عاشقة الثراء💸مكتملة💸

💸الجزء 23💸

عاشقة الثراء "
"البارت 23"

-ألمى-
حتى ديك كلمة " اخيرا غاترجع لداركم" مع انو قبل اربع سنين كان كيتمنى كل نهار يسمعها ..!!
هز عبير لي لسقات فيه و خرج مع الموظفة.. كان باه و عمو و الأم ديالو لي كانت حانية راسها كاتفرك فيديها .. باينة علبها كاتلكي و باه مرة مرة تيسكت فيها ..كانو جالسين فالمكتب ديال المديرة .. كيف يقدر ينسى ملامح كل واااحد فيهم .. العم .. كان فحال لا ماعاجبوش الحال .. الأب كذلك كان وجهو مغير مع انو بين الفرحة نوعا ما كي شافو .. اما الأم ديالو هي الوحيدة لي كي شافتو بدات تتبكي بحرقة و بصوت مسموووع و تلاح عليه تتعنق و تبوس فيه ..
- حياة ..اللاه يااا ولدي حرقتي لياااا كبدتي .. اربع سنييييين و تثلث شهووور و انا كل نهااار كانقلب كي الهبيلة .. ماخليت فين مشييييت اااش وصلك لهنااا ااااش ..
كان جلال غير كيشوف .. مضهشر .. دورها فراااسو كيفااش اربع سنين و هوما كيقلبو و مالقاوهش .. واش كان بعيد لهاد الدرجة!!! واخة يكونو كيقلبو على ابرة في كومة قش كون لقاوها .. شاف الاب ديالو كيتقدم منو .. عنقو و باس ليه راسو ..
- سليمان"الاب''.. شحفتينا عليك اولدي ..
- جلال .. فين كنتو كاتقلبو عليا؟؟؟
- سليمان ..فكل مكاان اولدي فكل مكان ..
- جلال .. و شكون قال ليكم انا هنا؟؟
- حميد"العم" .." قرب ليه فاش شاف خوه شاف فيه و معارف ما يقول .." .. واحد الصديق ديالي جا لهنا و شافك .. هو لي علمنا ..
- حياة .." مزالة معنقاه" .. يالله احبيبي .. يالله نمشيو لدار .. جدك كيتسناااك و ختك كاتسناااك ..
- جلال ..انجل .. غانديها معايا؟؟
بقى شي كيشوف فشي .. حياة شاف فيها و خذاتها من عندو هزاتها و باستها فراسها .. دورات راسها لراجلها ..
- حياة .. عزات عليا مسيكينه .. شوف شحال زوينة !!
- سليمان .." حمر فيها عينو" حياة ماشي غير اجي و دي ولاد عباد الله و الى جات عائلتها كيقلبو عليها!!
- حياة .. نخليو ليهم هنا نمرتنا الى جاااو يتصلو بينا نردوها لهم ..
- سليمان .. و الى ولفتيها .. غاتقدي تخليها لعائلتها احياة .. عطيهم البنت ..
- جلال .. ماغانمشيش و نخليها .." قرب لمو و شد لعبير فيديها" ..
- سليمان ..جلال .. غانبقى نجيبك بنفسي كل نهار تشوفها مفهوم .. كل نهار ..ميمكنش لينا نديوها .. هادشي خاصو اجرائيات كثيرة انا مامساليش ليهم ..
- جلال..ماغااانخليهااااش ..
- سليمان .. " طلع ليه الدم جر منو عبير لي كانت تتبكي.. و تمد يديها لجلال و تتعيط عليه بسميتو و مدها للمربية دون ادنى تعاطف لا معاها ولا مع جلال لي كا وجهو حمممر و كون كا كان باه كون وااا خرج فين رغم صغر سنو الا انو مكانش ساهل و زاد دابا بالعصبية لي اكتسبها فالسنين لي دوزهم فالملجأ .. كان باغي يغوت و يبكي .. يتوسل لباه يخيليه يدي معاه ملاكو لي كانت هي الحاجة الوحيدة لي مصبراه طوال هادوك الاربع سنوات ..لكن ماقدرش حنا راسو و طاوع باه لي جرو و دخلو ديريكت للطونوبيل و حياة وراه كتغوت عليه بشوية على ولدي .. هو كاع دوك التفاصيل سجلهم فراسو .. كاع اللحظات لي دازو فحياتو لحظة بلحظة خلاهم مخبيين فذاكرتو لحد الآن .. كي رجع لحياتو العادية وسط عائلتو .. كانو فروقات كبيييرة بينو و بين ولاد عمو لاخرين .. مكانش هو الابن كبير ديال العائلة لكنو كان ولد الابن الكبير .. داكشي علاش كانت عندو مكانة و جدو عبد العظيم مرشحو هو لي يكون الخليفة ديال كرسي كبير العائلة من بعدو .. داكشي علاش علاقتو مع عمامو و عيالات عمامو مكانتش مزيانة .. ولكن حاول يعوض نقص عبير فحياتو بوجود رجوى .. و خصوصا فاش طلب من الاب ديالو انو يشوف عبير و رفض ... بقات محفورة فقلبو حتى كبر و دار 18 عام .. اوا حاجة دارها هي مشا للملجأ .. لكن للأسف لقى الموضفين ديالو تبدلو .. و فاش سول على بنت سمها عبير .. مالقاش ليها الأثر .. من تما قطع الياس انو يلقاها .. حتى رجعات عندو بيديها ..
#انتهاء_الفلاش_باك
وقف و طرطق عنقو عاد طلع للسويت ديالو دخل ديريكت للدوش كب عليه ما بارد و خرج لاوي عليه الفوطة .. لبس بوكسر و تلاح هلى كرشو مفرق رجليه و يديهي كل يد لايحها فجيه من فرط التعب و راح فسبات عميييق ...