عاشقة الثراء💸مكتملة💸

💸الجزء 44💸

عاشقة الثراء
"البارت 44"

-أهرب منك إليك -

- جلال .." مزااال تيقرب و يطلع فالكمام ديال الشومز " فاش كنتي لديلمك تتحكي طب** على ز**ي مابانش لديلمك الغلط .. ..! هااااااا
- المى .." كانت تتمشى باللور تا ضرباتها بجرية" ..نتااااا لي شديتينيييي بزااااز ...
صغر عينيه و تبعها شدها كي البرق ما عاقت براسها تالقات رجليها كيطيىو فالسماااء .. 😆 هزها و دار بيها و مدها لواحد من الأحصنه لي تما ..
- جلال ..شنو ندير ليماااك دابا نحطك ليه ياكلك و لا شنو ..
- المى .." بان ليها الفرس كيوقف على رجليه حيت خلعوه بغواتهم و بدا فحال لا فكالة الهجووم و هي تلسق فجلال و كاتغوت" .. اااعععتهععععع هنهنه نزلنييييي .. واااااع حيدني من هنا غايركلني ازمااار هااععععع...
- جلال ..." شداتو الضحكة" .. يالله بنتي ليا فحال لا زعمتي انا حقي تناخدو بيدي .. وقلت ليك ردي بالك مابغيتيش تحشمي ..
- المى ..صاافي صافي غير نزلني عافاك .." خشات وجهها فعنقو كتمخشش فيه" .. عافاااك ..
بقات فيه بانت ليه بحال لا غاتبكي و هي غا تتبوحط باش تاكل خبيزتها🤣..نزلها و حصرها بيديه مع الخشب تالاسطبل .. فاش نكون خدام مكانحملش لي يقاطعني .. مفهوووم .." طلع فيها حاجبو" ..و حاجة اخرى ..تكوني غادية مزيان دقة وحدة ينزل عليك الوحي غلط و لا حرام هاد المرة نقلبك و سد لديلمك التقبة ديريكت .. هاني علمتك ..
- المى .." مخرجة فيه عينيها " .. اويلي واش نتا صافا ولا كاتفلا ..اصلا شكوون عطاك الحق تبوسني من الاول ..
- جلال .." ابتسم بالجنب " داك لي عطاك الحق باش توقفيني ..
- المى .. لو كان ماوقفتكش .. فين غانوصلو!! هااا!! لو كان موقفتكش كانت غاطرا شي مصييييبة هنا ..
- جلال .." قرب وجهو لعنقها .. كيستنشق عبير ريحتها و طبع بوسة خفيييفة على عنقها" و اجمل موصيبة ..
- المى .. بالله عليك واش نتا بصح ماضارباااكش الشمس .. قهرتيني .. كل مرة فشخصية ..؟!! دابااا اناا المى .. تبووسني هنااا !! من نياك فالزرييبة .. لو ماوقفتكش يمكن كنتي غادير معايا علاقة .. علاقة فوووق الثبن؟؟؟ ههههههه لا هادي نوووطة ..
- جلال..." خذا خصلة من شعرها لواها على صبعو و جرها شوية حتى تآوهات .. و رضها ورا ودنها .." .. بحال الثبن بحال الفراش انما الأعمال بالنيااات ...
- المى .." ضككها" .. هههه .. بااز لوجهك باز ..
-جلال .."شير على حجرو لي كين هاز ااعلام" .. اش غانديرو ليه دابا !!
-المى .." فلتات من تحت يديه" .. اش غادير ليه نتا .. انا ماالي!!
- جلال ..." كيحك لحيتو" .. نهار نلسق حسك مع شي حيط نهار تحمدي الله ..
- المى ..شوف .. انا مانقدرش ندير علاقة معااك اولا خصني نبغيك و بما انني مكانآمنش بالكب .. ههههههههههه ادشي غصووو وقت كثيييير ..ثانيا الحب عندي مادة ماشي حلاوة اللسان. . ولا خروج و دخول .."غمزاتو و عطاااتو بالضهر ...
- جلال ..و انا كنواعدك .. قريييب غاتكوني بين يدي .. ماغاتقديش تقولي لا ..
- المى .." ضارت شافت فيه ..طان وصل لعندها" ... إلا إذا كانتي غاتشدني بالغصب .. و هذا كيتسمى اغتصاب واااخة ننسجم معاك بعد مقااوماات فالاخير انا أنثى و كنتأثر ..
- جلال .."جابت ليه الضحك ..ضرب يد بيد و شاف فيها بالجنب" .. غايدووز كووولشي بخاطر خاطرك غير تهناي ..
