نوصيك .. على راسك .. و راجلك و حياتك الزوجية .. راك واعية و عارفة الحياة كيف ماشية!!
- المى .." ابتسمات ليها" ..ماتخافيش عليا ..انا وجلال قادرين نكونطروليو كولشي .. هه ..
- عايشة .. الله يوفقكم .. جدك بغا يشوفك .. هاهو جاي دابا ..
- المى ..وااخة .. .
- عايشة .. يالله حنا غانزلو .. البنات شكون تنزل معانا !!
- رؤيا ..انااخالتي ..
خرجو و ديك السااعة دخل عبد العظيم بالكرسي المتحرك آليا ديالوو .. و حداه وحدة من الخدم هازة بواطة كبيرة ديال الدان فالگري .. .. ضارت عندو المى و عاوناتها خولة حتى ضورات الفستان ..
- المى .. الحااج علاش عذبتي راسك و جيتي تال هنا ..كنت انا غانزل عندك ..
- عبد العظيم .." قرب لعندها'' ..بسم الله ما شااء الله .. اللهم احفظها ..قربي ابنتي .." ..مد ليها يدو باستها و ابتسمات ليه " .. شوفي ابنتي .. ماغاديش نجي نقول ليك ديك الهضرة ديال الكبار .. انا غانقول ليك واحد الحكمة نبغيك تمشي عليها .. باش تعرفي كيفاش تسيري حياتك و زواجك ... دائما اذا كان راجلك معصب .. خليه تاااا يبرد عاد ناقشييه .. و دائما خليك صريحة معاه .. اي حاجة درتيها او بغيتي ديريها تشاوري معاه باش يعرف انه ليه دور كبير فحياتك ..خليك ديما صريحة معاه .. ديري النية و مع ذلك كوني فايقة و واعية .. المشااكل ديالك دائما حليهم بالعقل .. التهور خليه لجلال .. حيت هلديك شخصيتو .. ديما عصبي و متهور ولكن في سااع تيرجع .. الى درتي هادشي .. كوني اكيدة غاتاكليه بحوايجو .. و اي حاجة درتيها عمرو يسولك علاش .. ثاني حاجة .. بنتو ديريها بنتك .. بااش تزييدي دخلي لقلبو .. حيت توولييب .. واخدة مشااح. كبيرة فقلبوو .. تيعزها بزاافةحيت ضرووف الزوااج ديالو مع مها مكانووش مزيانين .. دعكشي علاش بما انك غاتعيشي معاها .. خصك ديريها فحال بنتك .. و ماتفرقيهاش على ولادك .. .. و خلافااتك معاااه مانبغيهاش توصل لعندي .. ولا شي كد فيكم يجي يتشكى .. عمركم دخلو بيناتكم شي طرف ثالث ابنتي .. ديما مشاكلكم جلسو فالطبلة و حلوهم .. ههه انا عارف هادشي ماشي وقتو دابا ولكن لي عليا خصني نقولو .. واخة نتوما مزوجين من شحال هادي ولكن زواجكم الرسمي الاعلان ديالو اليوم ..
- المى .. ههه كون هاني الحاج .. هادشي لي قلتي كوولو غانفذووه .. انشااء الله ميكونوش خلافات بيناتنا لي يوصلونا لعندك ..
- عبد العظيم ..انشااء الله نتمنااو .. اري ابنتي داك الصندوق .." تكلم مع الخادمة.. مداتو ليه .. حلو خذا منو تاج و مدو لعبير " تفظلي .. هاهو الكادو ديال عرسك ..
- المى .. وسعات عينيها فيه" .. وااااو ..
- عبد العظيم .. هذا التاج ديال مرتي .. هدااه ليها الواليد ديالي فزواجنا ..بقيت محتفض بيه ليك نتي بالذااات ..
- المى .." خذاتو منو و حيدات داك لي كانت ديرة و دارت بلاصتو التاج لي قدم ليها الحاج" .. لهلا يخطييك الحااج تيحمق ..
- عبد العظيم .." ابتسم ليها" .. الله يحفظك ابنتي .. بصحتك ..
- المى .. "وراتو لرجوى وخولة لي كانو جالسين بعيد عليهم ..التسموو ليها " واعر حمقني هههه ..
- عبد العظيم .. الله يديم عليك الفرحة ..و يبعد عليك كل شر ..
- المى ..اميييين اجدي ..😊..
كي سمع كلمه جدي منها ابتسم ابتساامه عريضة .. كلمة واحد أراحت قلبه .. حرك الكرسي و تم غادي طبعا لعند المعازيم لي بداو كيوصلووو .. اما عبير كانت فرحااانه بالكادو ديالو حيت كان راقي و زويين و بااينه عليه غااالي و هي من عشااق اي حااجة ثمييينة ..هادي عادة فيها مستحييل تحيدها .. طلعات عينيها للمراية و شافت فالبنات كانت خولة ناضت تدوي فالتيليفون فالباالكون .. و رجوى جالسة فوق النموسية و حانية راسها بااينة عليها مقلقة .. دورات الفستان ديالها و اتجهااات لعندها .. جرات كرسي و جلسات بالجنب قدامها .
طلعات عينيها للمراية و شافت فالبنات كانت خولة ناضت تدوي فالتيليفون فالباالكون .. و رجوى جالسة فوق النموسية و حانية راسها بااينة عليها مقلقة .. دورات الفستان ديالها و اتجهااات لعندها .. جرات كرسي و جلسات بالجنب قدامها ..