رما عليها هاد زوج كلمات و زاد تا هي مانطقات تا كامه تمشات جنبو سادو فمها باش ماتزيدش تقول ولا كلمة تقلب موازين الخرجة .. لكن فلحظة تقرب منها و شد ليها فيدها تم غادي بيها للكافي لي كانت فالنادي .. جر ليها كلسي بلباقة حتى جلسات و بلا ميشووف فيها ولا يهز فيها عينو .. جلس قدامها و شير للسيرفور طلب منو قهوة بدون سكر كيف عادتو و خذات المى عصير الرمان ..جبد السجائر الفخمة ديالو كيكمي و شاف فساعتو اما المى خذات تيليفونها كدير سيلفيات و كاتلوحوفالسناااب و فيديوووهات كذلك .. شافها ملهية قال يجربها واش غاتحل معاه و دنيها و ترد ليه البال و لا غاتكون بدات تتأثر .. هز تيليفونو و اتصل برقم معين ..
- جلال .. وي علي ..شوف .. الملفات ديال الصفقة الجديدة ديهم لبيتي فالاوطيل تما غانكون .. غانصيفط توليب لقصر و غانريح فالاوطيل ..رد بالك مع الوراق .. مهمين و ماعندهمش نسخة ....
.حط التيليفون و شاف فألمى من النضاضر لي كان دير ..بانت ليه كدور فعينيهها و نزلات التيليفون من وضعية السيلفي .. حرك راسو بسخرية فاش شاف صباعها خدامين عرفها تتكتب للعدو .. ضحك بالجنب و ناض وقف باش ميقلبش عليها ديك الطبلة عطاها بالضهر ..
- جلال .. نجيب توليب و نجي باش نتحركو ..
شافت فيه باستغراب من تغير النبرة ديال صوتو هي فالحقيقة كانت تتكتب و تردد تصيفطها لمرتضى .. حطات يدها على حنكها و تتشوف فالرسالة ...واش دير ليها اونفاوي و لا سيبريمي ..
شافت فيه باستغراب من تغير النبرة ديال صوتو هي فالحقيقة كانت تتكتب و تردد تصيفطها لمرتضى .. حطات يدها على حنكها و تتشوف فالرسالة ...واش دير ليها اونفاوي و لا سيبريمي ..
- المى .. دابا الى مشيت تا صيفطتها لهاد القواااد اكيييد غايقول ليا سيري معاه لاوطيل و شفريهم و لا صوريهم .. مالي على حالتي اش داااني للقرع نمشط ليه شعرووو ..😕 ..
محات الرسالة و حطات التيليفون فالصاك ديالها حيدات النضاضر من عينيها حيت كانت الشميسة بدات تتغرب و جلسات تتأمل الغروب حتى جا جلال و توليب بان ليها غا شاد فحجرو حبساللا الضحكة و... خلا توتو مع المى و مشا يجيب ليها غزل البنات لي طلباتو عليه .. نقزات جلسات حدا المى .. و هي دور عندها تحنات حدا وجها..
- المى ..اجي نتي لهنا .. كاع ماتعرفنا!!
- توليب .." شافت فيها مبعكة" .. انا توتو ..و نتي شكون
- المى .. انا ألمى .. شحال فعمرك اتوتو؟؟
- توليب .. ست سنين ..
- المى .. تبارك الله .. فراسك ماعنديش مع البعالك!!
- توليب .. تا أنا ماعنديش مع الطوااال
- المى .. ههههههههههه ولكن نتي عجبتيني .. كيووته و بعقلك .. ماكديريش لي بيتيز ياك!!
- توليب .. تتتت .. حيت أنا بخانسيس .. هكذا كيقووول ليا ماااي هييرو .." شيرات على جلال لي جايب ليهم غزل البنات بزوجهم ... و شافهم كيدويو و توليب نافخة ريشها و المى مبتسمه عجبو الحال نوعا ما و ابتسم بلا هواه .. مد ليهم غزل البنات شدوه بالفرحة بزوجهم هذاك هو لي ماتقدر حتى بنت سوا كبيرة و لا صغيرة تقاومو .. بقى حاضيهم كياكلو بزوج صباع .. كل وحدة مبعكة فجيه و كيقول الله يعطيني الصبر مع هاد القوم.. فاش كملو لفتات انتباه المى توليب لي تتقول كل شوية لجلال ماي هيرو و قالت تسولوو و تشبع فضولها ...
- المى .. علاش تتقول ليك ماي هيرو!!
- جلال .. " شاف فيها و شاف فتوليب" .. العام الفايت كانت كانت غاطيح من فوق العود ديالها .. و شديتها كان غايدوز عليا مي حفض الله ..من تما و هي تتعيط ليا ماي هيرو ..
- المى .. "حطات يدها على فمها" ..ويلي اش داها للخيل!!
- جلال .. ههههههههههه " شاف فيها بنظرة دات مغزى" .. شفتي هادي لي قدامك واحدة جوائز على ركوب الخيل .. كاتعلم على نوع من الخيول صغير كنقولو ليه الحصان الغجري .. .. ولكن داك النهار كانت راكبة على فرس كبير ..و هذا كان غلط مها هي لي سمحات ليها تركب عليه ..
- المى .." ابتسمات بلا ما تشعر" .. هه ... مايهمش المهم نتا كنتي تما باش تنقذها ..
- توليب .. " نقزات عليه و عنقاتو" .. هادشي علااااش ماااي هيرو ديالي بوووحدي ... 😍
- المى .. هههه الله يخليه ليك الالة ...
بقاو بضع دقائق و اتجهو بلاوطو للهيليكوبتر و حلقو ديريكت لكااازا لقاو الجيش الاهيلالي تيتسناهم (ماشي حنا ماتمشيوش غالطين😂 غير لي گارد) ...بالاوطو ديالهم و الاوطو لي غايركب فيها جلال .. خذا منهم الكونطاك وامرهم يمشيو للقصر .. داكشي لي كان ديمارا الاوطو فاتجاه فين تتسكن المى .. وقف الاوطو ورا الدار فبلاصة خااوية و مظلمة ..
- جلال .. وصلتك لداركم كيف جبتك منها ..
- المى .. .." ابتسمات ليه بدلع" .. شكرا ..
- جلال .. "دور راسو لعند توليب لقاها تكورات و نعسات فالمقعد اللوراني" .. اتوليب نعسات ...
- المى .." هزات الساك أدو ديالها ..".. انا غانمشي تصبح على خير ... ديها ترتاح عيات مسكينه ..
- جلال ... " شدها من بديها قبل ماتنزل .. تحنا هز الصاك لي فيه دوك الهدايا لي جاب ليها ...'' .. نسيتي هادو ..
- المى .." سهات فيه ريحتو الرجوولية مخلطة مع ريحة التبغ كانت عاااطية دوخاتها ..فاقت من سهوتها و شداتهم من عندو مبتسمه " .. شكرا ..
- جلال .." حط يدو على لحيتو كيدوز عليها" .. اه .. نسيت ما گلتش ليك .. غانرجعو لمراكش بعد يومين ..وجدي راسك ... كين اول عرض ديال الفيلم .. و النهار الثاني كين الحفل ..
- المى .." بصدمة .. " .. اه بهاد السرعة.. !؟
- جلال .. " بحلق فيها" .. علاه اش غانتسناو ..
- المى .. " دلات شفتها" .. يصحابلي غايتعطل ..
- جلال .." قرب لها و حط يدو على عنقها جرها لعندو تا ولات مقابلة معاه باااسها بوسة حنييينه على شفايفها .. خلاتها تغنض عينيها و تحس ببوسة اخرى .. كانو بوسات متقطعين ... خذا يدها حطها على حجرو تا فتحات عينيها بزربة و بحلقات فيه " .. خذا دابا غانضطر نجيب لبه شي قحبه تبردو ..!! و هادشي لي ماحاملش ..
- المى ...ودنيها حمارو و ماحملاتوش" .. يخليك بالخلا نتا وياه ..
- جلال .." غمزها" .. ايمتا ناوية تحني فيه!!
- المى .. نهار تشري ليا طيارة .. ههههه نزلات و سدات الباب شوية و صيفطات ليه بوسة فالهواء .. هبطات من دريبة صغيرة ديريكت لدارهم حلات الباب و دخلات اما جلال كسيرااا ديييريكت للقصر هز توليب حطها فنموسيتها و مشا لجناح ديالو.. دخل للحمام كيخوي عليه المااا باااارد على الله يبردوووو ...
نزلات و سدات الباب شوية و صيفطات ليه بوسة فالهواء .. هبطات من دريبة صغيرة ديريكت لدارهم حلات الباب و دخلات اما جلال تحرك ديييريكت للقصر هز توليب حطها فنموسيتها و دخل للحمام كيخوي عليه المااا باااارد على الله يبردوووو ...خرج مع الدوش لاوي عليه فوطة .. و الثانية كيمسح بيها شعرو .... رجع تحرك للدريسينغ خذا منها تيشرت فالزيتي و سروال أسود .. لبس معاهم كلاكيطة كحلا و شعرو مشطو بصباعو للور... مشا هز تيليفونو اتصل بمحسن دراعو اليمين في كل ما يخص الأمن و الأعمال الغير قانونية 😕...
- جلال .. افين ..
- محسين .. صافا العشير ..
- جلال .. حامدينو . واحد الضوسي وصيتك عليه على داك خونا فين وصل ..
- محسن .. وااا خوتنا كترووو عليا .. شكون فيهم ..
- جلال .. وايلي .. داك لي كان تيتملق للخوادرية ..
- محسن .. اااه عبد الجليل ...
- جلال .. هذاااك .. فين وصل بلانو!!
- محسن .. اش غانقول ليك السيد ماعندو منين يتشد .. حاضي سواريه و ساند سانك كابابل كيض
صرف على عائلتو و نهار جريتي عليه دخل شريك مع شي صاحبو جاي من الخاريج دارو شي مگازا كبيرة ديال البياس ديطاشي ديال طونوبيلات و الطنوبيلات نيت .. راه نيت الافتتاح البارح كان من اللخر الدري نقي لا سهير لا دريات .. و كيصلي .. كنشوفوه غادي للجامع هاد المدة كاملة و هو الخدمه الخدمه .. ولكن ..
- جلال .. اشنو!!
- محسن .. تلاقا مع الخوادرية ديالك فالكافي لي كيريح فيها .. بالحق مرة وحدة ..
- جلال .. صافي قطع ...
فصل الاتصال و ناض خشا تيليفونو فجيبو تحرك ديريكت لعند رجوى لبيتها كانت جالسة فالبالكون حاضية النجوم ..بقى مدة تيشوف فيها عاد دخل ..
- جلال .. اجي هنا بغي ندوي معاك .." مشا جلس فوق الكنابي و حط رجل على رجل بطريقة مقرقة" ..
- رجوى .." كي سمعات حسو قفزات .." .. جلال !!
- جلال .." طبطب بيدو على بلاصة حداه فالكنابي " .. اجي .. مالك كترعدي دايرة علاش!!
- رجوى .." مشات جلسات فالبلاصة لي شير ليها عليها" .. لا مادرت والو علاش بغبتي دوي معايا ...
- جلال .. "كيضور تيليفونو بين يديه " ..والو .. ماشي شي حاجة .. ندردشو .. عليك ..! على موراد .. و العرس ..
- رجوى ..زيرات على يديها" .. نتا عارفني مباغاش نتزوج بيه .. الى كنتي جاي على هادشي غير سير ..عدبتي راسك بزااف ..
..... جات تموض و هو يشدها من معصمها زير عليها للتحت...
- جلال ..ريحي .. مزال مكملتش هضرتي ..!
- رجوى .." جلسات و تقابلات معاه عينيها فعينيه" .. نتا كنتي الحنين فيا .. علاش تدير فيا هادشي !! علااش باغي تزوجني لواحد بحال مراااد عرفتي هو لاااش باااغي يتزوج بيا .." مسحات دموعها" .. اكيييد ماعارفش .. اكييد ..
- جلال .." حرك راسو .." ..عارف .." خزر فيها" .. بالحق ماخليتيش ليا حل اخر. ..
- رجوى .." ابتسمات بألم " .. عارف!! عارف مراد باغي يتزوج بيااا باااش يكون بجنبك ولا ياخد بلاصتك كاااع .. و سااكت .. و باااغي تزوجني بيييه .. باغي تىميني للنار . تزوجني لواحد نعيش معاه حياة فالجحيييم؟؟
- جلال .. شد فيديها" .. لا .. باغي نزوجك بيه باش تبقاي هنا تحت عيني . مايقدرش يسيء ليك .. هذا هو الحل .. واش عارفة نتي شكووون!! نتي راك نور هاااادو ..." شير ليها على عينيه" .. الي قاااسك نحر موو ... بغيتيني نرميك لواحد ماعارفينو منين جاي!! نهار يدگ مك و لا يدير فيك شي حاجة اش غاندير ليه؟؟ غانقتلو !!
- رجوى ..." ابتسمات بالجنب " كنتي تخليني انا نتحمل مسؤولية اختياراتي .. خليني انااا نعيش حياتي بحلوها و مرها
- جلال .." كيحك لحيتو " .. و جدك مكيهمكش!؟ القوانين لي حااط مكيهموكش!!
- رجوى ..جلال نتا عارف جدي هو اول وااحد خرق القولنين و تزوج ببنت خالو بدل بنت عمووو ..
- جلال .. واش غانحاسبو راجل اكبر منا بأجيال .. غاتحاسبي كبير العائلة ارجوى!!
- رجوى .." دارت يديها على عينيها و نحيبها متواصل كيقطع القلب" .. غاندير شي حاااجة فراااسي كانقسم ليك اجلال ليلة العرس غاندير شي موصيبة فراسي .. و غاتهزووني فتااابوت بلاصة عماارية .. و ديك الساعة خلي القوانين تنفعكم ..
-جلال .." ضربها لراسها" .. هاد الراس غانهرسو لا مزال سمعت بحال هاد الخرا ..
#يتبع ..